Sep 23 – RAKSHAN PAYER BALAVNI

Luka 19:9 Jana Yesu- Aaj yee gharena rakshan ayocha, yee sada Abrahamer beta cha.

Mathai 1:21 vachaner prakar Yesu kajako namen vu vor jannena vunder papemathi rakshan karacha kan aratham cha. Hava kanna Yesu Christhuj thar gharema vassu karachako janna thar ghareval seji rakshan palacha.

Juno Kararer bhaktidar Nova vor katmalen kuko yek vo panir rungalimathi rakshan karlido. Jethij Hebrivalun 11:7 Viswasethi Noha, vujji dakayokoni jervadi Dever dalkarnina palen dhakethi bhakthithi vor katmalena rakvaali karan, viswasethi vajako niyathena haasodhar vego Kan vanchacha.

Prabhu Nohar vumpar daya dakalan vor katmalen rakshan kido kan Aposthaler Kam 2:39 yee bachan thamenan, thamar beptanan, apaner Dev Prabhu balavajako ghanamer heryekeni chakan kacha. Vuj Aposthaler Kam 16:31 vachanema Prabhu Yesu Christhun viswas kar, Jana thun thar katmaler sey rakshan pavacha kan dekacha.

Prabhu yee Jakkayar gharen rakshan dino Jana vu yek niyath chenijako kan reda ghan pap kidojako kan reda dekanaju, yee Abrahamer beta Kan balayo. Juno Kararer dadema Yisraeleval vo payejako ashis seji vunder vad budo vethojako Abrahamer vadithij palde. Kassen katho yee Abraham vor valadevalen sunnathi vadithi yek karar Devethi karan Dever dosthidhar vego. Yeej Abrahamer peedimathi aayojako Yesu Christhur valadeval yee jagepar asmaner tharar nai phelan jhankrecha.

Vo dademaj bapthis Yohan yek navvo valader bagey malam kido kan Mathi 3:9 Dev ye bhatathi Abrahamena bepta peda karevalo cha Kan ko. Katho vu valad kunasa? Kan sos karatho gojako dadema bhatana vigrahana araadhana karrethe jako apanenaj kerocha. Yeej Jakkayya vor jeevanema gojako dadema jannepar kaklothi cheniju, sunkam vasool karer athra bhata sarik dall vethi kaiko. Jethi Dev yee Jakkayyana Abrahamer beta dakal dekan, yee dharthipar bhata sariko chajen asmaner tharar nai badlanako

Luka 13:16, attar varsethi bhuth daabmelojako yadin dekan kai ko? Yidekm18 varser bhuth daabmelojako yee Abrahamer betina, sabbath dadema bhandavnithi choder chenika? Kan ko. Yetha Yesu Prabhuj Abrahamer beta, Jakkayyani Abrahamer beta kanan, vu 18 varser bhandamli jako yadi sada Abrahamer beti Kana balayo. Yee Yesu Prabhur bhayir nai rethanu Abrahamer vadithi avajako sey ashisen yeej Yesu Christhur valadevaler nai badlajaan payero kathra moto nasheeb malich kunika.

Ajji jada dhyan karen pado  Galathivalun 3:7 Jethi viswaseval kunko voj Abrahamer bepta cha Kan tham malam karlo.