Jan 04 – NOTUN KAPRA!

Genesis 45:22 “Tai dishe sob tai khan ke, sob jon manu ke, bodlibole laga kapra; hoilebi Benjamin  ke tai dishe tin sau tukra chandi laga aru panch te bodlibole laga kapra”.

Isor pora di ase ami khan ke notun kapra. Tai bodlaishe purana kapra ke aru moila kapra ke amikhan  nijor laga hosa te aru dhale notun atmakarik kapra ke.

Joseph lok paishe tai laga bhai khan ke Egypt laga governor hoa pichete. Tai diye sob tai khan ke ekta notun kapra. Hoilebi tai morom thakishe Benjamin  uporte aru dishe tai ke panchta notun kapra ke. Ami khan ase ami khan laga Isor jun dangor ase joseph pora bi aru Tai pora dibo ami khan ke notun kapra. I ami khan nopore bhal kapra laga juntu baba pora diye, jitya prodigal loa ghuri ahe  tai te?”  (Luke 15:22)

Apuni bi ekta baba hoi kene hodai hi dibole mon sobse bhal kapra khan apuni laga bacha khan nimite. Judi inika hi ase, khali bhabna koribi utu kisim laga sobse bhal kapra khan juntu ami khan laga swargo Baba pora  dibo ami khan ke. Junika joseph dishe panch te alag alag kapra Benjamin ke, ami khan laga Isor rakhi kena ase ami khan karone panch tea lag atmakarik kapra khan. Ahibi sabo joldi bhabn kori kene utu panch ta kapra te:

1.Kapra mukti laga (Isaiah 61:10)

2.Kapra hosa laga (Isaiah 61:10)

3.Kapra mahima laga (Isaiah 61:3)

4.Bhal kapra (revelation 19:8)

5.Boga kapra (Revelation 3:4)

Aru Galatians 3:27 te ami khan pore itu khan sob uporte, a I khan pindi bo lage Krista ke. Khali tai jun lagai Krista ke, ase ekta hosa Christian. Ki adot aru charitra Krista Jisu laga apuni te pai?

Jitya Isor bonai Adam aru Eve ke, Tai diye Tai laga nijor laga mahima tai khan laga kapra hobole. Hoilebi jitya tai khan paap te girishe, satan khulishe dishe  utu kapra khan tai khan pora,a ru tai khan nijor ke kapra nalagai kene paishe.

Itu karone tai khan silaishe dimoru pata laga kapra ke nijor ke dhakabole. Isor saishe tai khan laga biya poristithi ke. Tai daya lagishe tai kha uporte; bonaishe kapra chamra laga, aru lagai dishe tai khan ke kapra. Itu zaroori thakishe ekta janwar ke morabole tai khan ke kapra dibole.

Notun niom laga homoi te, Isor Jisu Nijor hi bonishe bhera bacha junke bali dihse. Tai icha korishe phelabole ses boondh bi Tai laga khun laga sapha koribole ami khan laga paap ke. Tai dishe anugrah, wapas koribole hari ja mahima ke. Aji Krista nijor hi kapra ase mukti laga juntu apuni lagaishe nijor te.a puni lagaishe Krista ke aru Tai hi apuni laga mukti ase. Isor laga bacha khan, hodai hi nigrani kori rakhibi  itu kimti kapra ke mukti laga.

Aji bhabna koribole laga pobitro kotha tu hoile Revelation 16:15 “thakibi, Ami ahi ase ekta chor nishina. Ashirbaad ase tai khan jun sai thake,a ru rakhe tai laga kapra ke, anahoile Tai berai kapra nalagi kene aru tai khan sai tai laga sorom te.”