Sep 17 – SHAHI GHORA!

Zechariah 10:3 “kile koile duth khan laga Isor pora lok koribo Tai laga jhundh ke, Judah laga ghor, aru bonabo tai khan ke Tai laga shahi ghora judho te.” (Zechariah 10:3).

Isor pora hi apuni ke lok koribo aru bonabo apuni ke Tai laga shahi ghora judho te. Tai tagot bi kore apuni ke jun komti ase tagot te. Ki apuni jane utu khas adot ekta ghora laga judho te? Isor pora dikhai utu adot ke, utu tagot ke Job ke.

Isor koi, “ki apuni dishe tagot ghora ke? Ki apuni tai ke kapra lagai dishe garaj laga? Taike bhoi lagabole pare ekta foreign pora? Tai laga raja nishina kharate lua tub hoi. Tai rukhe pothar khan te, aru anondo pai tai laga tagot te; tai jopia tali baja te. Tai majak urai bhoi khan laga, aru bhoi nakore; nahoilebi naghurai talwar dikkhi kene. Company khan khara kore tai khan laga khilaf te, aru jathi khan bi. Tai thogai du rte thaka khan ke bhoi pora; tai rokhabole nahe kilekoile pepa awaz ulai. Pepa baja homoi te tai koi; ‘aha! Tai sunge judho ke dur pora, tai gajra laga captan ase aru chillai.” (Job30:19-25).

Ki apuni judho laga ghora hobole mon jai? Tinihoile dibi apuni laga sob bhar khan Isor te aru tai te leti thakibi. Isor sob tagot thaka, ghurai dibo ekta komjur ghara ke tagot sainik te judho laga medan te.

Apuni bhoi nakoribo lage judho apuni laga samne te thaka khan ke. Jitya dukh khan uthe aru hala kore apuni laga khilaf te , apuni anondo hobo shahi jit te. Apuni ahram pora jitibo gussa uporte apuni laga dushman khan laga, aru khara koribo khilaf te. Taikhan kitya bi apuni ke jitibole naparibo. Aru apuni hobo shahi ghora Isor laga judho te.

Judi apuni ekta judho ghora hobo mon jai, itu zaroori jaga ase – ji pora koi kotha mana, juntu bishi dorkari ase ekta Krista laga jibon thakibole. Chela paul pora likhe: “hosabi, ami khan dhale chute khan ke ghora khan te’ mukh juntu ami khan ke mane, aru ami khan ghura tai khan laga pura gau ke” (James 3:3). Ki ase ami khan laga itya laga stithi? Ki ami khan chutu saman khan ase nahoilebi ami khan thaki ase iku chinta nakuri kene?

Dibi nijor ke, aru gyan ke Isor laga hath te, ki tai apuni ke loi jabole apuni laga jibon te. Isor pora dibo tai laga kotha apuni laga mon te aru loi jabo itu laga hisab te.

Isor laga bacha khan, jitya apuni diye ekta judho ghora hobo nimite, tai ghuribo ekta gussa jui te, tai age jabo apuni laga aru loi jabo apuni ke ekta judho medan te. Kitya bi napahoribi ki apuni laga agete jai ase, dibole apuni ke jit apuni laga sob judho te.

Aji bhabna koribole laga pobitro kotha tu hoile Proverbs 21:31 “ghora tayar kori ken ease judho laga din nimite, hoilebi mukti Isor pora ase.