ਜੁਲਾਈ 25 – ਇੱਕ ਜਿਹੜਾ ਲਾਭਦਾਇਕ ਹੈ!

“ਜਿਹੜਾ ਪਹਿਲਾਂ ਤੇਰੇ ਕਿਸੇ ਕੰਮ ਦਾ ਨਹੀਂ ਸੀ, ਪਰ ਹੁਣ ਤੇਰੇ ਅਤੇ ਮੇਰੇ ਬਹੁਤ ਕੰਮ ਦਾ ਹੈ”(ਫਿਲੇਮੋਨ 1:11)।

ਦੁਨਿਆਵੀ ਪਾਪੀ ਜੀਵਨ ਜੀਣ ਦਾ ਕੋਈ ਫ਼ਾਇਦਾ ਨਹੀਂ ਹੈ। ਪਾਪ ਦਾ ਗੁਲਾਮ ਬਣ ਕੇ ਜਿਉਣਾ ਹੋਰ ਵੀ ਦੁਖਦਾਈ ਹੈ, ਕਿਉਂਕਿ ਅਜਿਹੀ ਜ਼ਿੰਦਗੀ ਹੀ ਤੁਹਾਨੂੰ ਨਰਕ ਅਤੇ ਪਾਤਾਲ ਦੇ ਵੱਲ ਲੈ ਜਾਂਦੀ ਹੈ। ਜਿਹੜਾ ਵਿਅਕਤੀ ਤੋਬਾ ਨਹੀਂ ਕਰਦਾ ਜਾਂ ਆਪਣੇ ਪਾਪਾਂ ਤੋਂ ਮੂੰਹ ਨਹੀਂ ਮੋੜਦਾ ਉਹ ਸ਼ਾਂਤੀ ਤੋਂ ਰਹਿਤ ਜੀਵਨ ਜੀਉਂਦਾ ਹੈ।

ਪ੍ਰਮੇਸ਼ਵਰ ਦੇ ਬੱਚਿਓ, ਜਦੋਂ ਤੁਸੀਂ ਆਪਣੇ ਜੀਵਨ ਵਿੱਚ ਪ੍ਰਭੂ ਯਿਸੂ ਮਸੀਹ ਨੂੰ ਸਵੀਕਾਰ ਕਰਦੇ ਹੋ, ਤਾਂ ਤੁਸੀਂ ਆਪਣੇ ਲਈ, ਆਪਣੇ ਪਰਿਵਾਰ ਦੇ ਲਈ, ਪ੍ਰਭੂ ਦੇ ਲਈ, ਅਤੇ ਸਦੀਪਕ ਕਾਲ ਦੇ ਲਈ ਇੱਕ ਲਾਭਦਾਇਕ ਵਿਅਕਤੀ ਵਿੱਚ ਬਦਲ ਜਾਂਦੇ ਹੋ। ਅਸੀਂ ਉਨੇਸਿਮੁਸ ਨਾਂ ਦੇ ਦਾਸ ਦੇ ਬਾਰੇ ਪਵਿੱਤਰ ਸ਼ਾਸਤਰ ਵਿੱਚ ਪੜ੍ਹਦੇ ਹਾਂ। ਉਹ ਫਿਲੇਮੋਨ ਦੇ ਘਰ ਦਾ ਦਾਸ ਸੀ, ਅਤੇ ਉਹ ਆਪਣੇ ਮਾਲਕ ਨੂੰ ਬਿਨਾਂ ਦੱਸੇ ਭੱਜ ਗਿਆ। ਉਨ੍ਹਾਂ ਦਿਨਾਂ ਵਿੱਚ ਇਹ ਕਾਨੂੰਨ ਸੀ ਕਿ ਜਿਹੜਾ ਦਾਸ ਭੱਜ ਜਾਂਦਾ ਹੈ, ਉਸ ਨੂੰ ਕੋੜਿਆਂ ਨਾਲ ਕੁੱਟਿਆ ਜਾਂਦਾ ਸੀ ਅਤੇ ਸਲਾਖਾਂ ਦੇ ਪਿੱਛੇ ਸੁੱਟਿਆ ਜਾਂਦਾ ਸੀ।

