Sep 21 – ABHAN ANUGRAH LAGA!

Luke 19:5 “aru jitya Jisu ahishe jag ate, tai saishe uporte aru dikhishe tai ke,a ru koishe tai ke, “Zacchaeus, joldi kori kene ahibi niche, kilekoile aji Ami thakibo lage apuni laga ghorte”.

Isor pora Zacchaeus ke , mata tu hoile thakishe anugrah te mata laga. Isor kitya bi mananai samajik sthiti te, pora likha, podh aru kaam ke Zacchaeus laga. Tai saiahe uporte tai ke, jun thakishe ekta paapi tax lua laga manu morom pora. Apuni bi uthabo lage apuni laga suku ke aru sabo lage Isor ke; sabi upor pahaar te kote pora apuni laga modot ahe (Psalm 121:1).

Judi Isor jun bonaishe swarg ke sai Zacchaeus ke, itu ase hosa bi sabole anugrah logote; aru utu anugrah pora, morom aru daya dhalishe tai uporte. Isor matishe tai ke aru koishe, ““Zacchaeus, joldi kori kene ahibi niche, kilekoile aji Ami thakibo lage apuni laga ghorte”. Kinika tai jawab dibo lage inika anugrah te mata laga? Tai bishi khushi thakishe pare janibole ki isor pora chunishe tai laga ghor ke, jitya tate bishi dhon manu khan thakishe aru sorkari kaam kora khan bi. Dangor ase abhan anugrah laga!

Kinika Isor apuni ke bachaishe?kinika Tai nijor ke dikhaishe apuni ke? Itu kilekoile apuni yogya thakishe nahoi nahoilebi apuni laga bhal kaam kaorne. Pobitro kotha te koi, “judibi jitya ami khan more galti te, Isor bonaishe ami khan ke jinda iki logote Krista te (anugrah pora hi apuni bachishe)” (Ephesians 2:5). “tai tea mi ase mukti Tai laga kkhun dwara, khemai paap laga, hisab te dhon khan laga tai laga anugrah te juntu Tai bonaishe ami khan phine sob gyan aru bhudi te” (Ephesians 1:7-8).

Kinika Isor apuni ke dharmik bonai? Itu ase pura Tai laga anugrah pora. Apuni ke faisla thik korishe Tai laga anugrah pra (Romans 3:24). Kinika apuni bache sob biya pora itu prithibi laga? Itu mumkin ase khali gyan proa Krista laga aru Tai lag anugrah pora. Jitya Zacchaeus milishe Isor ke aru loishe Tai ke ghor te, sob bi achurit hoishe. Tai khan jananai dhon ke Isor laga anugrah laga, hoilebi dihai thakishe Zacchaeus ke khali ekta tax utha manu koi kene aru paapi koi kene. Tai khan jananai ki itu thakishe abhan dangor anugrah laga. “hoilebi jote paap bandhi kene ase, anugrah bishi gherav korikene ase” (Romans 5:20).

Jericho ase nagar Zacchaeus laga; itu ase nagar khejur gash  laga. Itu ke ekbar shrapitt nagar koi. Joshua pora ahrap dishe utu nagar ke aru koishe sob ki ase Jericho laga hobo shrapit. Hoilebi Isor, Tai laga bharpurn anugrah te, ahishe utu nagar te. Jinika Bhal Samaritan modot korishe manu ke utbhai dibole junk e adha mora charishe rasta te Jericho laga, Isor thakishe daya Zacchaeus uporte jun uthishe guler gash te. Aru Tai bodlaishe itu shrap ke ashirbaad te. Itu iki Isor Jisu hobo daya apuni logote bi.

Aji dhyan koribole laga pobitro kotha tu hoile Revelation 22:3 “aru tate nathakibo shrap, hoilebi rajyo Isor laga aru memna laga thakibo itu te,a ru Tai laga naukar khan seva koribo Tai ke.”