ਅਕਤੂਬਰ 26 – “ਮੈਂ ਹੀ ਤੈਨੂੰ ਚੁੱਕਾਂਗਾ, ਮੈਂ ਉਠਾਵਾਂਗਾ ਅਤੇ ਮੈਂ ਛੁਡਾਵਾਂਗਾ”(ਯਸਾਯਾਹ 46:4)।

ਪ੍ਰਮੇਸ਼ਵਰ ਤੁਹਾਨੂੰ ਇੱਕ ਮਾਂ ਦੀ ਤਰ੍ਹਾਂ ਸਹਿਣ ਕਰਦੇ ਹਨ। ਉਹ ਤੁਹਾਨੂੰ ਇੱਕ ਪਿਤਾ ਦੀ ਤਰ੍ਹਾਂ ਰੱਖਦੇ ਹਨ। ਇੱਕ ਭਰਾ ਦੀ ਤਰ੍ਹਾਂ, ਉਹ ਤੁਹਾਡੇ ਨਾਲ ਰਹਿੰਦੇ ਹਨ ਅਤੇ ਤੁਹਾਨੂੰ ਬਚਾਉਂਦੇ ਹਨ। ਇਹ ਹੀ ਕਾਰਨ ਹੈ ਕਿ ਉਹ ਵਾਅਦਾ ਕਰਦੇ ਹਨ, ‘ਹੁਣ ਤੱਕ ਮੈਂ ਤੁਹਾਨੂੰ ਉਠਾਵਾਂਗਾ ਅਤੇ ਮੈਂ ਤੁਹਾਨੂੰ ਸਹਿਣ ਕਰਾਂਗਾ ਅਤੇ ਮੈਂ ਤੁਹਾਨੂੰ ਚੁੱਕਾਂਗਾ ਅਤੇ ਤੁਹਾਨੂੰ ਛੁਡਾਵਾਂਗਾ।’

ਇਹ ਯਹੋਵਾਹ ਹੈ ਜਿਸਨੇ ਤੁਹਾਨੂੰ ਬਣਾਇਆ ਅਤੇ ਤੁਹਾਡੀ ਮਾਂ ਦੇ ਗਰਭ ਵਿੱਚ ਬਣਾਇਆ (ਯਸਾਯਾਹ 44:2)। ਪ੍ਰਮੇਸ਼ਵਰ ਕਹਿੰਦੇ ਹਨ, “ਹੇ ਯਾਕੂਬ ਦੇ ਘਰਾਣੇ, ਮੇਰੀ ਸੁਣੋ, ਨਾਲੇ ਇਸਰਾਏਲ ਦੇ ਘਰਾਣੇ ਦੇ ਸਾਰੇ ਬਚੇ ਹੋਇਓ, ਤੁਸੀਂ ਜਿਨ੍ਹਾਂ ਨੂੰ ਮੈਂ ਜਨਮ ਤੋਂ ਸੰਭਾਲਿਆ ਅਤੇ ਕੁੱਖੋਂ ਹੀ ਚੁੱਕੀ ਫਿਰਦਾ ਰਿਹਾ, ਤੁਹਾਡੇ ਬੁਢਾਪੇ ਤੱਕ ਅਤੇ ਧੌਲਿਆਂ ਤੱਕ ਉਹ ਹੀ ਹਾਂ, ਮੈਂ ਤੈਨੂੰ ਬਣਾਇਆ ਹੈ, ਮੈਂ ਹੀ ਤੈਨੂੰ ਚੁੱਕਾਂਗਾ, ਮੈਂ ਉਠਾਵਾਂਗਾ ਅਤੇ ਮੈਂ ਛੁਡਾਵਾਂਗਾ”(ਯਸਾਯਾਹ 46:3,4)।

