Sep 14 – BHRA LAGA THENG THAKA GAZELLE!

2 Samuel 2:18 “aru asahel ekta bhera thakishe theng gazelle nishina.”

Harin laga adot tu hoile tai laga tezi pora hi dikhe. Jinika dhanchiriya uthe uri bole, gazelle nahoile harin bi jopia aru polai bijli laga tezi te bachi bole tai laga dushman khan pora.

Isor pora  dishe alag bachai bole tarika ke sob kisim laga janwar ke. Sandh thake tagot sing, jitu pora tai khan hamla koribole paribo aru phelabo tai khan laga dushman khan ke. Hati khan bi hamla kore tai khan laga hur pora. Saap khan bi zeherila danth thake, bichoo khan thake tai khan laga dank. Hoilebi harin khan nirbhar kore  tai khan laga tezi te.

Atma laga jibon te,a puni khan thakibo lage tezi harin khan nishina. Ekta utsuk aru joldh thakibo lage Isor laga kaam koribo nimite. Pobitro kotha te koi ki ami khan laga Isor kaam kore bishi tezi pora, “aru tai jaishe Cherub te,a ru urishe; Tai urishe pankha te hawa laga” (Psalm 18:10).

Ami khan ekta shrapit nahobo lage isor laga kaam kori kene alag tarika pora, icha nathaki kene, abhav tarike pora. Ami khan jold  te aru tezi pora koribole lage. Ekta joldh laga ehsaas thakibo lage joldh laga ami khan laga jibon aru mantralay te bi, bishi bhag utu paristhiti te jote bishi atma khan ase pabole Isor karone.

Sabi ki pobitro kotha pora koi itu paristhiti uporte. “itu daur tu tezi laga nahoi, nahoile bi jodho tagot laga, nahoilebi ruti budhimaan khan karone, nahoile dhonkhan manu ke buja laga, nahoile anugrah manu khan ke jana laga, hoilebi homoi aru avsar hoi tai khan sob ke” (ecclesiastes 9:11).

Jiman ekta harin tez thake polabole, tai hoshiyaar bi ase aru chaukanna ase, sai thake tai laga dahina aru babya,a ru ekbar ekbaar piche bi sai thake. Isor laga bacha khan, polabi biya bodmasi khan pora aru gau laga paap pora. Sabi harin ke, juntu polai iman dhyan pora pura tai laga tagot pora aru tezi pora, bachi bole tai laga dushman  pora. Inika hi, apuni khan polabole lage sob beya letra khan pora aru bachai kene rakhibole lage nijor ke aru apuni laga atma ke.

Pobitro kotha te koi, “mukti koribi nijor ke ekta gazelle nishina shikari laga hath pora, aru chiriya nishina baheliya nishina” (Proverbs 6:5). “ashirbaad ase manu jun berai biya khan laga hisab te nahou, nahoile khara kore pai khan laga rasta te , nahoile bohe ghrinapurna manu khan boha jagate; hoilebi tai laga bhal khan ase Isor laga niom te, aru Tai laga  niom te, tai bhabna kore din aru rati” (psalm 1:1-2). Isor laga bcah khan, apuni khan ke azadi dishe pap laga bondhi pora, ami khan laga Isor Jius Krista laga khun pora. Aru apuni khan kitya bi dhuri kene nathakibo bondhi te. Khara hobi achurit azadi te apuni ke Isor pora diya te.

Aji bhabn koribole laga pobitro kotha tu hoile Genesis 49:21 “Napthali ekta chari diya harin nishina ase; tai cholai sundor kotha khan”.