ਫਰਵਰੀ 07 – ਪਿਆਰੇ ਦਾਨੀਏਲ!

“ਜਿਸ ਵੇਲੇ ਤੂੰ ਬੇਨਤੀ ਕਰਨ ਲੱਗਾ ਉਸ ਵੇਲੇ ਇਹ ਆਗਿਆ ਨਿੱਕਲੀ ਅਤੇ ਮੈਂ ਆਇਆ ਜੋ ਤੈਨੂੰ ਵਿਖਾਵਾਂ ਕਿਉਂ ਜੋ ਤੂੰ ਵੱਡਾ ਪਿਆਰਾ ਹੈਂ”(ਦਾਨੀਏਲ 9:23).

ਪਵਿੱਤਰ ਸ਼ਾਸਤਰ ਹਨੋਕ ਦੇ ਬਾਰੇ ਪਰਮੇਸ਼ੁਰ ਦੀ ਗਵਾਹੀ ਨੂੰ ਦਰਜ ਕਰਦਾ ਹੈ, ਕਿ ਉਸਨੇ ਪਰਮੇਸ਼ੁਰ ਨੂੰ ਖੁਸ਼ ਕੀਤਾ. ਪਰ ਜਦੋਂ ਅਸੀਂ ਦਾਨੀਏਲ ਦੇ ਬਾਰੇ ਪੜ੍ਹਦੇ ਹਾਂ, ਤਾਂ ਬਾਈਬਲ ਉਸ ਨੂੰ ਪ੍ਰਭੂ ਦੇ ਬਹੁਤ ਪਿਆਰੇ ਦੇ ਵਜੋਂ ਬੁਲਾਉਣ ਦੇ ਲਈ ਇੱਕ ਕਦਮ ਹੋਰ ਅੱਗੇ ਵੱਧਦੀ ਹੈ.

ਦਾਨੀਏਲ 10:11 ਵਿੱਚ, ਦਾਨੀਏਲ ਨੂੰ ‘ਬਹੁਤ ਪਿਆਰਾ’ ਕਿਹਾ ਗਿਆ ਹੈ. ਅਤੇ ਦਾਨੀਏਲ 10:19 ਵਿੱਚ, ਉਸਨੂੰ ‘ਪਿਆਰਾ ਮਨੁੱਖ’ ਕਿਹਾ ਗਿਆ ਹੈ. ਇਹ ਕਿੰਨਾ ਧੰਨ ਹੋਵੇਗਾ, ਜੇਕਰ ਪ੍ਰਭੂ ਤੁਹਾਨੂੰ ਅਜਿਹੇ ਪਿਆਰੇ ਸ਼ਬਦਾਂ ਨਾਲ ਬੁਲਾਵੇ. ਇਸ ਲਈ, ਕੇਵਲ ਉਹੀ ਕਰਨ ਦੀ ਦ੍ਰਿੜਤਾ ਬਣਾਓ ਜੋ ਪ੍ਰਭੂ ਨੂੰ ਚੰਗਾ ਲੱਗਦਾ ਹੈ.

ਜਦੋਂ ਤੁਸੀਂ ਪ੍ਰਭੂ ਨੂੰ ਪਿਆਰ ਕਰਦੇ ਹੋ ਅਤੇ ਉਸ ਨੂੰ ਪ੍ਰਸੰਨ ਕਰਦੇ ਹੋ, ਤਦ ਉਸ ਦਾ ਪਿਆਰ ਤੁਹਾਡੇ ਉੱਤੇ ਹਰ ਸਮੇਂ ਬਣਿਆ ਰਹੇਗਾ. ਜਦੋਂ ਤੁਸੀਂ ਲਗਨ ਦੇ ਨਾਲ ਪ੍ਰਭੂ ਨੂੰ ਖੁਸ਼ ਕਰਨ ਦੇ ਲਈ ਖੋਜਦੇ ਹੋ, ਅਤੇ ਉਸਦੇ ਅਨੁਸਾਰ ਕਰਦੇ ਹੋ ਤਾਂ ਤੁਹਾਡਾ ਪੂਰਾ ਜੀਵਨ ਰੂਹਾਨੀ ਸ਼ਾਂਤੀ ਅਤੇ ਖੁਸ਼ੀ ਨਾਲ ਭਰ ਜਾਵੇਗਾ. ਪ੍ਰਭੂ ਵੀ ਤੁਹਾਨੂੰ ਬਰਕਤ ਦੇਵੇਗਾ ਅਤੇ ਉਸਦੀ ਇੱਛਾ ਦੇ ਅਨੁਸਾਰ ਤੁਹਾਡੀ ਅਗਵਾਈ ਕਰੇਗਾ.