ਮੈਂ ਇੱਥੇ ਇੱਕ ਕਲਾਕਾਰ ਦੁਆਰਾ ਖਿੱਚੀ ਗਈ ਤਸਵੀਰ ਦਾ ਵਰਣਨ ਕਰਨਾ ਚਾਹੁੰਦਾ ਹਾਂ। ਤਸਵੀਰ ਵਿੱਚ ਮਿੱਟੀ ਦਾ ਰਸਤਾ ਇੱਕ ਸੰਤ ਦੇ ਜੀਵਨ ਦਾ ਪ੍ਰਤੀਕ ਹੈ। ਉਸ ਸੰਤ ਦੇ ਜੀਵਨ ਵਿੱਚ ਸ਼ੁਰੂ ਤੋਂ ਲੈ ਕੇ ਉਸ ਦਿਨ ਤੱਕ ਜੋ ਵੀ ਘਟਨਾਵਾਂ ਵਾਪਰੀਆਂ, ਉਹ ਉਸ ਤਸਵੀਰ ਵਿੱਚ ਸਮੇਂ ਦੇ ਅਨੁਸਾਰ ਦਰਜ ਕੀਤੀਆਂ ਗਈਆਂ ਸੀ। ਪੂਰੇ ਰਸਤੇ ਵਿੱਚ, ਦੋ ਵਿਅਕਤੀਆਂ ਦੇ ਪੈਰਾਂ ਦੇ ਨਿਸ਼ਾਨ ਇਹ ਦਿਖਾਉਂਦੇ ਸੀ ਕਿ ਸੰਤ ਅਤੇ ਪ੍ਰਮੇਸ਼ਵਰ ਸੰਤ ਦੇ ਜੀਵਨ ਵਿੱਚ ਇੱਕਠੇ ਚੱਲਦੇ ਸੀ।

ਜਿਹੜਾ ਸੰਤ ਉਸ ਤਸਵੀਰ ਨੂੰ ਦੇਖ ਰਿਹਾ ਸੀ ਉਹ ਇਹ ਦੇਖ ਕੇ ਹੈਰਾਨ ਰਹਿ ਗਿਆ ਕਿ ਉਸ ਦੇ ਜੀਵਨ ਵਿੱਚ ਇੱਕ ਖ਼ਤਰਨਾਕ ਸਥਿਤੀ ਨੂੰ ਪਾਰ ਕਰਦੇ ਹੋਏ, ਉੱਥੇ ਸਿਰਫ ਇੱਕ ਵਿਅਕਤੀ ਦੇ ਪੈਰਾਂ ਦੇ ਨਿਸ਼ਾਨ ਦਿਖਾਈ ਦੇ ਰਹੇ ਸੀ। ਹੰਝੂਆਂ ਦੇ ਨਾਲ ਉਸਨੇ ਕਿਹਾ, “ਹੇ ਪ੍ਰਮੇਸ਼ਵਰ, ਜਦੋਂ ਮੈਂ ਇੱਕ ਖਤਰਨਾਕ ਸਥਿਤੀ ਨੂੰ ਪਾਰ ਕਰ ਰਿਹਾ ਸੀ, ਤਦ ਤੁਸੀਂ ਮੇਰੇ ਨਾਲ ਨਹੀਂ ਚੱਲੇ। ਤੁਸੀਂ ਉਸ ਸਮੇਂ ਮੈਨੂੰ ਨਿਰਾਸ਼ ਕੀਤਾ ਹੈ।” ਪ੍ਰਮੇਸ਼ਵਰ ਨੇ ਉੱਤਰ ਦਿੱਤਾ, “ਪਿਆਰੇ ਪੁੱਤਰ, ਕਿਉਂਕਿ ਮੈਂ ਤੈਨੂੰ ਖਤਰੇ ਦੇ ਸਮੇਂ ਆਪਣੇ ਮੋਢਿਆਂ ਉੱਤੇ ਚੁੱਕ ਲਿਆ ਸੀ, ਤੂੰ ਉੱਥੇ ਆਪਣੇ ਪੈਰਾਂ ਦੇ ਨਿਸ਼ਾਨ ਨਹੀਂ ਲੱਭ ਸਕਦਾ। ਤੁਸੀਂ ਜੋ ਦੇਖ ਰਹੇ ਹੋ ਉਹ ਮੇਰੇ ਪੈਰਾਂ ਦੇ ਨਿਸ਼ਾਨ ਹਨ ਅਤੇ ਤੁਸੀਂ ਮੇਰੇ ਮੋਢਿਆਂ ਉੱਤੇ ਸੁਰੱਖਿਅਤ ਤੌਰ ਤੇ ਬੈਠੇ ਸੀ।”

