ਜੁਲਾਈ 24 – ਇੱਕ ਜਿਹੜਾ ਅਨੁਸਰਣ ਨਹੀਂ ਕਰਦਾ!

“ਅਤੇ ਜੇ ਕੋਈ ਆਪਣੀ ਸਲੀਬ ਚੁੱਕ ਕੇ ਮੇਰੇ ਮਗਰ ਨਾ ਚੱਲੇ, ਉਹ ਮੇਰੇ ਯੋਗ ਨਹੀਂ”(ਮੱਤੀ ਦੀ ਇੰਜੀਲ 10:38)।

ਇੱਕ ਵਾਰ ਇੱਕ ਆਦਮੀ ਚੇਲਾ ਕੀ ਹੈ, ਇਸ ਉੱਤੇ ਧਿਆਨ ਕਰ ਰਿਹਾ ਸੀ, ਅਤੇ ਸੌਂ ਗਿਆ। ਉਸਨੇ ਆਪਣੀ ਨੀਂਦ ਵਿੱਚ ਇੱਕ ਦਰਸ਼ਨ ਦੇਖਿਆ। ਉਸ ਦਰਸ਼ਨ ਵਿੱਚ, ਉਹ ਇੱਕ ਵੱਡੇ ਕਮਰੇ ਦੇ ਨੇੜੇ ਆ ਰਿਹਾ ਸੀ ਜੋ ਵੱਖ-ਵੱਖ ਸਮੱਗਰੀਆਂ ਦੇ ਬਣੇ ਵੱਖ-ਵੱਖ ਆਕਾਰਾਂ ਦੇ ਸਲੀਬ ਦੇ ਨਾਲ ਖੜ੍ਹੇ ਸੀ। ਜਿਵੇਂ ਹੀ ਉਹ ਉਸ ਕਮਰੇ ਦੇ ਕੋਲ ਗਿਆ, ਪ੍ਰਮੇਸ਼ਵਰ ਦੇ ਇੱਕ ਦੂਤ ਨੇ ਉਸਦਾ ਸਵਾਗਤ ਕੀਤਾ ਅਤੇ ਉਸਦੀ ਪਿੱਠ ਉੱਤੇ ਇੱਕ ਲੱਕੜ ਦੀ ਸਲੀਬ ਰੱਖੀ। ਉਸ ਆਦਮੀ ਨੇ ਗੁਲਾਬਾਂ ਦੀ ਬਣੀ ਇੱਕ ਹੋਰ ਸਲੀਬ ਦੇਖੀ।

ਉਸਨੇ ਸਵਰਗ ਦੂਤ ਦੇ ਵੱਲ ਦੇਖਿਆ ਅਤੇ ਉਸ ਸਲੀਬ ਨੂੰ ਪ੍ਰਾਪਤ ਕਰਨ ਦੇ ਲਈ ਬੇਨਤੀ ਕੀਤੀ। ਪ੍ਰਮੇਸ਼ਵਰ ਦੇ ਦੂਤ ਨੇ ਵੀ ਉਸ ਉੱਤੇ ਕਿਰਪਾ ਕੀਤੀ, ਲੱਕੜ ਦੀ ਸਲੀਬ ਨੂੰ ਹਟਾ ਦਿੱਤਾ ਅਤੇ ਇਸ ਨੂੰ ਗੁਲਾਬ ਦੀ ਸਲੀਬ ਦੇ ਨਾਲ ਬਦਲ ਦਿੱਤਾ। ਪਰ ਇਸ ਤੋਂ ਪਹਿਲਾਂ ਕਿ ਉਹ ਕੁੱਝ ਦੂਰ ਅੱਗੇ ਵੱਧਦਾ, ਗੁਲਾਬ ਦੀਆਂ ਸਾਰੀਆਂ ਪੱਤੀਆਂ ਸੁੱਕ ਗਈਆਂ ਅਤੇ ਹੇਠਾਂ ਡਿੱਗ ਗਈਆਂ, ਜਿਸ ਨਾਲ ਗੁਲਾਬ ਦੇ ਕੰਡੇ ਫਟ ਗਏ ਅਤੇ ਉਸਦੀ ਪਿੱਠ ਉੱਤੇ ਜ਼ਖਮ ਹੋ ਗਏ। ਅਤੇ ਉਸਨੂੰ ਦੁੱਖੀ ਹੋ ਕੇ ਉਸ ਸਵਰਗ ਦੂਤ ਦੇ ਕੋਲ ਵਾਪਸ ਜਾਣਾ ਪਿਆ।

