Sep 23 – AMI POTHAISHE APUNI KE EKTA BHERA NISHINA!

Matthew 10:16 “Thakibi, Ami pothaishe apuni ke ekta bhera nishina shiyal khan laga majete.”

Atheist khan laga ekta conference te, sob speaker khan gussa hoi kene jhagra lagi thakishe  ki kile sob manu khan mani bo lage tai khan laga kotha ke aru ki kun bi Isor nai. utu homoi te, ekta biswasi Isor laga, jaishe stage te aru koishe: “iman deri tok apuni bishi jhagra korishe apuni laga tez dimag pora. Ami ke ekta sadharan sawal hudibole dibi. Judi bi pura prithibi khai ase mutton ke, kile bhera aru saguli khan khotom hunai aru itu laga ginti pura khotom hoi janai?”

Itu sawal huda pichete, tai utu laga jawab inika dibole korishe: “bhera khan iman komjur ase ki nijor laga bachav koribole najane. Itu saap nishina zeherila nahoi, nahoile bi kutta nishina nakamure. Tai lat namare  gadha nishina tai khan laga dushman ke nahoile ram nishina tai laga shing logote. Tai dank bi nai bichoo nishina nahoilebi hur ekta hathi nishina. Tai iman komjur ase hoilebi dushman khan bishi thake. Apuni khan manibo ki manu pora hi bhera laga bachav  kore. Hoilebi, ki pora rokhai bhera ke khotom hoi jabole manu pora napala agete bi? Itu laga karan tu hoile Isor hiase, jun pora nirmaan korishe tai khan ke aji bi jinda ase.”

Jitya isor pora pothaishe Tai laga chela khan ke mantralay te, Tai koishe, “thakibi, Ami pothai ase apuni bhera khan nishina shiyal khan laga majete.” Hoilebi Isor hi tai khan laga c harwaha thakishe, tai khan iku te bi napungcha thakishe.

Isor Jisu tai khan ke koishe, “jitya Ami apuni ke pothaishe poisa laga theli nadi kene, nahoile bi saman laga theli aru chappl khan, iku bi napungcha thakishe?” toh tai khan koishe, “iku bi nahoi.”  (luke 22:35).

Jitya apuni poila girja khan te, tai khan bishi dushman thakishe, jun bhabna korishe biswasi khan, hobo dangor kaam hobo Isor laga. Jews khan ahishe Christians  khan laga khilaf te iman gussa te. Raja Herod bi iman than loishe morabole Krista ke.

Itu ekla nahoi. Raja Nero laga homoi te, girja khan bishi dukh pora guzri se. judi bi jitya raja icha korishe uthai dibole aru khotom kori dibole sob Christians khan, tai khan itu koribole paranai. Itu karon hi dangor Charwaha juntu chutu hisab te biswasi khan thakishe. Isor nijor hi ahram dishe tai khan ke, bachai she tai khan ke aru hobole dishe tai khan ke ginti barhabole.

Isor laga bacha khan, kilekoile Isor hi apuni laga charwaha ase, apuni khan kitya bi komti nahobo iku bhal saman khan te bi.

Aji bhabna koribole laga pobitro kotha tu hoile Isiah 41:13 “kilekoile Ami, Isor apuni laga Parbhu, pora dhuribo apuni laga dahina hath ke, koi kene apuni ke, ‘bhoi nakoribi, Ami apuni ke modot koribo’”.