Sep 14 – Anengan Ambrij Arij!

“Asael tulab aleban ambrij, boiboi arij mar dakule” (2 Samuel 2:18).

Pargardaban anabrij anapungge dele. Kukkuran bo soso darakuna daku a dakunaben. Aninji neban a kandar-linganji adbasueji, bindo sedaleji bo bangsa darakuna aninji abmele a soso darakuna lingan.

‘Arengan a pzngkarda aran a soso darakun’ bo surda mandrengna amengben abmele, kun ate bo ansadage a ordaran. do anta arengan Kristun na. Butente Kristu-lingan dakute, sanid-lingan adbasue. Bangsa janabanji saite, do dile a nogandinji do barij bangsa dakute.

Ordaran a mandranji kan ambrij anogalan agasa. Aninji bitti-lingan do kan ambrij piton bara-lingan amanagad-lingan dakutenji. Bindo kan a kuddub Kitungan ate ted. Aninji kani order-lingan bo yiryirdesa marge dakutenji. Angante kan ordaran a Rajan yirtai mangbaben, d’ong yijtai rabangben a soso darakunaban do kan ambrij adarakunaban, anten asan bo surda ganadlamberan batte gadlamlangten. (Sanenken 18:10).

Ogandiba ‘a soso darakuna abmele’ aninji a soso-lingan dakutenji kun ate buteja gijle adrabtie. Do kukkuran kun a soso darakuna-lingan solen dakuten. Angante buteja gijetenden, aninji kun sattan a darakuna kun baruban do kukkuranted, asonaben a sosoban. Kan ate aboin gadlamte ganarberan amandrengna kun batte anabhanan dete Kristu-lingan asonaben.

Kristun a rengban dakulaihden, Kitungdage aganugun gijtabe. Do bo bangsa mandrengna adhanatabe, kanina bo bangsa anabhanan. Anlen Kristu amangba asonaben dete amang-lingan abhanadamlen. (Hanangber 9:11).

Kitunglen Jisu a sosodage amandreng daku bokurdi-galji mihnum sikoija, do ayaman adnadurhaiten sikoija adnadesuidamnad. A baran yagi mihunm do tudru-angai a baran absuile, bindo mandranji amangban saring Anin sosodage dakule kun bokurdi-galji mihnum sikoija. Kan yagimihunm tudru angai abaran, Anin abpunggele U’a-Kitungan do Anin damted gamle.

Amben aboi a sosodage adakuben dete. Bogad Kristun arenganden, kun batte galamtabe darakuna a sosodage. Amben a sosodage adeben dete, engale tangleji do bo arengan ambrij asosodage adakulen ate. (Bangsa Hangan 6:5).Tanahimdam Kitungan a onagji, angante amben atiydamten a kanalkal-lingan do apanara-lingan Kitunglen abmele, d’onglen Kalobori a tanimyiman batte janijin delai. Do ajingban, a soso darakunana kun lanankaban. (Sanenken 1:1-2). Tanahimdam Kitungan a onagji, angante amben atiydamten a kanalkal-lingan do apanara-lingan Kitunglen abmele, d’onglen Kalobori a tanimyiman batte janijin delai. Do ajingban, a soso darakunana kun lanankaban.

Okiy Kinolbe absele: “Naptali pargardaban ambrij arij daqkule; bangsa beranji handramle” (Aparamangtan 49:21).