ਅਕਤੂਬਰ 12 – ਰਾਜ, ਸ਼ਕਤੀ ਅਤੇ ਮਹਿਮਾ!

“ਕਿਉਂਕਿ ਕੁਦਰਤ, ਜਲਾਲ ਅਤੇ ਪਾਤਸ਼ਾਹੀ ਸਦਾ ਤੁਹਾਡੇ ਹਨ”(ਮੱਤੀ 6:13)।

ਪ੍ਰਮੇਸ਼ਵਰ ਦੀ ਉਸਤਤ ਪ੍ਰਭੂ ਦੀ ਪ੍ਰਾਰਥਨਾ ਦੇ ਆਖ਼ਰੀ ਹਿੱਸੇ ਦੇ ਰੂਪ ਵਿੱਚ ਬਣੀ ਹੋਈ ਹੈ। ਸ੍ਰਿਸ਼ਟੀ ਦੇ ਨਿਰਮਾਣ ਤੋਂ ਪਹਿਲਾਂ ਵੱਡੀ ਆਰਾਧਨਾ ਹੁੰਦੀ ਸੀ। ਆਉਣ ਵਾਲਾ ਸਦੀਪਕ ਕਾਲ ਵੀ ਆਰਾਧਨਾ ਨਾਲ ਭਰਿਆ ਹੋਵੇਗਾ।

ਤੁਸੀਂ, ਜਿਨ੍ਹਾਂ ਨੂੰ ਪ੍ਰਮੇਸ਼ਵਰ ਦੇ ਬੱਚੇ ਹੋਣ ਦੇ ਲਈ ਬੁਲਾਇਆ ਗਿਆ ਹੈ, ਹਮੇਸ਼ਾਂ ਪ੍ਰਮੇਸ਼ਵਰ ਦੇ ਲਈ ਚੰਗੇ ਕੰਮ ਕਰੋ ਅਤੇ ਉਸਦੀ ਉਸਤਤ, ਮਹਿਮਾ ਅਤੇ ਵਡਿਆਈ ਕਰੋ। ਰਾਜ ਉਸੇ ਦਾ ਹੈ, ਸ਼ਕਤੀ ਵੀ ਉਸਦੀ ਹੈ ਅਤੇ ਮਹਿਮਾ ਵੀ ਉਸਦੀ ਹੈ। ਉਸਨੂੰ ਸਵਰਗ ਅਤੇ ਧਰਤੀ ਦਾ ਸਾਰਾ ਅਧਿਕਾਰ ਦਿੱਤਾ ਗਿਆ ਹੈ (ਮੱਤੀ 28:18)।

ਤੁਸੀਂ ਜੋ ਕੁੱਝ ਵੀ ਕਰਦੇ ਹੋ, ਉਸਨੂੰ ਸਿਰਫ ਪ੍ਰਮੇਸ਼ਵਰ ਦੀ ਮਹਿਮਾ ਦੇ ਲਈ ਹੀ ਕਰੋ। ਹੇਰੋਦੇਸ ਨੇ ਆਪਣੀ ਮਹਿਮਾ ਦੀ ਤਾਲਾਸ ਕੀਤੀ ਅਤੇ ਨਤੀਜੇ ਵਜੋਂ, ਉਹ ਪ੍ਰਮੇਸ਼ਵਰ ਦੇ ਇੱਕ ਦੂਤ ਦੇ ਦੁਆਰਾ ਮਾਰਿਆ ਗਿਆ। ਕੀੜਿਆਂ ਦੁਆਰਾ ਖਾਧਾ ਗਿਆ ਅਤੇ ਦੁਖੀ ਹੋ ਕੇ ਮਰ ਗਿਆ। ਕੀ ਅਜਿਹਾ ਨਹੀਂ ਹੈ? ਇਸ ਲਈ ਤੁਸੀਂ ਜੋ ਕੁੱਝ ਵੀ ਕਰੋ, ਉਸਨੂੰ ਪ੍ਰਮੇਸ਼ਵਰ ਦੀ ਹਜ਼ੂਰੀ ਵਿੱਚ ਕਰੋ ਅਤੇ ਉਸਨੂੰ ਹਮੇਸ਼ਾਂ ਧੰਨਵਾਦ ਦਿਓ।

ਉਹ ਰਾਜਿਆਂ ਦਾ ਰਾਜਾ ਹੈ। ਉਹ ਪ੍ਰਭੂਆ ਦਾ ਪ੍ਰਭੂ ਹੈ। ਉਹ ਅਲਫ਼ਾ ਅਤੇ ਓਮੇਗਾ ਹੈ। ਉਹ ਪਹਿਲਾ ਅਤੇ ਆਖਰੀ ਹੈ। ਮੌਤ ਅਤੇ ਪਤਾਲ ਦੀਆਂ ਕੁੰਜੀਆਂ ਉਸਦੇ ਕੋਲ ਹਨ (ਪ੍ਰਕਾਸ਼ ਦੀ ਪੋਥੀ 1:17,18)।

