Jan 13 – NOTUN PRASTAV!

Psalm 88:9 “Isor, ami matishe Apuni ke; ami khuli dishe ami laga hath Apuni te”.

Itu  notun saal te, apuni khan lobo lage notun prastav aru aghe barhi bo lage hodai din  thik te Isor laga. Judi apuni berabo hodai  Isor logote, apuni laga jibon bhorta hobo khushi aru ujala pora; jibon gherav thaka anondo pora. Itu bishi zaroori ase rakhibole bachai kene itu jibon ke utu  anondo te, jit aru pobitrota te. Aji, ami khan bhabna koribo itu kisim laga prastav te juntu apuni lage lobule ses te.

Poila, apuni prashansha koribo lage Tai ke hodai din. Raja David koi: “Ashirbaad ase Isor ke, jun hodai hi loi ami khan ke iman labh te, Isor ami khan laga mukti laga!” (Psalm 68:19). Sob notun din ase ekta anugrah laga uphar Isor pora. Sob saans juntu apuni loi; aru sob dharak apuni laga mon laga ekta uphar ase Isor laga. Tai laga daya khan ase notun hodai phuir hi (Lamentations 3:2-23). Itu karone, yaad rakhibi itu  dhonyabad kori kene sob labh khan te juntu apuni logote ase Isor laga hath pora aru mahima koribi Tai ke.

Dusra, apuni khan porhi bo lage Isor laga kotha ke hodai din. Pobitro ktoha te koi: “Jews khan B era te bishi nishpaksh mon laga Thessalonica khan pora, utu te tai kha paishe kotha ke tayar thaki kene,a ru bisare pobitro kotha ke hodai din bisaribole judi itu kotha khan inika thakishe” (Acts 17:11). Judi bi apuni porhe khali panchta adhyay ke bible laga ekta  din te, apuni pura koribole paribo pura Bible  k eek saal napungcha homoi te.

Aru bi bhabna koribi itu podh khan te hodai din Bible  laga. Isor pora koishe Joshua ke: “itu kitab Niom laga nahati bo lage apunilaga muk pora, hoilebi apuni bhabna koribo lage itu te din aru rati, ki apuni manibo itu ke koribole juntu likhi kene ase. Tini hoile apuni bonabo apuni laga rasta ke unnati, aru apuni pabo bhal safalta ke” (Joshua 1:8).

Tisra, apuni prathana koribo lage hodai din hi. “Isor, ami matishe Apuni ke hodai; ami barhai she ami laga hath ke Apuni te” (psalm 88:9). Judi apuni prathana kore hodai, apuni laga bhitor manu tagot hobo;a ru apuni barhabole paribo achurit shakti ke apuni te. Itu laga rahasya safal hua laga ase prathana kora hi hodai din (Ephesians 6:18). Pobitro kotha dikhai ami khan ke “prathana koribole narukhi kene” (1 Thessalonians :17). Ji hoilebi apuni laga sangharsh nahoilebi apuni laga lorai juntu apuni par kori ase, “hobi utsuk iku karone bi nahoi, hoilebi sob samna te prathana pora aru anurodh pora , dhonyabaad pora, hobole dibi apuni laga anurodh ke janibole Isor ke” (Philipians 4:6).

Chautha, apuni rukhibo lage maujudgi te Isor laga. Pobitro kotha te koi: “ashirbaad ase manu juntu hunne Ami ke, sai hodai ami laga dorja ke , rukhi kene khuta khan tea mi laga dorja khan laga” (proverbs 8:34). Jitya apuni rokhe theng te Isor laga hnodai din hi apuni laga tagot notun hobo; aru apuni uthibo pankha te siloni nishina.

Aji bhabna koribo laga pobitro kotha tu hoile Psalm 61:8 “toh, ami gana gabo prashansha laga Apuni laga naam te hodai din, ki ami koribo ami laga kotha khan ke” .