Oct 07 – TANGORAN DO ALONJI!

“Hen rzngrzng tulab lingan tangoran abmetai, do lakkijsol desa lingan alonji amdungtai” (Jisaya 43:19).

Rzngrzng lakilsol-tangor lingan ungdrudan sattang dakute d’an do ludmun adakue. Kan ate aboi banangsa do anabsttan sadle boi boi jugardamdam. Anten asan a rzngrzng tagoran absuite  kuddub umdrengan umdrengle danuka do amadan batte ahanaben dete.

Bo denna, Hagar danukan batte a rzngrzng tangor-lingan ha-ling yireten, Saran batte dakule adraptieten asan. Bindo, Kitungan a d’ongan sayamle kun a rzngrzng tangor-lingan, kuddub sanaisajanji tiyle. Kitungan a d’ongan adnumdrengad anin aboi boantaboi dakuleja. Kitungan absittale a d’ong do abirindaji ja. Kitungan batte amaina a d’ongan ateng sanayaman dele, ayengan anin lanumud-lingan dakule. Kitungan sattang arzngrzng-lingan tangoran gabdete.

Mojeso a d’ong gijba! Anin Paro a s’ing-ling bangsa anabhanan abhanale. Anin a d’ong bangsale anabhangan dele do etigoi ateng hanglen asan bangsa baran lumle. Bindo yan arumangdam! Itente as’i lingan adakulen adangu batte kun desan lingan dane-bara alumbe atungna dakule bindo kun dangu batte gupamedneten. Kitungan itsumle anin batte amainaben asan Horeb baru-lingan, agupaneten adnang. Arzngrzng tulab-lingan janang Kitungan anin abmele tangoran gabdele. Kitungan a d’ongan ateng baran tiyle amandranji a d’ong sayamle.

Bibolan gamte, “Gamangtungan rzngrzng desa lingan aninji a d’ong rabangle, do guyurdi-rzngge asarsol desa lingan aninji a d’ong rabangle; Anin aninji a d’ong kudieten do aninji a d’ong dandrabeten; Anin aninji a d’ong abai-madan ambrij dandrable dakkueten” (Bagujuanaber 32:10). Arzngrzng mandrengnaben bandale absittabenten.

Balaam gijeten yangan sayamle arzngrzng godban saring Mojes batte anurungan adelen ate. anin gijle Kitungan aninji ampara adakulen ate. Kitungan abdainale marid tambusing-lingan. bo surda rumang baran gijle, balaam rumangdale gijagijle, “E  Jakub, tambusing-nam yan a langga; E Israel, barasu darakuna-nam yan a bangsa” (Danisam 24:5).

Etigoi anin gamle arzngrzng darakunaba E Israel barasu darakuna-nam etigoi “jale tamlung bassengan ambrij, orde alon adamban a kuttanji ambrij, Gamangtungan a guneblen dasarda neban ambrij, orde maneng d’aban a dakuten a eros ara neban ambrij” (Danisam 24:6).

Tanahimdam Kitungan a onagji, amben pede arzngrzng darakuna-lingan adakuten. Bindo tete-janang Kitungan tangoran do alon gabdete.

Kinolbe absele: “Rzngrzng tulaban do asarsol desan man’oihdam dete, do lakkijsol desan erdikadam dean dele gulapi-taran ambrij lengga radte” (Jisaya 35:1).