தினம் ஓர் ஊர் – திருப்பத்தூர் (Tirupathur) – 18/02/25

தினம் ஓர் ஊர் – திருப்பத்தூர் (Tirupathur)

மாவட்டம் – சிவகங்கை

மாநிலம் – தமிழ்நாடு

பரப்பளவு – 8.40 சதுர கிலோமீட்டர்கள் (3.24 sq mi)

மக்கள் தொகை – 275,779

கல்வியறிவு – 76.88%

மாவட்ட ஆட்சியர் – Sis. Asha Ajith (I.A.S)

காவல்துறை கண்காணிப்பாளர் – Bro. Ashish Rawat (I.P.S)

District Revenue Officer – Bro. Shanmugavelu

மக்களவைத் தொகுதி – சிவகங்கை

சட்டமன்றத் தொகுதி – திருப்பத்தூர்

Principal District and Sessions Judge  – Sis. K.Arivoli (Sivagangai)

Principal District Munsif cum

Judicial Magistrate – Bro. V.Kabilan (Thiruppathur)

Additional District Munsif – Bro. T.Nivash (Thiruppathur)

ஜெபிப்போம்

திருப்பத்தூர் வட்டம், தமிழ்நாட்டின் சிவகங்கை மாவட்டத்தில் உள்ள 9 வட்டங்களில் ஒன்றாகும். இந்த வட்டத்தின் கீழ் திருப்பத்தூர், இளையாத்தங்குடி, நாச்சியார்புரம், நெற்குப்பை, திருக்கோட்டியூர் என 5 உள்வட்டங்களும் 59 வருவாய் கிராமங்களும் உள்ளன.

பாண்டிய நாட்டின் தலைநகரான மதுரையையும் சோழ நாட்டின் தலைநகரான தஞ்சாவூரையும் இணைக்கும் சாலையில் முக்கிய வர்த்தக தடத்தில் திருப்பத்தூர் நகரம் சங்க காலம் முதல் அமைந்துள்ளது, 6 ஆம் நூற்றாண்டில் எழுதப்பட்ட தேவார பாடலிலிருந்து, திருப்பத்தூர் அப்போதே நகரமாக இருந்தது. பாண்டியர்களின் மிகப்பழமையான கல்வெட்டு இவ்வூர் திருத்தளிநாதர் கோயிலிலிருந்து பெறப்பட்டிருக்கிறது.

18 ஆம் நூற்றாண்டின் இறுதியில் இந்நகர், கிழக்கிந்தியக் கம்பெனியின் கைகளுக்கு மாறியது. 1801 புரட்சியின்போது, மருது பாண்டியர்கள் வெள்ளையர்களிடமிருந்து இக்கோட்டையைக் கைப்பற்றினர். மருது சகோதரர்களிடமிருந்து மீண்டும் கோட்டையைக் கைப்பற்றிய வெள்ளையர்கள் 24 அக்டோபர் 1801 அன்று, மருது சகோரர்கள் உள்ளிட்ட 500 இற்கும் மேற்பட்ட புரட்சியாளர்களை திருப்பத்தூர் கோட்டையில் தூக்கிலிட்டனர். திருப்பத்தூர் நகரம் முந்தைய மதுரை மாவட்டத்தில் ஒரு பகுதியாக இருந்தது.

திருப்பத்தூர் நகரம் 18 வார்டுகளாக பிரிக்கப்பட்டு 5 ஆண்டுகளுக்கு ஒருமுறை தேர்தல் நடத்தப்படுகிறது. இந்த நகரம் திருப்பத்தூர் சட்டமன்ற தொகுதிக்கும், சிவகங்கை மக்களவை தொகுதிக்கும் உட்பட்டது. இது சிவகங்கையிலிருந்து 35 கி.மீ. தொலைவிலும், காரைக்குடியிலிருந்து 35 கி.மீ. தொலைவிலும், மதுரையிலிருந்து 62 கி.மீ. தொலைவிலும் உள்ளது.

இவ்வட்டம் 275,779 மக்கள்தொகை கொண்டது. மக்கள்தொகையில் 138,228 ஆண்களும், 137,551 பெண்களும் உள்ளனர். 68,157 குடும்பங்கள் கொண்ட இவ்வட்ட மக்கள்தொகையில் 81.4% மக்கள் கிராமப்புறங்களில் வாழ்கின்றனர். மக்கள்தொகையில் இந்துக்கள் 92.3%, இசுலாமியர்கள் 5.75%, கிறித்தவர்கள் 1.7% மற்றும் பிறர் 0.25% ஆகவுள்ளனர்.

திருப்பத்தூர் நகரத்திற்காக ஜெபிப்போம். திருப்பத்தூர் நகரத்தில் உள்ள மக்களுக்காக ஜெபிப்போம். அவர்களின் இரட்சிப்பிற்காகவும், ஆசீர்வாதத்திற்காகவும் ஜெபிப்போம். திருப்பத்தூர் சட்டமன்ற உறுப்பினருக்காகவும், சிவகங்கை மக்களவை உறுப்பினருக்காகவும் ஜெபிப்போம். திருப்பத்தூர் நகராட்சி ஆணையருக்காகவும், தலைவருக்காகவும், துணை தலைவருக்காகவும் ஜெபிப்போம். திருப்பத்தூர் நகரத்தின் எழுப்புதலுக்காக ஜெபிப்போம்.