ਅਕਤੂਬਰ 15 – ਵਿਸ਼ਵਾਸ ਅਤੇ ਮਸਹ!

“ਇਹ ਪੋਥੀਆਂ ਵਿੱਚ ਲਿਖਿਆ ਹੈ ਜੋ ਮੇਰੇ ਤੇ ਵਿਸ਼ਵਾਸ ਕਰੇਗਾ ਅੰਮ੍ਰਿਤ ਜਲ ਦੇ ਦਰਿਆ ਉਸ ਦੇ ਵਿੱਚੋਂ ਵਗਣਗੇ।” ਯਿਸੂ ਪਵਿੱਤਰ ਆਤਮਾ ਬਾਰੇ ਬੋਲ ਰਿਹਾ ਸੀ ਕਿ ਜੋ ਉਸ ਤੇ ਵਿਸ਼ਵਾਸ ਕਰਦੇ ਹਨ ਉਹ ਉਸ ਨੂੰ ਪ੍ਰਾਪਤ ਕਰ ਸਕਣਗੇ”(ਯੂਹੰਨਾ ਦੀ ਇੰਜੀਲ 7:38,39)।

ਜਦੋਂ ਤੁਸੀਂ ਇਸ ਵਿਸ਼ਵਾਸ ਦੇ ਨਾਲ ਉਡੀਕ ਕਰਦੇ ਹੋ ਕਿ “ਮਸੀਹ ਉਹ ਹੈ ਜੋ ਮਸਹ ਕਰਦਾ ਹੈ। ‘ਉਹ ਜ਼ਰੂਰ ਮੇਰਾ ਮਸਹ ਕਰੇਗਾ”, ਪ੍ਰਮੇਸ਼ਵਰ ਤੁਹਾਨੂੰ ਪਵਿੱਤਰ ਆਤਮਾ ਦਾ ਮਸਹ ਦੇਵੇਗਾ। ਵਿਸ਼ਵਾਸ ਕਰੋ ਕਿ ਪ੍ਰਮੇਸ਼ਵਰ ਆਤਮਾ ਹੈ। ‘ਉਹ ਮੇਰੇ ਕੋਲ ਆਵੇਗਾ ਅਤੇ ਮੈਨੂੰ ਸਮਝਾਏਗਾ , ਉਹ ਸਿਖਾਏਗਾ, ਉਹ ਦਿਲਾਸਾ ਦੇਵੇਗਾ ਅਤੇ ਉਹ ਸਾਰੇ ਸੱਚ ਵਿੱਚ ਮੇਰੀ ਅਗਵਾਈ ਕਰੇਗਾ’ ਅਜਿਹੇ ਕਾਰਕਾਂ ਉੱਤੇ ਵਿਸ਼ਵਾਸ ਰੱਖੋ।

ਜਦੋਂ ਤੁਸੀਂ ਇਸ ਤਰ੍ਹਾਂ ਵਿਸ਼ਵਾਸ ਕਰੋਂਗੇ, ਤਾਂ ਪਵਿੱਤਰ ਆਤਮਾ ਜੋ ਜੀਵਨ ਦੇ ਜਲ ਦੀ ਨਦੀ ਹੈ, ਤੁਹਾਡੇ ਅੰਦਰ ਆਵੇਗੀ। ਮਸੀਹੀਅਤ ਦਾ ਤਜ਼ਰਬਾ ਸਿਰਫ ਮੁਕਤੀ ਅਤੇ ਬਪਤਿਸਮੇ ਨਾਲ ਹੀ ਨਹੀਂ ਰੁਕੇਗਾ। ਇਸ ਤੋਂ ਇਲਾਵਾ, ਤੁਹਾਨੂੰ ਪਵਿੱਤਰ ਆਤਮਾ ਦਾ ਮਸਹ ਪ੍ਰਾਪਤ ਕਰਨ ਅਤੇ ਅੱਗੇ ਵੱਧਣ ਦੀ ਜ਼ਰੂਰਤ ਹੈ।

