Sep 20 – Anin Araiten a Murkundardanji!

“Iten asan gamlenden Anin Kitung-len; anlen Anin a garupa bassengan a mandranji do Anin araiten a murkundardanji” (Sanenken 95:7).

Ogandiban Anin araiten a murkundardanji’. Kanina a murkundarnganji Kitungan a berna amdangteji, do a bernan ambrij anabhana. Kan sattan ted “Gamangtungan na Gupa Mar-hen, henate er asuige adde-e”. amben janang mananemar adeben dete do lagadamnaba ambendaman Kitungan atimangba.

Bo dinna amben duhin-duaige adelen amarandan. Do d’ongben anurungan delaben aboi mananedam murkundarngan gamle. Amben akadabdongne kan batte, bindo amben agupanaben dete bo janumjuman ahangte sikoija Kitungan a murkundardangan ambrij. Bar Elisan adyerberle kun a nual-ber-lingan: “bantongdong, butente mangbalen daku aninji amanganji saring ate ateng daku”.

U’u, Elisan angardadage amadan dakule, do kun amadan batte togidage a kurtanji do gardikuranji itente Kitungan appailai arabben asan. Kun asan anin rabdulen dakule. Angante amben akznolte Josua, bitsara do Raja, amben arabangte yangam Kitungan rabrabte, sanulen; do a mandranji abmele. J’eben aboi bangsa jannongan abmele. Daudo gamle, “Anin d’ong-hen ledenggab lingan abtabmutih; Anin lagad hana d’an adam adamban d’ong-hen urungtih” (1 Pitor 5:6). Anangte gupamar abhanate a murkundarnganji, garupaban gudingle. Anin galamte oan aparamang aguben dete gamle. Do murkurdarnganji arjabteji man’oihan batte ardutenji atiki.

Amben bo berna andangle pedde Tenali Raman. Bo dinna Rajan, ranan tiyle do ualle dinna do Arabik gurda. Bindo kuddub Tenali Raman a ningad dakule lanumudan a s’inglen, do asar ollan battte tiyjumleji. A m’engted, gurda asarle. Kan a berna rajan amdangle, amelgijben abmele aboi montri appaile. Angante montrin kun darakunaban yireten asar agaban ate gijle.

Kun ambrij, adnisumeji amandranji, alumud-lingan dakutenji do er bangsa januman tiyjumteji, er bangsa hananghangan do jolda kan ambrij abanudin, angante mandranji itente a d’onganji hangdrangdage” (Ebri 13:7). Tanahimdam Kitungan a onagji, Kitungan aitsuman kan ate anlen amarangben dete kuddub-lingan d’ong-lingan, engale pwrardalen.

Okiy Kinolbe absele: “E budbudan aambrij Jakub, do e Israel, bantongdong. Gamangtungan gamte, Hen na d’ong-nam saiyamtai;” (Jisaiya 41:14)