Sep 18 – Togidage a Kurtanji!

“bar gijba, baru lingan Elisan a yaryar togidage a kurtanji do gardikuranji barij tardangge dele” (2 Raja 6:17).

Kitungan a sanengsengan bo bangsadage do rumangdage, a pasijanji a rabraben orde a sanunaben asan oskailen dakuten. Kan ambrij, anlen gijtabe Kitungan appaitai togidage a Kurtanji do gardikuranji a boantan Elisan a d’ong arabben.

Elisan bo sanna baran lumle mengneten, do bo boantan adamban dakule. Rajan Syria amangban. “Kan asan anin kun a darakunaban kurtanji, gardikuranji, do ateng sanu ompu maranji appaieten. Bar aninji togalan adnang yeran yerre gardan a yaryar dakulenji” (2 Raja 6:14). Kan ate gijangijle, Eliya a boantan rumangle a j’e-lingan do buten rabte syria a rajan a s’in-lingan saring. do anin edalen, “Ogai, E Gamang! Iten lummai?”

Bar Elisan adyerberle kun a nual-ber-lingan: “bantongdong, butente mangbalen daku aninji amanganji saring ate ateng daku”. U’u, Elisan angardadage amadan dakule, do kun amadan batte togidage a kurtanji do gardikuranji itente Kitungan appailai arabben asan. Kun asan anin rabdulen dakule.

Angante amben akznolte Josua, bitsara do Raja, amben arabangte yangam Kitungan rabrabte, sanulen; do a mandranji abmele.

Angante sisera yirai Israel asanggemlen, “Bar tuituijanji riangan saring sanuleji; aninji riang lingan obsadan obsadle Sisera asanggem lingan sanuleji” (Bitsara 5:20). Sarigoiloge bo bangsadage, Kitungan appaile arabben kanan, Israelanji amangban. Ganugun ajar ajar ambrij tanangle (Hanagod 23:28).

Angante Misoranji Israel maranji alangkaling asamgem-lingan yerreji, Kitungan sundangan appaile togidage amangbanji. “Kun a tarwbsunan Misoranji a ompu kanuduai do Israelanji a ompu kanuduai a tarangdiban iyaiten, bar taruban batte batte Misoranji apsele lunguddam dele bindo antate Israel maranji abmele paleddam dele. Anten asan kuddub togalan bo ompu kanuduai bzgarda ompu kanuduai adamban rapti adyeradji” (Hanagod 14:20).

Tanahimdam Kitungan a onagji, amben abmele Kitungan ogandite do rabrabte. Ganugudage a ranabraban israelji amangban appaile, mangbaben janang appaitai arabben asan.

Okiy Kinolbe absele: “Iten asan gamlenden ayengan a mandranji GAMANGtungan amang lingan rojol-j’en dakkuteji, aninji apsele Anindaman a ranaptin apsuiben asan Anin a m’odanji ordaran a kuddub maneng gijgijte. Kani lingan aman er banuddi baran lumle. Anten asan kan ayaman saring aman apsele sanun dete” (2 Birinda 16:9).