JULY 04 – Raja salem laga

Genesis 14:18 Aru Melchizedek, Jun Salem laga Raja ase aru Jun sob para dangor isor laga pujari ase, tai Abraham ke lok koribole ahise aru taike rutikhan aru mudu anidise.

Itu verse tu Melchizedek laga kotha koi. Tai tu salem laga raja thakishe aru isor laga pujari thakishe. Tai tu raja laga annoiting thakishe. Itu ekla nohoi kena. Tai jitya tai Abraham ke Ashish kurishe, titya bi tai ekta prophet laga annoiting thakishe. Isor para tai laga bacha Khan nimite inika annoiting diye. Judi biswasi khan rajyo cholabo mon toh tai Khan Raja laga annoiting lage. Judi tai Khan itu pujari laga annoiting lage, itu bi isor para hi dibo.

Ami khan tu isor ke Abraham, Issac aru jacob laga isor mate. Abraham tu isor laga pujari thakishe. Isor Tai nijor para hi Abraham tu pujari ase koishe. Jisu Krista laga jagate daan dibole toh Issac hi thakishe. Jacob bi ekta Raja laga hi nishani thakishe aru tai laga naam tu isor para hi dishe jitu laga matlab Rajkumar ase.

New testament tu hoile tin ta bhag kuribole pale. Sobse poila gospel, dusra tu  apostle laga acts aru tisra tu revelation. Gospel te isor tu prophets mane pujari hoi kene dikhi pai, dusra tu apostle acts mane kaam dihibpai aru revelation mane dikhaidishe itu te isor raja laga raja dikhi pai. Jisu tu jua kali, aji aru aha kali bi eki ase.

Revelation 1:8  ami hi alpha ase aru ami hi Omega ase. Ami poila para ase aru ami ses tok thakibo, jehova koise. Ami hi sob para shaktiman ase; Jun asile, Jun ase aru Jun ahibole ase.

Oh isor laga bacha Khan hodai mon te rakhibi, isor para raja nishina apuninke chunibo, priest nishina cholabo aru prophet nishina kaam kuribole dibo.

Aji bhabna kuribo laga pobitro kotha tu hoile Jeremiah 18:18 titia manukhan koise, Jeremiah ke kiba koribole lage! Amikhanke janaidibole nimite hodai pujarikhan thakibole ase, amikhanke bujai dibole nimite hodai dimag thakia manukhan thakibole ase. Amikhan Jeremiah laga galtikhan kobo aru tai ki koiase itu nahunibo.