Sep 13 – MANING TAMLABA SAJI!

“Naphtali asina maning tamlabi sajigumbani, mahakna phajaba wahei sijinnari. (Genesis 49:21)

Genesis chapter 49 asi yengba matamda hanuraba Jacobna tungda kari lakkani haibagi maramda takpinaba machaisngbu kouduna wari sarammi. Makhoigi maramda tungda lakkadabasingbu mangjounana phongdokpirammi.

Reuben asi leppa leitaba isingga changdamnakhi. Judah asi nongsagi machaga changdamnakhi. Issachar asi potlum anigi makhada longna turiba lola ga changdamnakhi. Dan asina linga changdamnakhi,Benjaminna keisalga changdamnakhi. Adubu Naphtali adubudi  maning tamlabi saji ga changdamnakhi. Tamildadi ningtamlabi saji amomga changdamnei. Maning tamlabi haiba matamda mahak matam amada bondi oina leirammi haibasi takli. Naphtali haibasi mukna haibani. Naphtali asi Jacobki taruk suba machani, aduga Bilhah gi damakta anisuba machani. Jacobna Egyptta chatkhiba matamda mahakki macha Naphtali su yaorambani. Naphtali na macha ahum pokkhi adubu Iswargi bor gi mapanna mahakna Egyptagi thourakpa matamda mahak macha 53,400 leiramle. (Numbers 1:43).

Iswarna nahakki bondi khudingmaktagi nahakpu ningkha tamhangani. Aduga bor su piraga maiisng yamkhat hangani. Sastrana hai, “ Machanipa aduna nakhoibu ningkha tamhallabadi,nakhoi tasengnamak ningtamgani.”  (John 8:36).   “ Prabhudi thawaini, Prabhugi thawai leiba maphamda, ningtamba lei.” (2 Corinthians 3:17).

Nahak ningkha  tamhallaba sajini. Nahakna nungshiba wahei sijinnaduna Isawrbu thagatpa amadi khurumbasi Iswargi apambani. Bondi oina leiramkhraba mi khaktana ningkha tambagi nungaiba asi khanggani aduga Iswarbu thagatkani. Jessegi machanipa David adu Iswargi laisol esei sakpada yamna heiraba mi ama oina singthannakhi. (2 Samuel 23:1).

Canaangi lam yennaba matamda Joshuana Naphtali adu Israel gi manungda leiba Galileegi lam adu achouba saruk pibirammi. Israelgi lam asi na tungda lakkadaba Armageddon aduna thokkadaba lam adu takli.  Atiyagi mapham da leiriba phattabagi panggal aduga nahakna lan soknaba tabani. Prabhu aduna Satan amadi mahakki athemba khudingmakki mathakta lan ngamkhibani.!

Iswargi machasing, nahakki bondidagi nahakpu ningkha tamhallabani. Nahak bondida leiraroigadabani adubu lanphamda nahak joy oigadabani. Iswarna nahakpu lamjingbibagi maramna nahak lan ngamba adu oigani.

Dhyan tougadaba, “lanmi tenggolgi Prabhu adu eikhoiga loinari, Jacobki Iswar adu eikhoigi changjaphamni” (Psalm 46:11).