Sep 25 – ACHURIT ABHAN!

Judges 6:12 “aru duth khan Ispor laga dikha dishe tai ke,a ru koishe tai ke, “Isor ase apuni logote, apuni tagot manu veerta laga!”

Jitya ami khan poila porhe Gideon laga kotha ke, ami khan dikhe tai ke ekta darpok koi kene; junk e ase nich kotha nijor laga aru bhoi te thaka. Ami khan dikhe tai ke jhari thaka gehu ke, bachibole karone midianites khan pora.

Hoilebi duth Isor laga dikha dishe tai ke, ekta bhabna nakora homoi te,a ru mate taike ekta ‘tagot manu veerta’ laga koi kene. Itu iman bi achurit abhan ase. Ami khan Isor ase Tai jun bodli koribo pare ekta darpok ke ekta tagot manu te; ekta paapi ke dharmik manu te. Itu achurit ase ki Isor chunishe Gideon ke, jun bhabna korishe tai laga jati ke- Manasseh , ke sobse nich jati Israel te.

Isor nasai apuni ke manu laga bhabna te. Tai laga anugrah aru daya, gurai apuni ke ekta manu te jun koribo tagot kaam khan isor karone. Isor bodli korishe Peter ke jun mana korishe Tai ke agete maiki naukar laga, ekta tagot chela te.  Tai bodlaishe chela khan ke jun khan thakishe bhoi pohu nishina, ekta bahadur kutta te. Isor pora puhor koribo joli thaka aag ke; aru tagot koribo komjur ghutna ke. Aru Tai achurit pora bodli koribo apuni laga jibon.

Jitya tai saishe tukra ke kala pathor laga, ekta jana murti bonai diya manu icha korishe bonabole ekta samaan ke utu pathor pora. Aru tai laga chenni  aru martol loi kene, tai joldh hi bodli korishe itu ke ekta achurit duth te,a ru itu hosabi thakishe achurit.

Itu nishina hi, Isor pora bodli korishe Gideon ke ekta tagot manu te veerta laga,a ru cholaishe tai ke harabole midianites khan ke. Aru tai dwara, tai shikhaishe ekta mulayavaan sabak ki itu nabhoi tagot pora nahoilebi shakti pora, hoilebi Atma pora Isor laga duth khan laga (Zechariah 4:6)

Jitya apuni diye isor ke, titya Tai pora nirmaan koribo achurit ghurai diya laga rasta,a ru koribo achurit apuni laga jibon te bi.

Jitya Peter jun dhuribo paranai iku maas bi jaal phelai kene pura rati bi, dishe Isor ke aru dhalibo dishe tai laga jaal ke gehrai te, tai dhurishe ekta dangor ginti laga maas ke, iman tok ke jaal bhangi jabole laga. Aru utu ghatna thakishe dangor ghurai diya laga rasta jibon te Peter laga. Itu thakishe titya ki isor dishe Tai laga achurit abhan ke peter  ke, aru koishe “itya pora apuni dhuribo mamnu ke” (Luke 5:10). Isor laga bacha khan, Isor  pora dibo apuni ke inika dangor aru achurit abhan ke;a ru apuni laga jibon  bodli hobo pura.

Aji dhyan koribole laga pobitro kotha tu hoile Psalm 136:4 “Tai ke jun ekla kore dangor achurit ke, kilekoile Tai laga daya thake hodai din karone”.