ਉਨੇਸਿਮੁਸ, ਜਿਹੜਾ ਫਿਲੇਮੋਨ ਕੋਲੋਂ ਭੱਜ ਗਿਆ ਸੀ, ਰੋਮ ਚਲਾ ਗਿਆ, ਉਸ ਸਮੇਂ ਜਦੋਂ ਕਿ ਪੌਲੁਸ ਰੋਮ ਵਿੱਚ ਕੈਦ ਸੀ। ਪਰਮੇਸ਼ੁਰ ਦੀ ਕਿਰਪਾ ਨਾਲ, ਅਤੇ ਪੌਲੁਸ ਦੀ ਸੇਵਕਾਈ ਦੇ ਦੁਆਰਾ, ਉਨੇਸਿਮੁਸ ਨੇ ਆਪਣੀ ਮੁਕਤੀ ਪ੍ਰਾਪਤ ਕੀਤੀ। ਦੇਖੋ ਕਿ ਜਦੋਂ ਉਹ ਮਸੀਹ ਵਿੱਚ ਆਇਆ ਤਾਂ ਉਹ ਕਿਵੇਂ ਬਦਲਿਆ ਅਤੇ ਉੱਚਾ ਹੋਇਆ। ਜਿਹੜਾ ਪਹਿਲਾਂ ਕਿਸੇ ਕੰਮ ਦਾ ਨਹੀਂ ਸੀ, ਹੁਣ ਉਹ ਪ੍ਰਭੂ ਦੇ ਲਈ ਅਤੇ ਨਾਲ ਹੀ ਰਸੂਲ ਪੌਲੁਸ ਦੇ ਲਈ ਵੀ ਬਹੁਤ ਲਾਭਦਾਇਕ ਹੋ ਗਿਆ ਹੈ। ਕਿਉਂਕਿ ਉਹ ਪ੍ਰਭੂ ਦੇ ਪਰਿਵਾਰ ਦੇ ਨਾਲ ਜੁੜ ਗਿਆ ਸੀ, ਇਸ ਲਈ ਉਸਨੂੰ ਪਰਮੇਸ਼ੁਰ ਦੇ ਪੁੱਤਰ ਦੇ ਰੂਪ ਵਿੱਚ ਬੁਲਾਏ ਜਾਣ ਦਾ ਵੀ ਸਨਮਾਨ ਪ੍ਰਾਪਤ ਹੋਇਆ ਸੀ। ਜਦੋਂ ਪੌਲੁਸ ਉਸ ਦੇ ਬਾਰੇ ਲਿਖਦਾ ਹੈ ਅਤੇ ਕਹਿੰਦਾ ਹੈ: “ਮੈਂ ਆਪਣੇ ਬੱਚੇ ਉਨੇਸਿਮੁਸ ਦੇ ਲਈ ਜਿਸਨੇ ਕੈਦ ਵਿੱਚ ਮੇਰੇ ਤੋਂ ਜਨਮ ਲਿਆ”(ਫਿਲੇਮੋਨ 1:10)।

ਕਿਉਂਕਿ ਰਸੂਲ ਪੌਲੁਸ ਨੇ ਦਰਦ ਵਿੱਚ ਮਿਹਨਤ ਕੀਤੀ, ਇਸ ਲਈ ਜਦੋਂ ਤੱਕ ਉਨੇਸਿਮੁਸ ਵਿੱਚ ਮਸੀਹ ਦੀ ਸੂਰਤ ਨਾ ਬਣ ਜਾਵੇ, ਤਦ ਤੱਕ ਉਹ ਉਸਨੂੰ ਆਪਣਾ ਪੁੱਤਰ ਕਹਿੰਦਾ ਹੈ”(ਗਲਾਤੀਆਂ 4:19)। ਜਦੋਂ ਕਦੇ ਤੁਸੀਂ ਕਿਸੇ ਪਾਪੀ ਜਾਂ ਦੁਸ਼ਟ ਵਿਅਕਤੀ ਨੂੰ ਪ੍ਰਭੂ ਵਿੱਚ ਲੈ ਜਾਂਦੇ ਹੋ, ਤਾਂ ਕੀ ਤੁਸੀਂ ਉਨ੍ਹਾਂ ਉੱਤੇ ਪਿਤਾ ਦੇ ਵਾਂਗ ਪਿਆਰ ਬਰਸਾਉਂਦੇ ਹੋ? ਕੀ ਤੁਸੀਂ ਉਨ੍ਹਾਂ ਦੇ ਲਈ ਆਪਣੇ ਦਿਲ ਵਿੱਚ ਇੱਕ ਬੋਝ ਦੇ ਨਾਲ ਪ੍ਰਾਰਥਨਾ ਕਰਦੇ ਹੋ ਅਤੇ ਮਸੀਹ ਵਿੱਚ ਲੈ ਜਾਂਦੇ ਹੋ? ਕੀ ਤੁਸੀਂ ਸੱਚਮੁੱਚ ਉਨ੍ਹਾਂ ਦੀ ਆਤਮਾ ਦੀ ਭਲਿਆਈ ਵਿੱਚ ਦਿਲਚਸਪੀ ਰੱਖਦੇ ਹੋ?