ਜਦੋਂ ਰਸੂਲ ਪੌਲੁਸ ਨੇ ਅਫ਼ਸੁਸ ਦੇ ਚੇਲਿਆਂ ਨੂੰ ਪੁੱਛਿਆ ਕਿ ਕੀ ਉਨ੍ਹਾਂ ਨੇ ਵਿਸ਼ਵਾਸੀ ਬਣ ਕੇ ਪਵਿੱਤਰ ਆਤਮਾ ਪ੍ਰਾਪਤ ਕੀਤਾ ਹੈ, “ਉਨ੍ਹਾਂ ਉਸ ਨੂੰ ਕਿਹਾ, ਅਸੀਂ ਤਾਂ ਇਹ ਸੁਣਿਆ ਵੀ ਨਹੀਂ ਕਿ ਪਵਿੱਤਰ ਆਤਮਾ ਹੈ।” ਅਤੇ ਜਦੋਂ ਪੌਲੁਸ ਨੇ ਉਨ੍ਹਾਂ ਉੱਤੇ ਹੱਥ ਰੱਖੇ ਤਾਂ ਪਵਿੱਤਰ ਆਤਮਾ ਉਨ੍ਹਾਂ ਤੇ ਉੱਤਰਿਆ ਅਤੇ ਉਹ ਤਰ੍ਹਾਂ-ਤਰ੍ਹਾਂ ਦੀਆਂ ਭਾਸ਼ਾ ਬੋਲਣ ਅਤੇ ਭਵਿੱਖਬਾਣੀ ਕਰਨ ਲੱਗੇ”(ਰਸੂਲਾਂ ਦੇ ਕਰਤੱਬ 19:2,6)।

ਤੁਹਾਡੇ ਵਿਸ਼ਵਾਸ ਦੇ ਵੱਧਣ ਦੇ ਲਈ ਪਵਿੱਤਰ ਆਤਮਾ ਤੁਹਾਡੇ ਲਈ ਜ਼ਰੂਰੀ ਹੈ। ਬਹੁਤ ਸਾਰੇ ਲੋਕ ਵਿਸ਼ਵਾਸੀ ਬਣੇ ਰਹਿੰਦੇ ਹਨ। ਪਰ ਉਹ ਪਵਿੱਤਰ ਆਤਮਾ ਦੇ ਮਸਹ ਵਿੱਚ ਵਿਸ਼ਵਾਸ ਨਹੀਂ ਕਰਦੇ ਹਨ। ਕੁਝ ਹੋਰ ਲੋਕਾਂ ਦਾ ਇਹ ਗਲਤ ਵਿਚਾਰ ਹੈ ਕਿ ਉਨ੍ਹਾਂ ਨੂੰ ਬਪਤਿਸਮੇ ਦੇ ਸਮੇਂ ਹੀ ਮਸਹ ਪ੍ਰਾਪਤ ਹੋਇਆ ਹੈ। ਜੇਕਰ ਅਜਿਹਾ ਹੈ, ਤਾਂ ਰਸੂਲ ਪੌਲੁਸ ਦੇ ਲਈ ਅਫ਼ਸੁਸ ਦੇ ਚੇਲਿਆਂ ਤੋਂ ਇਹ ਪੁੱਛਣ ਦੀ ਕੋਈ ਜ਼ਰੂਰਤ ਨਹੀਂ ਹੈ ਕਿ ਕੀ ਉਨ੍ਹਾਂ ਨੇ ਪਵਿੱਤਰ ਆਤਮਾ ਪ੍ਰਾਪਤ ਕੀਤਾ ਹੈ।

ਆਪਣੇ ਵਿਸ਼ਵਾਸ ਦੀਆਂ ਅੱਖਾਂ ਨਾਲ ਪ੍ਰਮੇਸ਼ਵਰ ਨੂੰ ਆਪਣੇ ਪਿਆਰੇ ਪਿਤਾ ਦੇ ਰੂਪ ਵਿੱਚ ਦੇਖੋ। ਉਸਨੂੰ ਇੱਕ ਅਜਿਹੇ ਵਿਅਕਤੀ ਦੇ ਰੂਪ ਵਿੱਚ ਦੇਖੋ ਜਿਹੜਾ ਉਸਨੇ ਜੋ ਵਾਅਦਾ ਕੀਤਾ ਸੀ ਉਸਨੂੰ ਪੂਰਾ ਕਰਨ ਜਾ ਰਿਹਾ ਹੈ। ਉਸਨੂੰ ਇੱਕ ਸਨੇਹੀ ਪਿਤਾ ਦੇ ਰੂਪ ਵਿੱਚ ਦੇਖੋ ਜਿਹੜਾ ਖੁਸ਼ੀ-ਖੁਸ਼ੀ ਆਪਣੇ ਬੱਚਿਆਂ ਨੂੰ ਸਾਰੀਆਂ ਚੰਗੀਆਂ ਚੀਜ਼ਾਂ ਦਿੰਦਾ ਹੈ।

