Sep 30 – ADBHUT SANGHARSH!

Genesis 32:28 “aru Tai koishe, “Apuni laga naam ke aru namatibo Jacob, hoilebi Israel; kilekoile apuni sangharsh korishe Isor logote aru manu logote, aru jitishe”.

Jitya Jacob bitaishe rati ke kile te Jabbok laga, tai kitya bi bhabna koranai chehra pora chahra ke dikhibole Pormeshwar ke. Tai iman age pora bhorta thakishe bhabna khan logote lok pabole tai laga bhai Esau ke, aru kinika tai chehra dikhkabo tai ke sob anyay kora pichete atit laga homoi te.

Hoilebi adbhut hoishe, kilekoile Isor Nijor hi lok korishe Jacob ke utu jaga te. Aru Jacob pora utu avsar ke ani chari diyanai; hoilebi sagharsh Isor  logote aru koishe. “ami Apuni ke jabo nadibo jitya tok Apuni ami ke ashirbaaad nadiye!” utu rati ekta dangor ghura laga  jaga thakishe Jacob laga jibon te. Jacob ke bonishe Isarel. ‘chalbaaz’ bonishe ‘ Rajkumar Pormeshwar logote’. Jacob aru khali ekta vyakti thakanai hoilebi bonishe ekta dangor jabti dsh nimite. Kiman zaroori ase itu cholabole iya laga avsar ke!

Judi bi apuni sangharsh kore Isor logote aru prathana pura rati te,itu pora hatai dibo sob samasya khan apuni laga jibon laga. Sob samasya khan juntu khara hoi dangor pahar nishina apuni laga agete, phigli jabo barap nishina suraj nichete. Sob apuni laga bikh khan aru samasya khan harai jabo. “judi apuni biswas koribo apuni dikhibo mahima ke Isor laga” (John 11:40). Judibi apuni ke ase biswas sorso dana nishina, pahar khan hilijabo aru phelai dibo hagor ke.

Tate ekta akha nokore bodlav thakishe stithi khan jibon te Saul laga. Ekta icha logote atyachar koribole aru dhamki ibole chela khan ke Isor laga, tai nijor laga rasta te thakishe, ekta chiti logote uncha pondit pora, toh tai anibole Isai khan ke Jerusalem te. Aru tai akha nakorora mel hoishe Isor logote rasta te Damacus laga.  Isor ghuraishe Saul ke Paul te,a ru cholaishe tai ke ekta chuni loa sadhan hisab te likhibole chaudho ta epistles khara korabole Girja ke. Kiman bi ahurit ghuraidiya rasta ase!

Jitya ekta naukar Isor laga upwas loi aru prathana kore, achanak ekta duth isor laga tai ke chui. Utu homoi te hi pura gor bhorta hoi achurit swargo gun logote. Tai bhorta hoi achurit shakti loote, juntu tai bordasht koribo napare. Utu din popra tai khas abhisekh thake tai laga manatralaya te, khedabole biya atma khan ke. Itu ekta dangor guraidiya rasta thakishe tai laga jibo te aru mantralay te utu Isor laga naukar nimite.

“Isor nadikhai iku pakshpath” (Acts 10:34). Tai dur binai ami khan  pora (Acts 17:27). Tai koribo adbhut saman khan apuni dwara. Apuni sadharan manu nahoi, hoilebi ase khas, chni loa aru sonmani sadhan hath khan te Isor laga.

Aji dhyan koribole laga pobitro ktoha tu hoile Micah 7:15 “din khan te jitya apuni ahe bahar Egypt laga mati pora, Ami dikhabo taikhan ke adbhut kaam khan”.