June 29 – Riangan – Aparamangtan!

“Aparamangtan Kitungan riangan do ordaran gabdeleten” (Aparamangtan 1:1).

Kitungle Kitunganji a Kitung, Rajanji a Raja Bibolan gadlamlangten Aparamangtan a saring “Anin riangan do ordaran gabdele”. Aparamangtan, Kitungan gabdele Kani riangan a riangan gamle (Aparamangtan 1:8). Bar Kitungan panaledan gabdele. Kun ayam, uyungan, angaitan do tuituijanji janangan gabdele.

Kun ambrij Jisun Kristun janangan Kitungan abmele galanlangte, “E ruang lingan a dakutenan U’a-len” do “U’a-len Kitungan” Tabme Anosaijlingan. “U’a-len Kitungan” agaraman Papwr Anosaijlingan ranabagan adead. Israel aonanji agalamadji tanimyim U’a-len gamle. Ateng ayam, aninji giyleji U’a-len abitsara. Kitungan sinoy abaru ayirte ate sattang galamleji. Dadumturan Sanadan do tanaharan do umudan kuddub barulingan barijlogi dakule.

Bindo, Tabme Anosaijlingan, amben a d’ongan a timyimte do adir dirten amanglingan do anten asan Aonanji deleben. Amben Anin a d’ong ‘U’a-len’ gamle tanimyiman batte, a janardin batte. Anin janggardan janang teibenten do hedaling agudingte “Abba, U’a-len” (Romi 8:15, Galatianji 4:6). Anin abahimlangten U’a-len na ganabdele kuddub mandrengna janabanji. Anin na U’a-len kuddub biridalenji, kuddub manengba.

Bo pasijang marangte do surda-an surdale U’an ambrij dete. Kun ambrij, amben janangan surdatabe do Ruangan a U’a-len abmele. Jisun Kristun agale gameten, “Antan asan angale ruang lingan a dakuten a U’a-ben hadab daku, ettele amben janang deba” (Mattiu 5:48).

Kitungan banangsa tiyanten do kun ambrij buteja a jananji a d’ong taniyan a dead. Anin ambrij d’ongle gabdelaiten do amukadaman tiyanten. Anin amangan rukunaben dete Marid Janggardan sandle. Kan ate na jznjzn murdam kuddub aganabdelanji saring bar pisidianji saring janang.

“Riang ontidanji gijba, aninji abbwdeji, orde aggadeji, orde gulumiising lingan attartumeji, bar ruang U’a-ben aninji a d’ong rujumte. Amben aninji saring jznjzn murda ijja po? Anten asan iten a jumai, iten a ga-ai, orde iten batte a jijiai? Gamle a kudidong. Iten asan gamlenden bzgarda jatti maranji ka kuddub janabanji a hangben asan erteji guiteji. Gamlenden kan kuddub janabanji aninji sanasai, gamle ruang lingan U’a-ben amben abmele galamte” (Mattiu 6:26,31,32).

Kinolbe absele: “…dajing awr ruang lingan a dakuten a U’an a garten a mandranji a d’ong Marid Janggardan tiyte!” (Luk 11:13).