Jan 05 – NOTUN GHOR!

Deuteronomy 22:8 “jitya apuni bonai notun ghor, titya apuni bonabo ekta kinar bera apuni laga chat logote lagi kene”.

Notun ghor! Hosabi, Isor bonai sob notun notun saal te. Tai diye ekta notun mon, notun atma, notun tagot aru shakti apuni ke.

Ekbar ekta boini koishe tai laga gawahi ke. Bishi khushi thaki kene tai laga mon te tai koishe: “Ekbar amilaga mota ahishe Krista te, ami khan laga ghor bonishe ekta notun ghor. Poila, tai mudu khai kene ahe tai laga sathi khan logote aru pura ghor halagula thake. Aru bacha khan bhoi lage tai ke aru lukai thake. Tai hodai hi gussa thake, aru biya mood te. Hoilebi itya, ekta dangor bodlav ase tai te. Tai loishe Jisu Krista  ke Tai laga Isor aru Rakshak hisab te. Tai nakhelai tai laga purana sathi khan logote. Naukar khan Isor laga aru wafadar ahe aru lok pai ami khan laga ghor te; aru hodai hi prathan te thake. Bacha khan morom te thake taikhan laga baba logote. Isor bonaishe sob notun”.

Hoi; jitya Isor ahe ekta ghor te pura ghor hi notun hoi. Din khan te Isor laga mantralay te itu prtihibi  te, Tai kooi Zacchaeus ke: “Aji Ami thakibo lage apuni laga ghor te”.

Aji laga din te bi, tai icha kore thakibole apuni laga ghorte. Njitya Isor Jixsu ahe apuni laga ghorte, Tai laga achurit anondo aru achurit shanty thakibo apuni laga ghor te. Poila laga shrap, bodli hobo Iosr laga ashirbaad logote. Bimar khan, samasya khan aru sangharsh khan dibo rasta achurit swast aru khushi te.

Pobitro kotha te  koi: “Hoilebi tai khan majboor kori dishe taike koi kene, “Thakibi ami khan logote, kilekoile itya sham ahi ase, aru din tu bitai loishe.” Aru tai jaishe tai khan logote thakibole” (Luke 24:29). Hoi, Jisu jaishe ghorte thakibole tai khan logote. Kiman dangor ashirbaad ase!

Itu hobdo ‘ghor’, khali apuni tahka jaga ke  koa nahoi hoilebi apuni laga monke bi koi ase; mondir Isor laga aru hodai din laga swarg ke koi.

Judi apuni itu prithibi te ase, apuni thakibi Isor logote Tai aga swargo ghorte. Itu kaorne, kobi Joshua logote aru dibi nijor ke, koi kene: “hoilebi ami aru ami laga ghor karone, ami khan seva koribo Isor ke” (Joshua 24:15).

Raja David, jun khule tai laga ghor ke aru tai laga monk e Iosr ke, thakishe ekta akha Isor laga hodai din laga ghor swarg te. Itu karone, tai koi Psalm 23 aru agete: “hosabi bhal khan aru daya piche hobo ami ke sob din khan tea mi laga jobon laga; aru ami thakibo ghorte Isor laga hodai din nimite” (Psalm 23:6).

Aji bhabnakoribole laga laga pobitro kotha tu hoile Philippians 3:20 “kilekoile ami khan laga nagrikta ase swarg te, kote pora ami khan utsuk hoi kene rokhi ase Rakshak, Isor Jisu Krista nimite”