Sep 22 – PHELI JA BHERA

Matthew 18:12 “ki bhabna kore apuni? Judi ekta manu 100 ta bhera ase, aru ekjon alag jai, ki tai nachare 99 ke aru jai pahar te sabole taike jun alag jai ase?”

Bhera khan asurakshit thake aru tai khan nijor laga bachav koribo napare tai khan laga dushman  pora. Sob tai laga dushman khan – sher, bhaluk, bagh aru shiyal khan  – bishi khatarnak thake. Itu khan thakile bi, bhera khan ginti barhai 10 guna tezi te tai khan laga bacha khan pora, tai khan laga dushman ke tulna kora te.

Kilekoile itu susth adot pora, tai khan harai jai tai khan laga charwaha pora, charania ke sai kene. Aru kunuba khan harai jai jongol te. Aru kunba khan tu harai jai tai khan laga jhundh  pora. Aji laga din te bi, manu khan bhabna nakore narak laga aru hagor jui laga, aru icha kore tai khan laga mon hisab te hodai din nathaka laga icha khan pichete. Taike dhuri kene rakhi she drugs aru mudu khan pora aru bhorta korishe bishi lobh khan pora.

Pobitro kotha te koi, “ami khan sob bhera nishina alag rasta jaishe; ami khan ghurishe, sob, nijor rasta te; aru isor pora Taite rakhishe sob biya khan kea mi khan laga” (Isaiah 53:6). Jitya Isor Jisu Krista thakishe krus te, tai sob jansankhya ke sabole pare itu prithibi laga bhera nishina pheli kene. Aru Tai utu khan uporte morom hoishe

Ki uddesh thakishe Isor Jisu laga niche prithibi te aha? Pobitro Kotha te koi, “kilekoile Lora manu laga ahishe bisaribole aru bachabole juntu hari kene thakishe” (luke 19:10). Tai ahishe bisari kene hari jaa bhera khan aru pheli ja bhera khan. Aru milai she notun bachi jaa girja ke hodai din , anibole sob ke Tai laga hath te anibole.

Bhal charwaha khan bisare tai laga bhera ke. Tai khara kore nichai hua te aru dekhbhal kore tai laga hhera laga. Tai jhijak nakore dibole tai laga jibon ke bhera khan nimite. Jitya adam paap korishe aru lukai thakishe gash laga bhitorte, hoilebi isor pora chari diyanai. Hoilebi, tai khali ahishe bisaribole  tai ke aru matishe Adam koi kene, morom lagi kene aru koishe, “kote ase apuni?”.

Aji laga din te bi, Tai ahishe bisari kene aru narukhi sai jun khan hi piche jai biswas pora aru jai Tai pora durr.  Isor pora koi, “kinika ami apuni ke dibo, Ephraim? Kinika ami apuni laga hath ke dibo, Israel? Kinika  ami apuni ke bonabo Admah? Kinika ami rahibo apuni ke Zebolim nishina? Ami laga mon .dabi ken ease ami te; ami laga daya tu ghuli ase” (Hosea 11:8).

Isor laga bacha khan, apuni ke bisare ekta bhera nishina hath te Isor laga? Nahoile bi apuni  jabo ppoila laga stithi te? Aji laga din te bi, Isor ahi ase apuni ke bisari kene bishi morom pora. Polabi tai laga anugrah te aru bachibi.

Aji bhabna koribole laga pobitro kotha tu hoile John 10:27 “ami laga bhera hunibi ami laga awaz, aru Ami jane tai khan ke, aru tai khan piche kore ami laga.”