ਉਸ ਨੇ ਕਿਹਾ: ‘ਸ਼੍ਰੀਮਾਨ, ਮੈਂ ਬਾਹਰੀ ਤੌਰ ਤੇ ਧੋਖਾ ਖਾ ਗਿਆ ਸੀ ਅਤੇ ਸੱਟ ਅਤੇ ਖੂਨ ਵਹਿਣ ਦੀ ਇਸ ਸਥਿਤੀ ਵਿੱਚ ਆਇਆ ਹਾਂ। ਕਿਰਪਾ ਕਰਕੇ ਇਸ ਸਲੀਬ ਨੂੰ ਮੇਰੇ ਕੋਲੋਂ ਦੂਰ ਲੈ ਜਾਵੋ, ਅਤੇ ਮੈਨੂੰ ਵੱਡੀ ਸੁਨਹਿਰੀ ਸਲੀਬ ਦੇ ਦਿਓ। ਇੰਨੀ ਕੀਮਤੀ ਸਲੀਬ ਚੁੱਕਣੀ ਮੇਰੇ ਲਈ ਸਨਮਾਨ ਦੀ ਗੱਲ ਹੋਵੇਗੀ। ਪਰਮੇਸ਼ੁਰ ਦੇ ਦੂਤ ਨੇ ਉਸਨੂੰ ਦੂਸਰੀ ਵਾਰ ਕਿਰਪਾ ਦਿੱਤੀ।

ਸੁਨਹਿਰੀ ਸਲੀਬ ਦਾ ਭਾਰ ਸਹਿਣ ਤੋਂ ਬਾਹਰ ਸੀ। ਕੁੱਝ ਦੇਰ ਪਹਿਲਾਂ ਹੀ, ਉਹ ਇੱਕ ਚਿੱਕੜ ਦੀ ਮਿੱਟੀ ਵਿੱਚ ਫਸ ਗਿਆ ਅਤੇ ਭਾਰ ਦੇ ਕਾਰਨ ਅੱਗੇ ਨਹੀਂ ਵੱਧ ਸਕਿਆ। ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਉਸ ਨੇ ਆਪਣੇ ਆਪ ਨੂੰ ਉਸ ਸਥਿਤੀ ਤੋਂ ਮੁਕਤ ਕੀਤਾ ਅਤੇ ਦੁਬਾਰਾ ਉਸ ਕਮਰੇ ਵਿੱਚ ਵਾਪਸ ਆ ਗਿਆ।