ਜਦੋਂ ਕੋਈ ਮਸੀਹ ਵਿੱਚ ਦਾਖ਼ਲ ਹੁੰਦਾ ਹੈ, ਤਾਂ ਉਹ ਇੱਕ ਨਵੀਂ ਰਚਨਾ ਵਿੱਚ ਬਦਲ ਜਾਂਦਾ ਹੈ, ਅਤੇ ਸਾਰੀਆਂ ਪੁਰਾਣੀਆਂ ਚੀਜ਼ਾਂ ਖਤਮ ਹੋ ਜਾਣਗੀਆਂ। ਇੱਕ ਨਿਕੰਮਾ ਆਦਮੀ ਇੱਕ ਲਾਭਦਾਇਕ ਵਿਅਕਤੀ ਵਿੱਚ ਬਦਲ ਜਾਂਦਾ ਹੈ। ਉਸਦਾ ਪੁਰਾਣਾ ਜੀਵਨ ਬਦਲ ਜਾਂਦਾ ਹੈ ਅਤੇ ਉਹ ਇੱਕ ਨਵੀਂ ਰਚਨਾ ਬਣ ਜਾਂਦਾ ਹੈ, ਠੀਕ ਉਸੇ ਤਰ੍ਹਾਂ ਹੀ ਜਿਵੇਂ ਕਾਨਾ ਦੇ ਵਿਆਹ ਵਿੱਚ ਪਾਣੀ ਦਾਖ਼ਰਸ ਵਿੱਚ ਬਦਲ ਗਿਆ ਸੀ। ਅਤੇ ਇਸ ਤਰ੍ਹਾਂ ਦੀ ਗਵਾਹੀ ਰਸੂਲ ਪੌਲੁਸ ਨੇ ਉਨੇਸਿਮੁਸ ਦੇ ਬਾਰੇ ਦਿੱਤੀ ਸੀ।

ਪਰਮੇਸ਼ੁਰ ਦੇ ਬੱਚਿਓ, ਯਾਦ ਰੱਖੋ ਕਿ ਪਰਮੇਸ਼ੁਰ ਨੇ ਤੁਹਾਡੇ ਨਾਲ ਕਿਵੇਂ ਪਿਆਰ ਕੀਤਾ ਸੀ। ਉਸਨੇ ਤੁਹਾਨੂੰ ਬਦਲ ਦਿੱਤਾ ਹੈ – ਜੋ ਪਹਿਲਾਂ ਪਾਪ ਅਤੇ ਸੰਸਾਰ ਦੇ ਗ਼ੁਲਾਮ ਸੀ, ਇੱਕ ਅਜਿਹੇ ਵਿਅਕਤੀ ਵਿੱਚ ਜਿਹੜਾ ਬਹੁਤਿਆਂ ਦੇ ਲਈ ਲਾਭਦਾਇਕ ਹੈ। ਅਤੇ ਜਦੋਂ ਤੁਸੀਂ ਲਾਭਦਾਇਕ ਸਿੱਧ ਹੋ ਜਾਵੋਂਗੇ, ਤਦ ਪ੍ਰਭੂ ਤੁਹਾਨੂੰ ਹੋਰ ਉੱਚਾ ਉਠਾਵੇਗਾ, ਅਤੇ ਤੁਹਾਨੂੰ ਭਰਪੂਰ ਬਰਕਤਾਂ ਦੇਵੇਗਾ।

ਅਭਿਆਸ ਕਰਨ ਲਈ – “ਕੀ ਕੋਈ ਮਨੁੱਖ ਪਰਮੇਸ਼ੁਰ ਲਈ ਲਾਭਦਾਇਕ ਹੋ ਸਕਦਾ ਹੈ? ਸੱਚ-ਮੁੱਚ ਸਿਆਣਾ ਮਨੁੱਖ ਵੀ ਆਪਣੇ ਹੀ ਜੋਗਾ ਹੈ”(ਅੱਯੂਬ 22:2)।