ਦੋ ਚੀਜ਼ਾਂ ਹਨ ਜਿਹੜੀਆਂ ਪਰਮੇਸ਼ੁਰ ਦੇ ਹਰੇਕ ਬੱਚਿਆਂ ਨੂੰ ਕਰਨ ਦੀ ਜ਼ਰੂਰਤ ਹੈ. ਪਹਿਲਾ, ਉਹ ਸਭ ਕੁੱਝ ਦੂਰ ਕਰਨਾ ਜਿਹੜਾ ਪ੍ਰਮੇਸ਼ਵਰ ਦੀ ਨਜ਼ਰ ਵਿੱਚ ਚੰਗਾ ਨਹੀਂ ਹੈ, ਅਤੇ ਦੂਸਰਾ ਪ੍ਰਭੂ ਦੀ ਇੱਛਾ ਅਤੇ ਪ੍ਰਸੰਨਤਾ ਨੂੰ ਪੂਰਾ ਕਰਨਾ.

ਤੁਹਾਨੂੰ ਦੁਸ਼ਟਾ ਦੀ ਮੱਤ ਤੋਂ ਦੂਰ ਹੋ ਕੇ ਪਾਪੀਆਂ ਦੇ ਰਾਹ ਵਿੱਚ ਬੈਠਣ ਦੀ ਜ਼ਰੂਰਤ ਨਹੀਂ ਹੈ, ਕਿਉਂਕਿ ਇਹ ਯਹੋਵਾਹ ਦੀ ਨਜ਼ਰ ਵਿੱਚ ਚੰਗੇ ਨਹੀਂ ਹਨ. ਅਤੇ ਤੁਹਾਨੂੰ ਦਿਨ ਰਾਤ ਉਸ ਦੇ ਵਚਨ ਦਾ ਧਿਆਨ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਸ ਤੋਂ ਹੀ ਪ੍ਰਭੂ ਪ੍ਰਸੰਨ ਹੁੰਦਾ ਹੈ.

ਨਬੀ ਮੀਕਾਹ ਨੇ ਆਖਿਆ: “ਭਲਾ, ਯਹੋਵਾਹ ਹਜ਼ਾਰਾਂ ਭੇਡੂਆਂ ਨਾਲ, ਜਾਂ ਤੇਲ ਦੀਆਂ ਲੱਖਾਂ ਨਦੀਆਂ ਨਾਲ ਖੁਸ਼ ਹੋਵੇਗਾ? ਕੀ ਮੈਂ ਆਪਣੇ ਪਹਿਲੌਠੇ ਨੂੰ ਆਪਣੇ ਅਪਰਾਧ ਦੇ ਬਦਲੇ ਦਿਆਂ, ਅਤੇ ਮੇਰੇ ਸਰੀਰ ਦੇ ਫਲ ਨੂੰ ਮੇਰੇ ਮਨ ਦੇ ਪਾਪ ਲਈ? ਹੇ ਮਨੁੱਖ, ਉਹ ਨੇ ਤੈਨੂੰ ਦੱਸਿਆ ਕਿ ਭਲਾ ਕੀ ਹੈ, ਅਤੇ ਯਹੋਵਾਹ ਤੈਥੋਂ ਹੋਰ ਕੀ ਮੰਗਦਾ ਹੈ, ਸਿਰਫ਼ ਇਹ ਕਿ ਤੂੰ ਇਨਸਾਫ਼ ਕਰ, ਦਯਾ ਨਾਲ ਪ੍ਰੇਮ ਰੱਖ, ਅਤੇ ਅਧੀਨ ਹੋ ਕੇ ਆਪਣੇ ਪਰਮੇਸ਼ੁਰ ਨਾਲ ਚੱਲ?”(ਮੀਕਾਹ 6:7,8).

