Sep 30 – MOROM KORIBI JANWARKHAN KE!

Proverbs 12:10 “ekta dharmik manu samman kore jibon tai laga janwar khan laga bi”.

Bishi chiriya khan ase, janwar khan aru alag jontu khan apuni laga aas paas te. Kuchis koribi dikhabole apuni laga morom aru raksha koribi itu jontu khan ke apuni kiman pare utu tok. Pobitro kotha te koi ki ekta dharmik manu samman kore aru raksha kore jibon tai laga janwar khan laga. Isor pora nirmaan korishe bishi janwar khan ke  manu khan ke modot hobole. Guru khan por diye dudh, bail khan pora haal mar ate modot kore, aru bhari thela khan ke tanib ole.

Kunba kutta khan bishi hoshiyar thake tai khan laga dimag te aru bachai chutu bacha khan ke nuksan daik stithi pora. Tai khan ghor laga rakhwali bi kore aru dikhai tai khan laga morom aru tai khan dhonyobad as eke jonai.

Janwar khan kotha kobole napare, hoilebi tai khan ami khan ke morom kori thake. Jitya Isor icha korishe khana dibole nabi Elijah ke, Tai nirnay loishe ki tai khana potha kowa khan pra manu khan pora nahoi. Kowa khan pora anishe khana Elijah ke hodai phujir aru sham te, aru poshan dishe Isor laga Nabi ke.

Isor pora tayar korishe ekta dangor maas gilidibole Jonah ke. Jonah ke tai pora gili dile bi, tai pora Jonah ke tate thik hi rakhishetin din karone aru tin rati karone. Aru jitya Isor pora kotha korishe maas ke, tai pora ulti kori dishe Jonah ke sukha mati te, narukhi kene. Jitya chela paul mana korishe Isor ke, murgi hala korishe sahi homoi te, tai ke hosh te anibole.

Jitya tate mang thakishe mondir laga kar(tax) uthabole Jisu aru Peter pora, utu thik kimat tu hoile maas laga muk te paishe. Itu nishina hi, hazarta chiriya khan aru janwar khan utsuk ase pabo ekta mauka apuni khanke  seva kori dibole.

Jitya nabi Balaam marishe tai laga gadha ke biya pora, Isor laga duth majete ahi kene hudishe taike, “kile apuni mari ase apuni laga gadha ke tin baar? (Numbers 22:32). Isor laga duth pora ginti bi kori thakishe kiman baar Balaam pora marishe tai laga gadha ke. Itu pora apuni khan bujibole pare kiman morom kore Isor laga duth por ajanwar khan ke. Utu gadha tu bishi biya stithi te thakishe. ekta phine Isor laga duth khara kori thakishe rasta te tai laga talwar loi kene; aru dusra phine tai laga malik balaam, jun hi iman daya nathaka. Jitya tai gadha ke mari thakishe, tai mukh khuli kene Balaam ke koishe, “ki ami apuni laga gadha nahoi juntu te apuni uthi ase, jitya pora ami apuni laga hoishe, aji laga din tok? Ki ami kityabi bi inika koribo apuni logote koi kene thakishe naki? “ (Numbers 22:30). Isor laga bacha khan, morom koribi janwar khan ke aru daya dikhabi tai khan ke.

Aji bhabna koribole laga porbitro kotha te tu hoile Psalm 136:25 “Isor jun hi khana diye sob janwar khan ke, Tai laga daya karone, ki koile Tai laga daya hodai din karone ase.”