Sep 13 – Pargardaban Ambrij!

Naptali jalle-dongan a pargardab ambrij; anin man’oih managed a bernan opungte” (Aparamangtan 49:21).

Aparamangtan 49 a surda-lingan, anlen kinoltabe Jakub abmele atalaiban ayamling arukkute apasijanji ate gadlamlangten kan kuddub-lingan. Do dile mandranji abmele Anin gadlamle.

Anin objongle Ruben ate attanange a d’an. Anin itsumte Juda bo s’ingokian ambrij. Anin obongle Issakar ate aboi radu pekudan tanagte danukkan ayam janang, Dano ate j’adan batte anobjongan dele, do Benjamin ate aboi radu ontidan ambrij. Bindo angante Anin oblingle Neptali abmele, bo pargardaban ambrij gudingle, bo bangsadage. Kan Souran batte intslon aliban Ambrij’. Angante bo mandran gadlamte kan ambrij’, anlen ganludlangten boantansingan adnang ate. Neptali agaramgaman sanumar. Neptali anab-tudru a o’nan do anab-bagu an O’nan ate Bilha Jakub amang saring. Angante Jakub Misor-desaban yireten, Neptali janang a birindan batte yirleji. Neptali unji a pasijanji dakule. Bindo Kitungan anabsittan batte, a birindanji atengle bkkurdi-yagi ajar unji soa, angante aninji Misordesa sadleji (Danisam 1:43).

Kitungan mangben saring janang kuddub tanolbadanji urte, abaurnaba do atengba. Bibolan gamte, “Antin asan bogad a Onan aburnalabenanden, amben a jardi na anaburdamnan a dete” (Jon 8:36). “Bar amben janardin a galamte, do janardin abumataben” (Jon 8:32). “Gamangtungan Janggardan na,do uante Gamangtungan a Janggar- dan dakuten, tetten anuran daku” (2 Korintian 3:17).

Amben aboi pargardaban. Do Kitungan mangben saring saite man’oihdage a ernan abguguben abmele do asenkendraben. Butente tanolbadan sring anuran hangte, eteden anin bo bangsadage mandrengn do sanensenan lumte. Daudo, Jissi a O’n dakule, Jakub a Kitung jabuble, Israelanji abmele bo kznkznmar dakule (2 Samuel 23:1).

Angante bantileji kanan alabo, Josua bo bangsa a labon tiyle Israel saring ajorda galilli sikoija a d’ongan taniyan dele. Kun Israelanji abmele bo bangsadage dakule aninji abmele itente sanaisaidage dakule. Ruangan a darakuna ahangben asan nami amben asanunaben dete danuih-a d’ong janggardage a ranptin batte. Kitungan d’ongben a jardinna daina tiytaben!

Tanahimdam Kitungan a onagji, amben anuran ahangle tanolbadan saring. Nami amben tanolbad-lingan agasa bindo daina ahangben asan ayirben dete. Engale daina Kitungan d’ongben abtangorte etigoina amben janang dainan ahangte.

Okiy Kinolbe absele: “Kuduai kuduaianji a GAMANGtungan anlen ampara daku; Jakub a Kitungan baradturna-len!” (Sanenken 46:11).