Sep 15 – HOUGATNABA KOUBIBA!

“hougatlo, mahakna nangbu koubi” (Mark 10:49).

Lambi mataida phamlamba Bartimaeus aduna mahakki atanbadai hanna hougatpa mathou tabani. Mahakna amotpa leimaidagi hougatpa tabani,aduga chakniba oibadabagi hougatpa tabani. Mahakna mahakki mittangbadagi hougatkadabani

Eikhoigi Prabhuna eikhoibu eikhoigi chokthabadagi hougatnaba koubibani,amotpa uphul adu nikthaba,eikhoigi isa asi khaptuna umaibi amagumna wangna paikhatpa asi tougadabani,eikhoina hougattuna khudol amadi panggal adu phanggadabani. Madu mahakna eikhoigi damakta thambikhrabani.

Oktaba machanipa aduna mikap thoklakpada,mahakna asumna hairammi, “ eihakna hougattuna eigi ipada chatlage, aduga mahakna chatkhre.” (Luke 15:18-19). Mahakna oksing maraktagi hougatpa mathou tabani, aduga mahakki taibanggi apambadagi hougatpa mathou tabani. Aduga mahakna nungshiheiba Prabhu Jesuda laknaba hougatpa tabani

Prabhus Jesuna mangkhraba thawaibu thinaba amadi kanbinaba taibangda lakkhibani. Ngasi asi nahakna pap amadi potlumda awaba khangduna leiribra? Nahakna laina amadi serap ki makhada awaba khanglibra? Prabhuna mahakki makhut anisi tingthoktuna asumna hairi, “ aduga kanagumba amana eingonda laklabadi eina mahakpu keidoungeidasu tanthokpiroi.” (John 6:37).

Thawaigi punshida uiduna leiriba mi khudingmakpu hougatnaba Prabhuna koubiri. Yamna maru oikhraba yamna thuna  sandokpada mathou taraba Iswargi aphaba wapao leiringei asida tumliba asigi maram karino? Sastrana hairi, “ numit leiringeida eihakna eibu tharakliba mahakki thougan asi toujahougadabani, kananasu thougan touba ngamloidaba ahing adu lakle.” (John 9:4).

Sastranasu hairi,” tumliba nahakna nahak asibadagi hougatlaklllo,aduga Christana nahakki thakta ngangani. (Ephesus 5:14). Tumbagi maramna Samsonna mahakki panggal adu manghanbani. Eutychus adusu tumbagi maramna mahak awangba yumthaktagi tarakkhi. Maichou Jonah adusu tumbadagi misingna houdoktuna mahakna haijanabagi miisngna insinlammi. Maichou Elijahbusu tumbadagi dut amana houdokpikhirammi. Nahakna sanglaba lambida chatkani aduga Prabhuna nahakki mapanna achouba thabak tougadouri. Aduna nahakki tumbadagi hougatlo.

Prabhuna mahakki keinyada hougatnaba koubirammi. Hougatlo, eigi nungsibi, eigi phajabi, inakta laklo. Maramdi yengu,ningthamtasu houkhre, nongjugi matamsu lankhre amasung chatkhre. Heiyiti pambida asangba mahei palle,angur marisingdasu mapal sattuna nungshiba manam sandokli. Hougatlo, eigi nungshibi, eigi phajabi, inakta laklo!” (Song of Solomon 2:10-11, 13). Iswargi machasing,Prabhugi numitki khudam adu eikhoina mapham khudingda uba phangle. Maichousingna hairambasing adu thungkhre. Eikhoigi Prabhubu unanaba hougattuna chatlasira?

Dhyan tougadaba: “hougatlo, hougatlo, napanggal hapchinjaro,O Zion.” (Isaiah 52:1).