Sep 27 – ADBHUT NOTUN MANU!

“titya Atma Isor laga ahibo apuni uporte, aru apuni kobo bhavishwani tai khan logote aru hobo bodli alag manu te”.

Purana Niom te, ami khan dikhe Saul ke pura bhorta hoi kene bisara te tai laga baba laga gadha khan ke, juntu haraishe. Hoilebi Isor icha korishe tai ke abhishekh koribole tai ke ekta raja ke Israel laga.

Tai aru tai laga naukar jaishe nabi Samuel logote, koi kene ‘Seer’ jankari lobule harija gadha khan ke. Pobitro kotha te koi, “titya Samuel ekta jar loishe tel laga aru dhalishe tel tai laga hath te aru chuishe tai ke aru koishe: “itu nahoi ki kilekoile Isor pora chunishe apuni ke commander Tai laga uttaradhikar te?” (1 Samuel 10:1).

Itu ase hosa  bi adbhut aru achurit. Saul janai tate pabole itu abhishekh ke Isor laga, nahoilebi itu atmakarik anubhav karone. Tai pura bhorta thakishe gadha laga chinta pora. Hoilebi Isor adesh dishe ekta dangor ghura laga rasta tai laga jibon te, utu homoi te. Abhishekh kora tel ke dhali she tai laga matha te,aru Atma Isor laga ahishe Tai uporte mahaanta pora. Titya tai shuru korishe bhavishwani koribole aru guraishe ekta notun manu te. Aji bi, Isor icha kore adesh dibole ekta ghurai diya laga rasta ke apuni laga jibon te bi.

Isor koi, “kintu Ami laga bhabna khan nahoi apuni laga bhabna khan, na apuni laga rasta ase Ami laga rasta,” koio Isor pora” (Isaiah 55:8). “kintu jinika swarg khan ase uncha prithii pora, inika ase Ami laga rasta uncha apuni pora, aru Ami laga bhabna khan apuni laga bhabna pora” (Isaiah 55:9)isor laga bacha khan, Isor ase mahan ashirbaad koribole aru uncha koribole apuni ke, iman aghe kiman apuni bhabna koribole para aru prathana  kora pora bi.

Abhishekh Isor laga gurabo apuni ke ekta notunmanu te. Titya apuni bi paribo uthi bole aru kahra hole Isor karone Elisha nishina, Elijah nishina, Peter nishina aru John aru Paul nishina. Apuni ase chuni loa sanjuli hath te Isor laga anibole itu gushti ke Tai laga bhanj; aru hilabo desh khan ke Tai karone.

“hoilebi apuni pabo shakti ke jitya Pobitro Atma ahibo apuni uporte;a ru apuni hobo gawahi Ami karone Jerusalem te, aru sob Judea te aru SAmaria te,aru hekh tok prithibi laga” (Acts 1:8).

Isor laga bacha khan, jitya apuni pai itu abhishekh ke, itu pora anibo anginaT shakti apuni te; aru sob mel ke bhangai dibo; aru apuni mukti pabo sob bhar khan pora. Aru apuni ghurabo ekta adbhut notun manu te.

Aji dhyan koribole laga pobitro ktoha tu hoile Isaiah 64:8 “hoilebi itya O Isor, Apuni ase ami laga Baba; ami khan ase mati, aru apuni ase ami khan laga kumar; aru sob ami khan ase kaam Apuni laga hath laga”.