ਅਕਤੂਬਰ 04 – ਬਰਕਤ ਅਤੇ ਸਰਾਪ!

“…ਮੈਂ ਤੁਹਾਡੇ ਅੱਗੇ ਜੀਵਨ ਅਤੇ ਮੌਤ, ਬਰਕਤ ਅਤੇ ਸਰਾਪ ਰੱਖਿਆ ਹੈ”(ਬਿਵਸਥਾ ਸਾਰ 30:19)।

ਕੀ ਤੁਹਾਡਾ ਜੀਵਨ ਧੰਨ ਰਹਿੰਦਾ ਹੈ, ਜਾਂ ਇਹ ਸਰਾਪ ਦੇ ਵੱਸ ਵਿੱਚ ਸੰਘਰਸ਼ ਕਰ ਰਿਹਾ ਹੈ? ਇੱਕ ਵਾਰ ਆਪਣੇ ਆਪ ਦਾ ਹਿਸਾਬ ਕਰੋ। ਕਈ ਲੋਕਾਂ ਦਾ ਜੀਵਨ ਅਣਸੁਲਝੀਆਂ ਗੁੰਝਲਾਂ ਨਾਲ ਭਰਿਆ ਰਹਿੰਦਾ ਹੈ।

ਅਸੀਂ ਕੁੱਝ ਘਰਾਂ ਵਿੱਚ ਉਸਤਤ, ਬਰਕਤ ਅਤੇ ਮਾਨਸਿਕ ਸੰਤੁਸ਼ਟੀ ਦੀ ਆਵਾਜ਼ ਪਾ ਸਕਦੇ ਹਾਂ। ਪਰ ਕੁੱਝ ਘਰਾਂ ਵਿੱਚ, ਅਸੀਂ ਉਨ੍ਹਾਂ ਨੂੰ ਹਨੇਰੇ ਦੇ ਰਾਜ ਨਾਲ ਘਿਰੇ ਅਤੇ ਸ਼ੈਤਾਨ ਦੀਆਂ ਬਿਮਾਰੀਆਂ ਅਤੇ ਸੰਘਰਸ਼ਾਂ ਨਾਲ ਭਰੇ ਹੋਏ ਦੇਖਦੇ ਹਾਂ। ਇਨ੍ਹਾਂ ਸਰਾਪਾਂ ਨੂੰ ਕਿਵੇਂ ਦੂਰ ਕੀਤਾ ਜਾ ਸਕਦਾ ਹੈ?

ਉਤਪਤ 3:14,19 ਵੇ ਪਵਿੱਤਰ ਸ਼ਾਸਤਰ ਦੇ ਭਾਗ ਵਿੱਚ, ਅਸੀਂ ਸਰਾਪ ਦੇ ਬਾਰੇ ਪੜ੍ਹਦੇ ਹਾਂ। ਜਦੋਂ ਆਦਮ ਨੇ ਉਸਦੀ ਅਣਆਗਿਆਕਾਰੀ ਕੀਤੀ ਤਾਂ ਪ੍ਰਮੇਸ਼ਵਰ ਦਾ ਦਿਲ ਟੁੱਟ ਗਿਆ। ਮਨੁੱਖ ਨੇ ਪ੍ਰਮੇਸ਼ਵਰ ਦੀ ਆਗਿਆ ਮੰਨਣ ਦੀ ਬਜਾਏ ਸੱਪ ਵੱਲ ਧਿਆਨ ਦਿੱਤਾ ਅਤੇ ਇਸ ਲਈ ਪ੍ਰਮੇਸ਼ਵਰ, ਜਿਹੜਾ ਨਾਰਾਜ਼ ਸੀ, ਉਸਨੇ ਮਨੁੱਖਤਾ ਅਤੇ ਪੂਰੀ ਦੁਨੀਆਂ ਨੂੰ ਸਰਾਪ ਦਿੱਤਾ।ਇਸ ਵਜ੍ਹਾ ਨਾਲ, ਆਦਮੀ ਨੂੰ ਆਪਣੀ ਰੋਟੀ ਕਮਾਉਣ ਦੇ ਲਈ ਸਖਤ ਮਿਹਨਤ ਅਤੇ ਪਸੀਨਾ ਵਹਾਉਣਾ ਪਿਆ, ਔਰਤਾਂ ਨੂੰ ਬਹੁਤ ਦਰਦ ਵਿੱਚੋਂ ਲੰਘਣਾ ਪਿਆ, ਅਤੇ ਧਰਤੀ ਕੰਡੇ ਅਤੇ ਕੰਡਿਆਲੇ ਕੱਢਣ ਦੇ ਯੋਗ ਸੀ।