ਦਾਨੀਏਲ ਨੂੰ ਦੇਖੋ, ਜਿਸ ਨੇ ਆਪਣੇ ਮਨ ਵਿੱਚ ਇਹ ਫ਼ੈਸਲਾ ਕੀਤਾ ਸੀ ਕਿ ਉਹ ਆਪਣੇ ਆਪ ਨੂੰ ਰਾਜੇ ਦੇ ਸੁਆਦਲੇ ਭੋਜਨ ਦੇ ਨਾਲ ਅਤੇ ਉਸਦੀ ਸ਼ਰਾਬ ਪੀ ਕੇ ਉਹ ਅਸ਼ੁੱਧ ਨਹੀਂ ਹੋਵੇਗਾ. ਇੰਨਾ ਹੀ ਨਹੀਂ, ਇੱਥੋਂ ਤੱਕ ਕਿ ਜਦੋਂ ਰਾਜੇ ਤੋਂ ਇਲਾਵਾ ਕਿਸੇ ਹੋਰ ਦੀ ਆਰਾਧਨਾ ਜਾਂ ਪ੍ਰਾਰਥਨਾ ਕਰਨ ਦੀ ਆਗਿਆ ਦੇਣ ਦੇ ਲਈ ਇੱਕ ਸ਼ਾਹੀ ਹੁਕਮ ਨਿੱਕਲਿਆ, ਤਾਂ ਉਸ ਨੂੰ ਸ਼ੇਰਾਂ ਦੀ ਗੁਫ਼ਾ ਵਿੱਚ ਸੁੱਟ ਦਿੱਤਾ ਜਾਵੇਗਾ, ਉਸਨੇ ਆਪਣੇ ਮਨ ਵਿੱਚ ਸਿਰਫ਼ ਪ੍ਰਮੇਸ਼ਵਰ ਦੀ ਆਰਾਧਨਾ ਅਤੇ ਉਸਨੂੰ ਪ੍ਰਸੰਨ ਕਰਨ ਦਾ ਫ਼ੈਸਲਾ ਲਿਆ. ਇਸ ਲਈ ਯਹੋਵਾਹ ਦਾਨੀਏਲ ਤੋਂ ਬਹੁਤ ਪ੍ਰਸੰਨ ਹੋਇਆ, ਅਤੇ ਸ਼ੇਰਾਂ ਦੇ ਮੂੰਹ ਨੂੰ ਬੰਨ੍ਹ ਦਿੱਤਾ ਅਤੇ ਉਸਨੂੰ ਸਾਰੇ ਨੁਕਸਾਨ ਤੋਂ ਬਚਾਇਆ.

ਪ੍ਰਮੇਸ਼ਵਰ ਦੇ ਬੱਚਿਓ, ਜਦੋਂ ਤੁਸੀਂ ਪ੍ਰਾਰਥਨਾ ਵਿੱਚ ਪ੍ਰਮੇਸ਼ਵਰ ਦੀ ਹਜ਼ੂਰੀ ਵਿੱਚ ਬਣੇ ਰਹਿੰਦੇ ਹੋ, ਤਾਂ ਤੁਸੀਂ ਸਪੱਸ਼ਟ ਤੌਰ ਤੇ ਸਮਝ ਜਾਓਗੇ ਕਿ ਪ੍ਰਭੂ ਨੂੰ ਕੀ ਚੰਗਾ ਲੱਗਦਾ ਹੈ ਅਤੇ ਕਿਹੜੀ ਚੀਜ਼ ਉਸ ਨੂੰ ਨਾਰਾਜ਼ ਕਰਦੀ ਹੈ.

ਅਭਿਆਸ ਕਰਨ ਲਈ – “ਕਿਉਂਕਿ ਜਿਹੜਾ ਪਰਮੇਸ਼ੁਰ ਦੇ ਕੋਲ ਆਉਂਦਾ ਹੈ ਉਹ ਨੂੰ ਵਿਸ਼ਵਾਸ ਕਰਨਾ ਚਾਹੀਦਾ ਹੈ ਕਿ ਉਹ ਹੈ ਅਤੇ ਇਹ ਕਿ ਉਹ ਉਹਨਾਂ ਨੂੰ ਜਿਹੜੇ ਪੂਰੇ ਮਨ ਨਾਲ ਉਸ ਨੂੰ ਖੋਜਦੇ ਹਨ ਫਲ ਦੇਣ ਵਾਲਾ ਹੈ”(ਇਬਰਾਨੀਆਂ 11:6).