సెప్టెంబర్ 05 – సమాధానమునకై పిలుపు!

“సమాధానముగా ఉండుటకు దేవుడు మనలను పిలిచియున్నాడు”     (1.కొరింథీ. 7:15)

దేవుని యొక్క సమాధానమును అనుసరింపక పోవుట వలన అనేక కుటుంబములయందు సమాధానము ఉండటలేదు. భర్తయు, భార్యయు ముంగిస పాము వలె ఉంటున్నారు. గృహములోనికి ప్రవేశింపగానే క్రోధపు ఆత్మ వారిని అమాంతముగా పట్టుకొనుచుండుటను చూడగలము. జగడపు వివాదములును, గొప్ప శబ్దముతో మాట్లాడేటువంటి నీచమైన పదములే ఇట్టి కుటుంబములయందు చూడగలుగుచున్నాము.

అనవసరమైన సందేహములచే ఇట్టి కుటుంబములు తల్లాడుటను చూచుచున్నాము.    “నేను మిమ్ములను సమాధానముగా ఉండుటకు పిలచియున్నాను”  అని ప్రభువు చెప్పుటను ప్రతి ఒక్కరును ధ్యాసయందు కలిగి ఉండవలెను.

దేవుడు దయచేయుచున్న సమాధానము ఎంతటి మనోహరమైనది! అది  శాంతికరమైన జలముల వలె మధురమైనది. ప్రభువు సెలవిచ్చుచున్నాడు:     “శాంతి మీ కనుగ్రహించి వెళ్లుచున్నాను; నా శాంతినే మీ కనుగ్రహించుచున్నాను; లోకమిచ్చునట్టుగా నేను మీ కనుగ్రహించుటలేదు; మీ హృదయమును కలవరపడనియ్యకుడి, వెరవనియ్యకుడి”     (యోహాను. 14:27).

మిమ్ములను పిలుచుచున్న ప్రభువు సమాధానకర్త.  ఆయన నామముల యందు ఒక నామము సమాధాన కర్త (యెషయా. 9:6)  అని బైబిలు గ్రంథము చెప్పుచున్నది. దేవుడు మిమ్ములను పిలుచున్నప్పుడు,  మీయొక్క జీవితమునందు సమాధానమును ఇవ్వకుండా మానునా? మీయొక్క జీవితమునందు వీచుచున్న తుఫానును, ఉప్పొంగుచున్న సముద్రమును గద్దించి నిమ్మలపరచకుండా మానునా? మీకు సమాధానమును అనుగ్రహించుట నిశ్చయమే.

సమాధానపు బంధమునందు ఏక మనస్సును కాపాడు కొనుటయందు జాగ్రత్తగా గలవారై ఉండుడి.  ఎల్లప్పుడును మీరు ఆత్మానుసారమైన మనస్సునుగలవారై ఉండినట్లయితే, జీవమును, సమాధానమును గలవారైయుందురు (రోమి. 8:6).

బైబులు గ్రంథము సెలవిచ్చుచున్నది:   ‌‌ “శక్యమైతే మీ చేతనైనంత మట్టుకు సమస్త మనుష్యులతో సమాధానముగా ఉండుడి”    (రోమీ 12:18).

ప్రభువు ఆశీర్వదించుచున్నప్పుడే గాని, పరిశుద్ధులు ఆశీర్వదించుచున్నప్పుడే గాని, సమాధానమును ఉచ్చటించుచునే ఆశీర్వదించుటను చూచుచున్నాము.    “మీరు ఏ యింటనైనను ప్రవేశించునప్పుడు ఈ యింటికి సమాధానమగు గాక   అని మొదట చెప్పుడి” ‌   (లూకా. 10:5)  అని యేసు సెలవిచ్చియున్నాడు.

అపో. పౌలు, ప్రతి ఒక్క పత్రికయందును      సమాధానకర్తయగు దేవుడు మీకందరికి తోడైయుండును గాక అనియు,  కృపయు సమాధానమును మీకు కలుగును గాక  అనియు, సమాధానకర్తయగు దేవుడే మిమ్మును సంపూర్ణముగా పరిశుద్ధపరచును గాక అనియు దీవించి ఆశీర్వదించుటను చూచుచున్నాము (రోమీ. 15:33; 2. కోరింథీ.1:2; 1.థెస్స. 5:23).

దేవుని బిడ్డలారా, మీ యొక్క సమాధానమునకు విరోధముగా శత్రువు లేచి వచ్చుచున్నప్పుడు, మిమ్ములను పిలిచిన సమాధాన కర్త వైపు తేరి చూడుడి. ఆయన వద్ద మీ యొక్క సమస్యలన్నీటిని తెలియజేయుడి. అప్పుడు సమస్త జ్ఞానమునకు మించిన దేవుని సమాధానము మిమ్ములను నింపును.

నేటి ధ్యానమునకై: 📖”ఆయన మన సమాధానమైయుండి మీకును మాకును ఉండిన ద్వేషమును, అనగా విధిరూపకమైన ఆజ్ఞలుగల ధర్మశాస్త్రమును తన శరీరమందు కొట్టివేయుటచేత, మధ్యగోడను పడగొట్టి, మన ఉభయులను ఏకముచేసెను. తన సిలువవలన ఆ ద్వేషమును సంహరించి, దాని ద్వారా వీరిద్దరిని ఏకశరీరముగా చేసి, దేవునితో సమాధానపరచవలెనని యీలాగు చేసెను”    (ఎఫెసీ. 2:14,16).