ਇਸ ਤਰ੍ਹਾਂ, ਸਰਾਪ ਜੋ ਉਤਪਤ ਤੋਂ ਹੋਂਦ ਵਿੱਚ ਆਇਆ, ਜਿਹੜੀ ਕੀ ਪਵਿੱਤਰ ਸ਼ਾਸਤਰ ਦੀ ਪਹਿਲੀ ਕਿਤਾਬ ਹੈ, ਪ੍ਰਕਾਸ਼ ਦੀ ਪੋਥੀ ਤੱਕ ਪ੍ਰਗਟ ਹੁੰਦਾ ਰਿਹਾ। ਪਰ, ਪ੍ਰਕਾਸ਼ ਦੀ ਪੋਥੀ 22:3 ਕਹਿੰਦਾ ਹੈ, “ਅਤੇ ਹੁਣ ਅਗਾਹਾਂ ਨੂੰ ਕੋਈ ਸਰਾਪ ਨਾ ਹੋਵੇਗਾ”। ਪ੍ਰਮੇਸ਼ਵਰ ਦੇ ਬੱਚਿਆਂ ਨੂੰ ਬਰਕਤਾਂ ਪ੍ਰਾਪਤ ਕਰਨ ਦੇ ਲਈ ਬੁਲਾਇਆ ਗਿਆ ਹੈ।

ਜੇਕਰ ਤੁਸੀਂ ਬਰਕਤ ਪਾਉਣਾ ਚਾਹੁੰਦੇ ਹੋ, ਤਾਂ ਸਭ ਤੋਂ ਪਹਿਲਾਂ ਤੁਹਾਨੂੰ ਸਰਾਪ ਤੋਂ ਛੁਟਕਾਰਾ ਪਾਉਣਾ ਹੋਵੇਗਾ। ਤੁਹਾਨੂੰ ਸਰਾਪ ਦਾ ਮੂਲ ਕਾਰਨ ਲੱਭਣਾ ਹੋਵੇਗਾ। ਜਦੋਂ ਤੁਹਾਨੂੰ ਪਤਾ ਲੱਗਦਾ ਹੈ ਕਿ ਸਰਾਪ ਤੋਂ ਪੀੜਤ ਹੋਣਾ ਅਤੇ ਉਪਚਾਰਕ ਉਪਾਅ ਕਰਨਾ ਕੋਈ ਮਜਬੂਰੀ ਨਹੀਂ ਹੈ, ਤਾਂ ਪ੍ਰਮੇਸ਼ਵਰ ਜ਼ਰੂਰ ਹੀ ਤੁਹਾਨੂੰ ਸਰਾਪ ਦੀ ਸ਼ਕਤੀ ਤੋਂ ਮੁਕਤੀ ਦਿਵਾਵੇਗਾ।