ਯਿਸੂ ਨੇ ਕਿਹਾ, “ਜਦੋਂ ਤੁਸੀਂ ਬੁਰੇ ਹੋ ਕੇ, ਆਪਣਿਆਂ ਬੱਚਿਆਂ ਨੂੰ ਚੰਗੀਆਂ ਚੀਜ਼ਾਂ ਦੇਣੀਆਂ ਜਾਣਦੇ ਹੋ ਤਾਂ ਤੁਹਾਡਾ ਸਵਰਗੀ ਪਿਤਾ ਆਪਣੇ ਮੰਗਣ ਵਾਲਿਆਂ ਨੂੰ ਕਿੰਨੀਆਂ ਵਧੇਰੇ ਚੰਗੀਆਂ ਵਸਤੂਆਂ ਕਿਉਂ ਨਾ ਦੇਵੇਗਾ?”(ਮੱਤੀ 7:11)। “ਜਦੋਂ ਕਿ ਤੁਸੀਂ ਬੁਰੇ ਹੋ ਕੇ ਵੀ ਆਪਣਿਆਂ ਬੱਚਿਆਂ ਨੂੰ ਚੰਗੀਆਂ ਚੀਜ਼ਾਂ ਦੇਣੀਆਂ ਜਾਣਦੇ ਹੋ ਤਾਂ ਉਹ ਸਵਰਗੀ ਪਿਤਾ ਆਪਣੇ ਮੰਗਣ ਵਾਲਿਆਂ ਨੂੰ ਪਵਿੱਤਰ ਆਤਮਾ ਕਿਉਂ ਨਾ ਦੇਵੇਗਾ”(ਲੂਕਾ 11:13)।

ਆਪਣੇ ਦਿਲ ਨੂੰ ਇਸ ਵਿਸ਼ਵਾਸ ਨਾਲ ਸ਼ੁੱਧ ਕਰੋ ਕਿ ਤੁਸੀਂ ਪਵਿੱਤਰ ਆਤਮਾ ਪ੍ਰਾਪਤ ਕਰੋਂਗੇ। ਆਪਣੇ ਦਿਲ ਨੂੰ ਮਸੀਹ ਦੇ ਪਾਕ ਲਹੂ ਨਾਲ ਧੋ ਲਵੋ। ਪ੍ਰਮੇਸ਼ਵਰ ਜ਼ਰੂਰ ਹੀ ਤੁਹਾਨੂੰ ਪਵਿੱਤਰ ਆਤਮਾ ਦੇਵੇਗਾ ਜਦੋਂ ਤੁਸੀਂ ਉਸ ਭਾਂਡੇ ਨੂੰ ਸ਼ੁੱਧ ਕਰੋਂਗੇ ਜਿਹੜਾ ਤੁਹਾਡਾ ਦਿਲ ਹੈ ਅਤੇ ਜਦੋਂ ਤੁਸੀਂ ਉਸਦੀ ਹਜ਼ੂਰੀ ਵਿੱਚ ਉਸਦੀ ਖੋਜ ਕਰੋਂਗੇ।

ਅਭਿਆਸ ਕਰਨ ਲਈ – “ਮੈਂ ਤਾਂ ਤਿਹਾਈ ਜ਼ਮੀਨ ਉੱਤੇ ਪਾਣੀ, ਅਤੇ ਸੁੱਕੀ ਸੜੀ ਭੂਮੀ ਉੱਤੇ ਨਦੀਆਂ ਵਗਾਵਾਂਗਾ, ਮੈਂ ਆਪਣਾ ਆਤਮਾ ਤੇਰੀ ਅੰਸ ਉੱਤੇ, ਅਤੇ ਤੇਰੀ ਸੰਤਾਨ ਉੱਤੇ ਆਪਣੀ ਬਰਕਤ ਵਹਾਵਾਂਗਾ”(ਯਸਾਯਾਹ 44:3)।