Sep 14 – JORDHARYA VESARU BALAVNI

Mark 10:49 Himmath lela.. Vu balarocha..

Himmath lela, prothsaha vagi ra, thu jor lelen vuncho vut Kan kejako vathe Barthimayir dallema yek dhairyan viswasena laayiju vegi.

immathethi ra kajako yee vath Barthimayir maayima hathayeni kajako asadhya vethijako ajji kai vathoi karer athra joren paler nai badlagijen dekacha. Mar butha kai karer veni kan kevalo Abba manna joren devalo Christhur vadithi ma kai thoi karuchu Kan kevaler nai vego.

Moser vagath vegijer pacha Dev Yehoshua Yisraelevalen chalayer badhyathan denako. Katho yee Yehoshuar mundag 7 deshevuna 31 rajevun yudha karan chalayer vor mundag savaal vethi.

Mosen dekan Yehoshuan soganer jagena chalayer athra jordharya vaju himmathen Kan Ken Dev ko. Jethi Dimovupadeser grandh  34:9 vachanema Yehoshua par hath melersath vu gener Athmathi nharago Kan vanchacha. Hava Dever sevakevuthi Dev jorevalo karacha.

Deemo Dever sojavuthi Dev jorevalo  karacha. Hebrivalun 1:4 Yee Dever sojathini kathrako sresta namena kamaldoko, athrajada vundethini mahimaro vego. Manna rakshan chavnu Kan Asa karevalen yee Dever sojavo madath kareval cha. Daniel 10:19 vachanema Daniel niruthsahama vethojana Dever soja athanu ghano premevalo thu dhairyavagi ra, thu dhak padamath, Hava thu jordharya ven ra Kan himmath dino. Jethij jor paldojako Daniel manna jor dinojako Prabhu vathe kar Kan ko.

Theenmo bhayiyuthi prothsaha malacha. Dever katmalema aayejako sejini bhai bandethi madath malacha. Geeder grandh 133:1-3 Yidek bhayu bhalan rer, kathraiko achon kathraiko anand cha. Vu mathepar vundan, Aharoner daadiparen radan, vor veser kosathani vuthrajako sresta theler nai cha. Vu Hermoneparen Siyoner gatlar padajako vosser nai cha, votha Yehova ashisenan, shaswith jeevena aagna demelocha.

Yeshaya 41:6 vo bhai bander nai yeken yek madath karlen prothsaha karleval cha, jethi tham dhairyavagi revo Kan kelacha. Hebrivalun 2:11 vachanema Prabhu apanen bhayukan vu laaz kareni,kassen katho pavithar karevalon, jordharya karevalo apaner moto biyya ven cha.

*Akharima apaner Prabhu Yesur pavithar premethi prothsaha malacha.

Siluva ghalejer pacha chelavo himmathen gamalidejana Prabhu Yesu vunder vacha athanu khile marejako hathen dekalojethi, chelavo vu Prabhur ghavethi vethijako hathen dekan himmath palen dhairyavagi  calvary premen dekthanu vunder dallema jorpalde. Mar premer Dever beptavo Vuj ghav padojako hathen thar Sam sada himmath desarun samjayesaru laambo karan dekalrocha.*

Ajji jada dhyan karen pado  1 Samuel 30:6