Sep 27 – HINGO!

Daniel 6:20 “Daniel, naukar jinda Isor laga, ase apuni laga Isor, junke apuni seva kore narukhi kene, bachabole parishe apuni ke hingo khan pora?”

Tai laga din khan te, manu khan pora hudishe Daniel ki judi tai laga Isor bachabole paribo tai ke hingo khan pora. Aji, judi manu khan apuni ke hude utu sawal, ki thakibo apuni laga jawab?

Itu kotha ‘hingo’ dikhai charta alag alag manu ke pobitro Kotha te. Poila, itu ekta naam diya laga ase satan ke. Pobitro kothate koi, “hobi shanty, hobi hoshiyar; kilekoile apuni laga dushman satan berai ekta garjan kora hingo nishina, bisare junke tai khabo paribo” (1 Peter 5:8). Biya manu khan ki bi tulna kore hingo khan logote. Ami khan pore pobitro kotha te, “apuni ami laga shikar kore ekta tagot thaka hingo nishina, aru dubara apuni dikhai nijor ke bhal ami laga khilaf te” (Job 10:16).

Utu homoi te, hosa laga manu khan ke bi tulna kore hingo logote. Pobitro kotha te koi, “biya khan polai, jitya kun bi nabisare, hoilebi hosa khan tu sahasi thake hingo nishina” (Proverbs 28:1). Ami khan laga Isor Jisu Krista bi hingo nishina hi ase, aru Tai ke mate ‘Juda laga Hingo’ (Revelation 5:5).

Aji, bishi biya manu khan khara kore apuni laga khilaf te hingo nishina. Apuni khan dukh pai thakibo mon te ki apuni khara kori ase tate ekla iman bishi hingo khan laga majete. Bishi utu biya hingo khan garaji thakibo apuni laga khilafte aru bisari thakibo rasta apuni ke khabole.

Ami khan itya sabo ki kinika ami khan laga Isor bachai ami khan ke utu bhayanak hingo khan pora. Sobse poila, jitya apuni khan seva kore Isor ke narukhi kene, ki seva hi ane maujudgi Isor laga aru bandhe mukh ke hingo khan laga  (Daniel 6:20).

Dusra, jitya hingo khan gajrabo apuni laga khilafte, Tai pothai Tai duth khan ke aru bondh kori dishe mukh khan hingo khan laga (Daniel 6:22). Hosabi, ami khan laga Isor bandhe tai khan laga mukh ke Tai laga duth khan pora.

Tisra tu hoile, jitya sarva shakti Prabhu, niche ahe ekta hingo nishina Judah laga jati, mukh khan sob alag hingo khan laga bondh kori dishe (Revelation 5:5). Aru chautha, apuni laga biswas bandhe mukh  hingo laga. Pobitro kotha te koi, “biswas pora jun bonaishe rajyo khan ke, kaam kore hosa laga, pai kosom khan, bondh kori dishe hingo laga mukh khan.

Isor laga bacha khan, chinta nakoribi hingo khan laga. Jinika Daniel, apuni khan kobo lage apuni laga biswas ke taan pora, ki Isor pora pothaishe Tai laga duth khan  pora bondh kore mukh hingo laga.

Aji bhabna koribole laga pobitro kotha tu hoile psalm 91:13 “apuni khan chipai dibo hingo aru saap ke, utu chutu hingo aru utu saap ke apuni chipabo theng nichete.”