Sep 18 – JUI NISHINA JOLI THAKA GHORA KHAN!

Kings 6:17 “aru thakibi, pahar khan thakishe pura bhorta ghora khan aru ratha khan pora jui laga Elisha ke gherav kori kene”.

Isor laga rasta khan iman achurit ase aru Tai laga bcah khan ke bachabole nahoilebi judho koribole Tai laga bacha khan nimite. Itu upor laga podh te,a mi khan dikhe Isor ke pothai thaka tai laga jui nishina Joli thaka ghora khan ke aru rath khan ke bacha bole tai laga naukar Elisha ke.

Elisha thakishe ekta sadharan jibon, aru ekta naukar pura tai laga phine thakishe. Syria laga raja bishi dushmani korishe tai logote. “itu karone, tai pothaishe ghora khan ke aru ratha khan ke aru dangor sipahi khan ke tate, aru tate ahishe rati aru gherav korishe nagar ke” (2 Kings 6:17). Sabi itu vikash khan ke, naukar Elijah laga kapishe tai laga mon te aru bhabna korishe kun pora Elijah logote judho koribo  aru kun pora tai khan ke bachabo Syria laga raja pora. Aru  tai kandishe, “aya, ami laga malik! Ami khan ke koribo?”

Aru Elisha laga achurit jawab utu sawal laga: “bhoi nakoribi, kilekoile jun khan ami logote ase tai khan bishi ase jun khan tai khan logote ase.” Hoi Elisha atma laga suku thakishe, aru utu suku khan pora tai dikhibole parishe jui joli thaka ghora khan ke aru rath khan ke ki Isor pora pothaishe tai laga sath dibole. Itu karone tai bhoi koranai.

Kitya apuni puribo Joshua, Judges, aru Kings khan laga kitab ke, apuni pabo kinika Isor bachai, judho kore aru bachai nior laga manu khan ke.

Jitya sisera ahishe Israel manu khan laga khilafte, “tai khan judho korishe swarg khan pora; tara khan pora tai khan laga hisab te judho korishe sisera laga khilaf te” (Judges 5:20). Itu nishina hi achurit kisimpora, isor pora pothaishe hornet makhi ke Canaanite manu khan ke ulai kene kheda bole, Israelite manu khan pora. Utu hornet makhi khan khara korishe hazarta ekta sipahi khan nishina aru khedaishe Canaanite manu khan ke.(exodus 23:28).

Jitya Egypt manu khan Israel manu khan laga piche korishe Isor pora ekta khuta rakhishe jui laga tai khan laga majote. “toh utu hi bonishe camp Egypt manu khan karone aru Israel manu khan karone. Inika hi badal aru andhera ekta te ahishe aru itu pora dishe ujala rati te dusra ke, ki ekta pora ahibole naparibo usor dusra laga pura rati te.” 9Exodus 14:20).

Isor laga bacha khan Isor pora bachai apuni ke aru apuni karone bishi chinta kore.  Tai jun hi pothaishe hornet makhi ke Israel manu khan ke bachabole, tai pora apuni ke bi bachabo.

Aji bhabna koribole laga pobitro kotha tu hoile 2Chronicles 16:9 “kilkoile suku khan Isor laga polai age piche pura prithibi te, nijor ke dikhai dibole tagot thaka utu khan laga phine pora jun khan laga mon hosa ase Tai ke.”