ਜਦੋਂ ਅਸੀਂ ਪਵਿੱਤਰ ਸ਼ਾਸਤਰ ਪੜ੍ਹਦੇ ਹਾਂ ਤਾਂ ਦੇਖਦੇ ਹਾਂ ਕਿ ਉਸ ਵਿੱਚ ਸ਼ੁਰੂ ਤੋਂ ਅੰਤ ਤੱਕ ਇਲਾਹੀ ਸ਼ਕਤੀ ਭਰੀ ਹੋਈ ਹੈ, ਜਿਹੜੀ ਸਾਨੂੰ ਹੈਰਾਨ ਕਰ ਦਿੰਦੀ ਹੈ। ਪ੍ਰਮੇਸ਼ਵਰ ਸਾਰੀਆਂ ਸ਼ਕਤੀਆਂ ਨਾਲ ਨਿਰਧਾਰਿਤ ਹੈ ਜਿਵੇਂ ਕਿ ਚੰਗਾ ਕਰਨ ਦੀ ਸ਼ਕਤੀ, ਚਮਤਕਾਰ ਕਰਨ ਦੀ ਸ਼ਕਤੀ, ਪਾਪਾਂ ਨੂੰ ਮੁਆਫ ਕਰਨ ਦੀ ਸ਼ਕਤੀ ਅਤੇ ਜੀ ਉੱਠਣ ਦੀ ਸ਼ਕਤੀ। ਸ਼ਕਤੀ ਪ੍ਰਮੇਸ਼ਵਰ ਦੀ ਹੈ।

ਪ੍ਰਮੇਸ਼ਵਰ ਨੇ ਤੁਹਾਨੂੰ ਆਪਣੀ ਸ਼ਕਤੀ ਅਤੇ ਅਧਿਕਾਰ ਸਿਰਫ ਇਸ ਲਈ ਦਿੱਤਾ ਹੈ ਕਿ ਉਸਦੇ ਨਾਮ ਦੀ ਮਹਿਮਾ ਹੋਣੀ ਚਾਹੀਦੀ ਹੈ। ਉਸਦਾ ਸਿਰਫ ਇੱਕ ਹੀ ਮਕਸਦ ਸੀ ਕਿ ਤੁਸੀਂ ਉਸਦੇ ਨਾਮ ਤੇ ਪਵਿੱਤਰ ਅਤੇ ਜੇਤੂ ਹੋ ਕੇ ਰਾਜ ਕਰੋ।

ਸ਼ੈਤਾਨ ਦੇ ਸਿਰ ਨੂੰ ਕੁਚਲਣ ਵਾਲੇ ਨੇ ਤੁਹਾਨੂੰ ਅਧਿਕਾਰ ਅਤੇ ਸ਼ਕਤੀ ਦੇ ਨਾਲ ਦੁਸ਼ਮਣ ਦੀਆਂ ਸਾਰੀਆਂ ਸ਼ਕਤੀਆਂ ਉੱਤੇ ਜਿੱਤ ਪ੍ਰਾਪਤ ਕਰਨ ਦਾ ਅਧਿਕਾਰ ਦਿੱਤਾ ਹੈ। ਜਦੋਂ ਤੁਸੀਂ ਉਸ ਸ਼ਕਤੀ ਦੀ ਵਰਤੋਂ ਕਰਦੇ ਹੋ, ਚਮਤਕਾਰ ਹੁੰਦੇ ਹਨ ਅਤੇ ਇਲਾਹੀ ਨਾਮ ਦੀ ਮਹਿਮਾ ਹੁੰਦੀ ਹੈ।

ਜਦੋਂ ਪ੍ਰਮੇਸ਼ਵਰ ਨੇ ਅਬਰਾਹਾਮ ਨੂੰ ਪਰਤਾਇਆ, ਤਾਂ ਉਸਨੇ ਆਪਣੀ ਸ਼ਕਤੀ ਪ੍ਰਗਟ ਕੀਤੀ ਅਤੇ ਕਿਹਾ, “ਮੈਂ ਸਰਬ ਸ਼ਕਤੀਮਾਨ ਪਰਮੇਸ਼ੁਰ ਹਾਂ। ਤੂੰ ਮੇਰੇ ਸਨਮੁਖ ਚੱਲ ਅਤੇ ਸੰਪੂਰਨ ਹੋ”(ਉਤਪਤ 17:1)।

ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਤੁਹਾਨੂੰ ਕਿਸੇ ਵੀ ਚੀਜ਼ ਤੋਂ ਡਰਨ ਦੀ ਜ਼ਰੂਰਤ ਨਹੀਂ ਹੈ ਕਿਉਂਕਿ ਸਰਬਸ਼ਕਤੀਮਾਨ ਪ੍ਰਮੇਸ਼ਵਰ ਤੁਹਾਡੇ ਅੱਗੇ ਵੱਧਦੇ ਹਨ। ਤੁਸੀਂ ਉਸ ਨੂੰ ਆਦਰ ਅਤੇ ਮਹਿਮਾ ਦੇ ਕੇ ਜੇਤੂ ਤਰੀਕੇ ਨਾਲ ਚੱਲ ਸਕਦੇ ਹੋ। ਜਦੋਂ ਉਹ ਤੁਹਾਡੇ ਅੱਗੇ-ਅੱਗੇ ਚੱਲਦਾ ਹੈ, ਤਾਂ ਤੁਹਾਡੇ ਵਿਰੁੱਧ ਕੌਣ ਖੜ੍ਹਾ ਹੋ ਸਕਦਾ ਹੈ?

ਅਭਿਆਸ ਕਰਨ ਲਈ – “ਪਰਮੇਸ਼ੁਰ ਇੱਕੋ ਵਾਰ ਬੋਲਿਆ, ਸਗੋਂ ਦੋ ਵਾਰੀ ਮੈਂ ਇਹ ਸੁਣਿਆ, ਕਿ ਸਮਰੱਥਾ ਪਰਮੇਸ਼ੁਰ ਦੀ ਹੈ”(ਜ਼ਬੂਰਾਂ ਦੀ ਪੋਥੀ 62:11)।