ഒക്ടോബർ 17 – സമൃദ്ധമായ സുവിശേഷം!

“ദാഹമുള്ളവന്നു തണ്ണീർ കിട്ടുന്നതും ദൂരദേശത്തുനിന്നു നല്ല വർത്തമാനം വരുന്നതും ഒരുപോലെ.” (സദൃശവാക്യങ്ങൾ 25:25).

ഈ വാക്യം ‘ദൂരദേശത്തുനിന്നുള്ള നല്ല വാർത്ത’യെക്കുറിച്ചാണ് സംസാരിക്കുന്നത്. അത്രയും ദൂരെയുള്ള രാജ്യമാണ് സ്വർഗ്ഗം.  സ്വർഗ്ഗത്തിൽ നിന്നുള്ള സുവിശേഷം യേശുക്രിസ്തുവിന്റെ സുവിശേഷമാണ്.  ക്രിസ്തുവിന്റെ സുവിശേഷം ക്ഷീണിച്ച ആത്മാവിന് തണുത്ത വെള്ളം പോലെയാണ്. അതുകൊണ്ടാണ് കർത്താവായ യേശു ജനങ്ങളോട് അനുകമ്പയുള്ളവനായി അവരെ പലതും പഠിപ്പിക്കാൻ തുടങ്ങിയത് (മർക്കോസ് 6:34).

നമ്മുടെ കർത്താവ് ശരീരത്തിന് തന്റെ നന്മ മാത്രമല്ല, ആത്മാവിന്റെ ആവശ്യങ്ങൾക്കായി സമൃദ്ധമായി നൽകുന്നവനാണ്. അതുകൊണ്ടാണ് വിശുദ്ധ ഗ്രന്ഥം പറയുന്നത്, ദൂരദേശത്തു നിന്നുള്ള സുവിശേഷം ക്ഷീണിച്ച ആത്മാവിന് തണുത്ത വെള്ളം പോലെയാണ്.

ചുട്ടുപൊള്ളുന്ന സൂര്യനു കീഴെ അനേകം മൈലുകൾ നടക്കുന്ന ഒരു മനുഷ്യനെക്കുറിച്ച് നമുക്ക് ചിന്തിക്കാം. അവൻ ആകെ വിയർക്കുന്നു;  കഠിനമായ ചൂട് കാരണം അവന്റെ പാദങ്ങൾ പൊട്ടാൻ തുടങ്ങുന്നു; അവന്റെ നാവ് വരണ്ടിരിക്കുന്നു; അവൻ ഒരു തണലിനും വെള്ളത്തിനും വേണ്ടി കൊതിക്കുന്നു. ഒരു ആപ്പിൾ മരം കണ്ടാൽ, അവൻ തന്റെ ഉള്ളിൽ ശേഷിച്ച എല്ലാ ശക്തിയും ഉപയോഗിച്ച് ഓടുകയും മരത്തിന്റെ തണൽ ആസ്വദിക്കുകയും ചെയ്യും. കൂടാതെ അവൻ അതിന്റെ പഴങ്ങൾ പറിച്ച് തിന്നുകയും ചെയ്യും. അതിലുപരിയായി, ഒരു നീരുറവ ലഭിക്കാൻ ഭാഗ്യമുണ്ടായാൽ, അവന്റെ സന്തോഷത്തിന് അവസാനമില്ല.

സമാനമായ രീതിയിൽ, ദൂരദേശത്ത് നിന്നുള്ള സുവിശേഷ സന്ദേശം ആത്മാവിന് സന്തോഷം നൽകുന്നു. തിരുവെഴു ത്തുകൾ പറയുന്നു: “കാട്ടിലെ മരങ്ങൾക്കിട യിൽ ഒരു ആപ്പിൾ മരം പോലെ, പുത്രന്മാരുടെ ഇടയിൽ എന്റെ പ്രിയപ്പെട്ടവൻ. ഞാൻ വളരെ സന്തോഷത്തോടെ അവന്റെ തണലിൽ ഇരുന്നു, അവന്റെ ഫലം എന്റെ രുചിക്ക് മധുരമായിരുന്നു” (ശലോമോന്റെ ഗീതം 2:3).

