Sep 21 – Ami sob thik kuri dibo!

Isaiah 45:2 ami nije apuni laga rast abanai dibo, dangor dangor aru chutu chutu pahar khan ke plain kuri dibo. Ami pitol laga dorja khan ke bhangai kene girai dibo aru loha laga khuri khan ke chepta kuri dibo.

Pormeswor Isor tu ami khan ke duita ashirbad di ase itu verse pora. Sobse poila, tai kosom diye amikhan laga age jabo koi kene aru dusra ashirbad tu amikhan laga rasta sida kuri dibo koi kene koi. Bishi bhabna aru rasta apuni laga thik nathaki bo pare aru sida nohobo pare. Amikhan  laga rishta khan hobo pare, ami khan laga thaka laga jibon hobo pare aru ami khan laga bhabna bi hobo pare. Kinika itu khan tu sida rasta te nohoi itu hi ami khan bhabna kuribole laga ase? Itu tu manu khan ase jun apuni laga misa kotha koi berai dusra manu khan ke aru tai khan laga bhabna apuni uporte te beya hoi jai aru apuni ke sida pora nasai.

Manu laga kotha koi kene bera khan tu apuni khan ke suku juli kene, apuni khan ke tera pora sai. Bishi bar apuni khan monte thaka tita tu ulai dibo naparibo. Apuni khan it utu thik rasta te ani bo naparibo apuni laga tagot pora. Hoilebi Isor tu tai ase jun apuni khan ke aji kosom di ase ki tai hi apuni agte jabo aru sob thik kuri dibo tera rasta khan ke.

Amikhan laga Isor tu tai ase jun hi amikhan laga jibon te dukh thaka sob tu hatai diye. Pobitro kotha pora koi, Micah 2:13jehpvah tai khan nimite  rasta khuli dibo, aru dusra desh pora taikhan ke wapas anibo, taikhan taun laga dorja ke bhangai kene ulabo. Jehovah nije, jun tai khan laga Raja ase, taikhan ke ulai kene anibo.

Jitya Isor apuni laga agete jai, sob tera khan, thik nathaka khan, ke thik kuribo. Parivar te bishi jamela khan thake, mother in law aru daughter in law laga majete bi,aru itu pora hi amikhan laga jibon te tita ani.hoilebi jitya apuni Isor laga theng te thaki kene tai ke koi, “Isor morom kuri kene ami laga jibonte dukh digdar khan ke sai dibi, aru kiman hosa khan ke misa koishe. Apuni hi ase itu prithibi ke thik kuribole para tu, aru apuni pora hi ami laga dukh tu sabole pare.”aru jitya apuni itu hosa mon pora Isor ke janai dibo, Isor laga ekta ishara pora sob thik hoi jabo.

Amikhanlaga bura baba bi inika hi prathana kurishe. Utu rati tetai laga dada Esau ke lok nakura agete, tai Isor laga theng dhurishe aru prathana kurishe pura rati.aru itu prathana pora taike Esau tailaga dada pora mon milikene taike matishe. Itu homoite hi iman din laga dushman thaka tuekbar pora haraishe aru taikhan majote dosti hoishe. Itu tuIsor pora anishe. Oh Isor laga bacha khan, Isor apuni laga jibon te bi inika hi sob thik kuri dibole mon jai ase.

Aji bhabna kuribole laga  pobitro kotha tu hoile, Isaiah 42:16 ami amilaga andha manu khankeutu rasta pora loikene anibo juntu rasta pora taikhan kitya bi bera nai. Ami tai laga andhara khan ke ujala kuri dibo aru taikahan laga agete thakia tera mera jagakhanke sida kuridibo. Itu amilaga  kosom khan ase aru ji hoilebi ami itu khan ke kuribole ase.