ਅਜਿਹੀਆਂ ਉਦਾਹਰਣਾਂ ਹਨ ਜਿਨ੍ਹਾਂ ਵਿੱਚ ਪ੍ਰਮੇਸ਼ਵਰ ਤੁਹਾਡੀ ਅਗਵਾਈ ਕਰਦੇ ਹਨ। ਕੁਝ ਹੋਰ ਉਦਾਹਰਣਾਂ ਹਨ ਜਿਨ੍ਹਾਂ ਵਿੱਚ ਪ੍ਰਮੇਸ਼ਵਰ ਤੁਹਾਨੂੰ ਸਹਿਣ ਕਰਦਾ ਹੈ, ਉਠਾਉਂਦਾ ਹੈ ਅਤੇ ਬਚਾਉਂਦਾ ਹੈ। ਜਦੋਂ ਪ੍ਰਮੇਸ਼ਵਰ ਇਸਰਾਏਲ ਦੇ ਬੱਚਿਆਂ ਨੂੰ ਉਜਾੜ ਵਿੱਚ ਲੈ ਗਿਆ, ਤਾਂ ਉਹ ਉਨ੍ਹਾਂ ਨੂੰ ਚਾਲੀ ਸਾਲਾਂ ਦੇ ਲਈ ਲੈ ਗਿਆ, ਜਿਵੇਂ ਇੱਕ ਉਕਾਬ ਨੇ ਆਪਣੇ ਬੱਚਿਆਂ ਨੂੰ ਆਪਣੇ ਖੰਭਾਂ ਉੱਤੇ ਚੁੱਕਿਆ ਹੋਇਆ ਸੀ। ਅੱਜ ਵੀ, ਉਹ ਇੱਕ ਹੈ ਜੋ ਤੁਹਾਨੂੰ ਸਰਵਉੱਚ ਦੀਆਂ ਬਰਕਤਾਂ ਦੇਣ ਦੇ ਲਈ ਤੁਹਾਨੂੰ ਲੈ ਕੇ ਜਾਣ ਦੇ ਲਈ ਬਣਿਆ ਹੋਇਆ ਹੈ।

ਗੁਆਚੀ ਹੋਈ ਭੇਡ ਮਿਲਣ ਤੇ ਚਰਵਾਹੇ ਨੇ ਕੀ ਕੀਤਾ? ਉਸਨੇ ਉਸਨੂੰ ਚੱਲਣ ਨਹੀਂ ਦਿੱਤਾ ਤਾਂ ਕਿ ਉਹ ਦੁਬਾਰਾ ਆਪਣਾ ਰਾਹ ਨਾ ਗੁਆ ਦੇਵੇ। ਇਸ ਤੋਂ ਇਲਾਵਾ, ਉਸਨੇ ਇਸ ਦੇ ਪ੍ਰਤੀ ਆਪਣਾ ਪਿਆਰ ਦਿਖਾਉਣ ਦੇ ਲਈ ਇਸਨੂੰ ਆਪਣੇ ਮੋਢਿਆਂ ਉੱਤੇ ਚੁੱਕ ਲਿਆ। ਜਦੋਂ ਉਹ ਉਸਨੂੰ ਇਸ ਤਰ੍ਹਾਂ ਚੁੱਕੇਗਾ, ਤਦ ਉਸਦਾ ਮੂੰਹ ਭੇਡਾਂ ਦੇ ਕੰਨਾਂ ਦੇ ਕੋਲ ਹੋਵੇਗਾ। ਚਰਵਾਹੇ ਦੀਆਂ ਅੱਖਾਂ ਭੇਡਾਂ ‘ਤੇ ਗਹਿਰੀ ਨਜ਼ਰ ਰੱਖਣਗੀਆਂ। ਚਰਵਾਹੇ ਅਤੇ ਭੇਡ ਦੇ ਵਿੱਚ ਇੱਕ ਡੂੰਘਾ ਰਿਸ਼ਤਾ ਕਾਇਮ ਹੋਵੇਗਾ। ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਜਾਗਰੂਕ ਰਹੋ ਕਿ ਇੱਕ ਪ੍ਰਮੇਸ਼ਵਰ ਹੀ ਹੈ ਜਿਹੜਾ ਤੁਹਾਨੂੰ ਲਿਜਾਏਗਾ ਅਤੇ ਉਸਦੀ ਉਸਤਤ ਕਰੋ।

ਅਭਿਆਸ ਕਰਨ ਲਈ – “ਜਿਵੇਂ ਪਿਤਾ ਆਪਣੇ ਬੱਚਿਆਂ ਦਾ ਤਰਸ ਖਾਂਦਾ ਹੈ, ਤਿਵੇਂ ਯਹੋਵਾਹ ਆਪਣੇ ਡਰਨ ਵਾਲਿਆਂ ਦਾ ਤਰਸ ਖਾਂਦਾ ਹੈ”(ਜ਼ਬੂਰਾਂ ਦੀ ਪੋਥੀ 103:13)।