ਯਿਸੂ ਮਸੀਹ ਦੀ ਵੱਲ ਦੇਖੋ। ਉਸਨੇ ਸਾਡੇ ਲਈ ਨਿਸ਼ਾਨਾ ਬਣਾਏ ਸਰਾਪਾਂ ਨੂੰ ਮੋਢਾ ਦੇ ਕੇ ਸਾਨੂੰ ਸਰਾਪ ਦੀ ਸ਼ਕਤੀ ਤੋਂ ਛੁਡਾਇਆ ਹੈ। ਇਸ ਤਰ੍ਹਾਂ ਉਹ ਸਾਡੇ ਲਈ ਇੱਕ ਸਰਾਪੀ ਬਣ ਗਿਆ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ, “ਮਸੀਹ ਨੇ ਸਾਨੂੰ ਮੁੱਲ ਲੈ ਕੇ ਬਿਵਸਥਾ ਦੇ ਸਰਾਪ ਤੋਂ ਛੁਡਾਇਆ ਇਸ ਕਰਕੇ ਜੋ ਉਹ ਸਾਡੇ ਲਈ ਸਰਾਪ ਬਣਿਆ ਕਿਉਂ ਜੋ ਲਿਖਿਆ ਹੋਇਆ ਹੈ ਕਿ ਸਰਾਪੀ ਹੈ ਹਰੇਕ ਜਿਹੜਾ ਰੁੱਖ ਅਰਥਾਤ ਕਾਠ ਉੱਤੇ ਟੰਗਿਆ ਜਾਂਦਾ ਹੈ”(ਗਲਾਤੀਆਂ 3:13)।

ਯਿਸੂ ਮਸੀਹ ਦੀ ਵੱਲ ਦੇਖੋ ਜਿਹੜਾ ਉਸਤਤ ਦੇ ਨਾਲ ਤੁਹਾਡੇ ਲਈ ਸਰਾਪ ਬਣ ਗਿਆ। ਉਸਨੇ ਲੱਕੜੀ ਦੀ ਸਲੀਬ ਤੇ ਲਟਕ ਕੇ ਤੁਹਾਡੇ ਸਰਾਪਾਂ ਨੂੰ ਸਵੀਕਾਰ ਕਰ ਲਿਆ। ਉਹ ਸਰਾਪੀ ਕੰਡਿਆਂ ਨਾਲ ਬਣਿਆ ਤਾਜ ਪਹਿਨ ਕੇ ਤੁਹਾਨੂੰ ਸਰਾਪ ਦੇ ਚੁੰਗਲ ਤੋਂ ਛਡਾਉਣਾ ਚਾਹੁੰਦਾ ਸੀ।

ਬਹੁਤ ਸਾਰੇ ਲੋਕ ਇਸ ਤੱਥ ਨੂੰ ਸਵੀਕਾਰ ਕਰਦੇ ਹਨ ਕਿ ਯਿਸੂ ਮਸੀਹ ਨੇ ਸਾਡੇ ਪਾਪਾਂ ਦੇ ਲਈ ਸਲੀਬ ਤੇ ਆਪਣੀ ਜਾਨ ਦਿੱਤੀ। ਪਰ ਉਹ ਇਹ ਨਹੀਂ ਜਾਣਦੇ ਕਿ ਉਸਨੇ ਸਾਡੇ ਸਰਾਪਾਂ ਨੂੰ ਵੀ ਸਲੀਬ ਤੇ ਵੀ ਢੋਇਆ। ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਕਿਉਂਕਿ ਪ੍ਰਮੇਸ਼ਵਰ ਤੁਹਾਨੂੰ ਪਿਆਰ ਕਰਦੇ ਹਨ, ਉਹ ਤੁਹਾਡੇ ਸਰਾਪਾਂ ਨੂੰ ਵੀ ਬਰਕਤ ਵਿੱਚ ਬਦਲ ਦਿੰਦੇ ਹਨ।

ਅਭਿਆਸ ਕਰਨ ਲਈ – “ਅਤੇ ਹੁਣ ਅਗਾਹਾਂ ਨੂੰ ਕੋਈ ਸਰਾਪ ਨਾ ਹੋਵੇਗਾ ਅਤੇ ਪਰਮੇਸ਼ੁਰ ਅਤੇ ਲੇਲੇ ਦਾ ਸਿੰਘਾਸਣ ਉਸ ਵਿੱਚ ਹੋਵੇਗਾ”(ਪ੍ਰਕਾਸ਼ ਦੀ ਪੋਥੀ 22:3)।