ਇਸ ਵਾਰ ਉਸਨੇ ਸਵਰਗ ਦੂਤ ਨੂੰ ਕਿਹਾ: ‘ਸ਼੍ਰੀਮਾਨ, ਸੁਨਹਿਰੀ ਸਲੀਬ ਅਸਲ ਵਿੱਚ ਉੱਚ ਕੀਮਤ ਵਾਲੀ ਹੈ। ਮੈਂਨੂੰ ਲਗਾ ਕਿ ਉਸ ਸਲੀਬ ਨੂੰ ਚੁੱਕ ਕੇ ਮੈਂ ਲੋਕਾਂ ਦਾ ਸਤਿਕਾਰ ਅਤੇ ਪ੍ਰਸ਼ੰਸਾ ਪ੍ਰਾਪਤ ਕਰਨ ਦੇ ਯੋਗ ਹੋ ਜਾਵਾਂਗਾ। ਪਰ ਮੈਂ ਉਸ ਬੋਝ ਨੂੰ ਝੱਲਣ ਤੋਂ ਅਸਮਰੱਥ ਹਾਂ। ਇਸ ਲਈ, ਕਿਰਪਾ ਕਰਕੇ ਇਸਨੂੰ ਮੇਰੇ ਤੋਂ ਉਤਾਰ ਦਿਓ ਅਤੇ ਮੈਨੂੰ ਉਹ ਲੱਕੜ ਦੀ ਸਲੀਬ ਦਿਓ ਜੋ ਤੁਸੀਂ ਮੈਨੂੰ ਪਹਿਲਾਂ ਦਿੱਤੀ ਸੀ। ਅਤੇ ਮੈਂ ਇਸਨੂੰ ਖੁਸ਼ੀ ਨਾਲ ਸਵੀਕਾਰ ਕਰਾਂਗਾ। ਬਹੁਤ ਸਾਰੇ ਲੋਕ ਬਾਹਰੀ ਸੁੰਦਰਤਾ, ਸੋਨਾ, ਚਾਂਦੀ ਅਤੇ ਪੈਸੇ ਨੂੰ ਚੁਣਦੇ ਹਨ। ਪਰ ਬਾਅਦ ਵਿੱਚ ਉਨ੍ਹਾਂ ਨੂੰ ਆਪਣੀ ਮੂਰਖਤਾ ਦਾ ਅਹਿਸਾਸ ਹੁੰਦਾ ਹੈ।

ਪ੍ਰਮੇਸ਼ਵਰ ਦੇ ਬੱਚਿਓ, ਦੁਨਿਆਵੀ ਚੀਜ਼ਾਂ ਦੇ ਵੱਲ ਨਾ ਦੇਖੋ। ਆਪਣੀਆਂ ਅੱਖਾਂ ਹਮੇਸ਼ਾ ਸਵਰਗ ਦੀ ਮਹਾਨਤਾ ਉੱਤੇ ਕੇਂਦਰਿਤ ਹੋਣ ਦਿਓ। ਪ੍ਰਭੂ ਤੁਹਾਡੇ ਤੋਂ ਉਮੀਦ ਕਰਦਾ ਹੈ ਕਿ ਤੁਸੀਂ ਆਪਣੀ ਸਲੀਬ ਚੁੱਕੋ ਅਤੇ ਉਸਦੇ ਪਿੱਛੇ ਚੱਲੋ। ਫਾਲਤੂ ਦੁਨਿਆਵੀ ਵਸਤੂਆਂ ਲਈ ਆਪਣੇ ਕੋਲ ਰੱਖੇ ਅਨਮੋਲ ਖ਼ਜ਼ਾਨੇ ਨੂੰ ਕਦੇ ਵੀ ਨਹੀਂ ਗੁਆਉਣਾ ਚਾਹੀਦਾ ਹੈ।

ਅਭਿਆਸ ਕਰਨ ਲਈ – “ਤਦ ਯਿਸੂ ਨੇ ਆਪਣੇ ਚੇਲਿਆਂ ਨੂੰ ਕਿਹਾ, ਜੇ ਕੋਈ ਮੇਰੇ ਪਿੱਛੇ ਆਉਣਾ ਚਾਹੇ ਤਾਂ ਉਹ ਆਪਣੇ ਆਪ ਦਾ ਇਨਕਾਰ ਕਰੇ ਅਤੇ ਆਪਣੀ ਸਲੀਬ ਚੁੱਕ ਕੇ ਮੇਰੇ ਪਿੱਛੇ ਚੱਲੇ”(ਮੱਤੀ ਦੀ ਇੰਜੀਲ 16:24)।