നല്ല വാർത്തകൾ അസ്ഥികളെ ശക്തിപ്പെടുത്തുന്നു (സദൃശവാക്യങ്ങൾ 15:30); നല്ല വാക്ക് അതിനെ സന്തോഷിപ്പിക്കുന്നു (സദൃശവാക്യങ്ങൾ 12:25). “ക്രിസ്തുയേശു എന്റെ നിമിത്തം മരിച്ചു”, എന്നത് നമുക്ക് ലഭിച്ച സമൃദ്ധമായ സുവിശേഷമാണ്. “എനിക്കുവേണ്ടി അവൻ മരിച്ചു; അവൻ വീണ്ടും എഴുന്നേറ്റു; മരണത്തിൽ നിന്ന് ഉയിർത്തെഴുന്നേറ്റവൻ എന്നേക്കും ജീവിക്കുന്നു.”

ഇയ്യോബ് പഴയനിയമ കാലഘട്ടത്തിലെ ഒരു വിശുദ്ധനായിരുന്നുവെങ്കിലും, സുവിശേഷത്തിൽ അവൻ എങ്ങനെ സന്തോഷിക്കുന്നു എന്ന് നോക്കൂ, അവൻ ഇങ്ങനെ പ്രഖ്യാപിക്കുന്നു: “എന്നെ വീണ്ടും ജീവിച്ചിരിക്കുന്ന വൻ എന്നും അവൻ ഒടുവിൽ പൊടിമേൽ നിൽക്കുമെന്നും ഞാൻ അറിയുന്നു. എന്റെ ത്വക്ക് ഇങ്ങനെ നശിച്ചശേഷം ഞാൻ ദേഹരഹിതനായി ദൈവത്തെ കാണും.ഞാൻ തന്നേ അവനെ കാണും; അന്യനല്ല, എന്റെ സ്വന്തകണ്ണു അവനെ കാണും; എന്റെ അന്തരംഗം എന്റെ ഉള്ളിൽ ക്ഷയിച്ചിരിക്കുന്നു.(ഇയ്യോബ് 19:25-27).

ദൈവമക്കളേ, പരാജയത്തിന്റെയും ദുഃഖത്തിന്റെയും ക്ഷീണത്തിന്റെയും നിരവധി വാർത്തകളും റിപ്പോർട്ടുകളും നിങ്ങൾ ഇതുവരെ കേട്ടിട്ടുണ്ടാകും. എന്നാൽ ഇന്ന് നിങ്ങളുടെ വായ തുറന്ന് “എന്റെ വീണ്ടെടുപ്പുകാരൻ ജീവിക്കുന്നു” എന്ന് ആവർത്തിച്ച് പ്രഖ്യാപി ക്കുക. കർത്താവ് നിങ്ങളുടെ എല്ലാ സങ്കടങ്ങളെയും സന്തോഷമാക്കി മാറ്റും.

കൂടുതൽ ധ്യാനത്തിനുള്ള വാക്യം: “അവൻ എന്നോടു പറഞ്ഞു, “എന്റെ കൃപ നിനക്കു മതി, കാരണം ബലഹീനതയിൽ എന്റെ ശക്തി പൂർണ്ണമാകുന്നു. “അതുകൊണ്ട് ക്രിസ്തുവിന്റെ ശക്തി എന്റെ മേൽ ആവസിക്കുന്നതിന് ഞാൻ ഏറ്റവും സന്തോഷ ത്തോടെ എന്റെ ബലഹീനതകളിൽ പ്രശംസിക്കും” (2 കൊരിന്ത്യർ 12:9).