Sep 21 – BHERA JUNTU MUKH NAKHULE!

Isaiah 53:7 “tai ke dabai rakhishe aru Tai ke jokhom korishe, hoile bi Tai khulai tai laga mukhk”.

Ami khanke dangor pora chuishe itu shanth pora aru chutu hua Isor laga. Jitya Tai ke dabaishe aru jokhom korishe, Tai kityabi khulanai Tai laga mukkh. Tai kuchis koranai agete rakhibole Tai laga stithi ke nahoile nijor ke bachav kora Tailaga hosa te. “Tai ke loi jaishe ekta memna nishina morabole, aru ekta  bhera nishina jun chup thake tai khan laga samne te jun unn ulai thake, toh tai khula nai Tai laga mukh ke” (Isaiah 53:7).

Ekta nirmaan kora laga majdoor thakishe jun hi  itya hi Jisu Krista ke loishe tai laga rakshak hisab te. Jitya kaam korishe thakishe ekta uncha imarat te, tai philishe aru girishe tate pora. Hoilebi itu ekta dangor sanyog thakishe ki ekta saguli khara kori thakishe utu jag ate jote tai girishe. Hoilebi jitya utu saguli ke chipai dishe mora te, utu majdoor tu bachishe kilekoile tai utu saguli laga gau te girishe.

Tai janishe ki tai ke bachai diya tu tai laga rakshak hi ase Swarg laga Memna, Isor Jisu aru dhonyabaad kurishe aru Tai ke mahima dishe. Itya ki sob korishe swarg laga Memna, bhugishe ami khan laga jagate? Ami khan bhabna korisbo tai khan te itu Pobitro kotha te sai kene. Tai loishe ami khan laga paap khan ke (Isaiah 53:12). Tai bhugishe ami khan laga napungcha ke (Isaiah 53:6) tai bhugishe ami khan laga dukh khan ke (isiah 53:4). Tai nijor te loisjhe ami khan laga kamjuri khan ke aru bhugishe ami khan laga bimar khan ke (Matthew 8:17). Tai bhugishe ami khan laga shrap khan ke aru bonishe shrap ami khan karone (Galatians 3:13). Ami chipaishe Taike. “hoilebi Tai jhokjhom hoishe ami khan laga galti khan nimite, Tai ke phulaishe jokhom pora ami khan laga paap khan nimite” (Isaiah 53:5). Isor baba pora hi icha korishe phulabole jhokhojm pora aru dukhk dibole taike (Isaiah 53:10).

Sabi joseph ke Purana Niom te. Judi bi tai nijor laga kapra ke harabole ulaishe, tai paap koribole mana korishe aru polaishe sharirik porikha pora. Tai laga kapra hi bodli she ekta saboot te tai laga dushman khan laga hath te, joseph laga khilaf te. Jitya taike dhurishe inika stithi te ekta anjan mati te, tai ke hamla koribo thakishe sau ta manu khan pora. Titya  bi, tai nijor laga gawahi diyanai nahoilebi bachav koranai. Tai sob misa khan ke nijor laga uporte loishe chuppite, aru dishe tai laga sob hosa ke aru nyay ke Isor te. Aru Isor pora taike uthai dishe. Pobitro kotha te koi, “utu homoi nahua tok ki Tai laga kotha ahishe par hobole, isor laga kotha taike porikha loishe” (psalm 105:19).

Isor laga bcha khan, bishi baar apuni laga mon manu khan ke iljam dibole mon jai.apuni lag auth kobole mon jai aru bachav koribole mon jai apuni laga hosa ke. Utu sob homoi te, sabi Isor Jisu Krista te, aru shikhibi chup thakibole. Jitya apuni chup thake, Isor pora hi apuni ke bachav koribo apuni laga stithi te aru Tai pora hi apuni karone lorai koribo.

Aji bhabna koribole laga pobitro kotha tu hoile Psalm 39:1 Ami koishe, “Ami chowkidaar koribo ami laga rasta khan ke, nahoile ami paap koribo ami laga mukh pora; ami rokhabo amilaga muk ke muzzle pra, jitya biya khan ami laga agete te thake.”