Sep 13 – HARIN KE CHARIDISHE!

Genesis 49:21 “napthalie tu ekta harin ase chari diya laga; tai cholai sundor kotha khan.”

Genesis laga 49th chapter te, ami khan pore Jacob, tai laga bura din khan laga tai laga chokra khan ke joma kori kene kobole ki giribo tai khan laga ses dinkhan te. Aru tai drishti koishe sob khan laga.

Tai tulna korishe Reuben ke ekta sthir nathaka pani nishina. Tai lagishe Judah ke ekta bhag laga chab nishina. Tai koishe Issachar ke ekta gadha nishina jun hi dui phine bi bhar loi kene thake, dank e tai tulna korishe ekta saap logote, aru Benjamin ke ekta khatarnak chiyal nishina. Hoilebi jitya tai napthali laga kotha korishe , tai tu ekta harin ke chari diya nishina ase, ekta dhanatmak hisab te. Tamale te koile itu ke ekta ‘maiki harin ke chari diya koi’. Jitya ekta manu ke chari diya koi ami khan jane ki itu ekta bandhi te thakishe koi kene age laga din khan te. Itu kotha ‘napthali’ kua tu hoile “kushti kora ke koi’. Napthali tu 6ta chokra thakishe Jacob laga aru Bilhah laga dusra chokra. Jitya Jacob Egypt te jaishe, napthali bi tai laga porivaar logote tate jaishe. Napthali laga charta chokra thakishe. hoilebi Isor laga ashirbaad pora, tai laga jati laga ginti barhishe 53thousand four hundred tok, jitya tai khan Egypt ke chari she.(Numbers 1:43).

Isor pora apuni ke bi azadi dibo apuni laga sob bondhi khan pora, apuni ke unnati dibo aru ginti barhabo. Pobitro kotha te koi, “itu karone, judi chokra pora bonai apuni ke azad dibo, apuni hosa bi azad hobo” (John 8:36). “aru apuni janibo hosa ke, aru utu hosa pora apuni ke azad kuribo” (John8:32). “itya Isor hi atma ase; aru jote atma Isor laga ase tate azadi ase” (2 Corinthians 3:17).

Apuni ekta azad harin ase. Aru Isor pora akha kore apuni ke cholabole bhal kotha mamhima laga aru seva koribole taike. Khali kunuba jun ke chari she bondhi bonai rakha, janibo paribo hosa motlob ke azadi laga aru gana kuribo bhal gana khan ke. David jesse laga chokra, chuna laga Jacob laga Isor pora, koi taike meetha psalms likha laga Israel te.(2 Samuel 23:1).

Itya canaan laga mati ke bhag korishe, Joshua pora dishe ekta dangor paar mati laga Naphtali ke, Israel laga mati pora gallilee tok. Israel laga mati ke judho laga mati mate jote ses Armageddon hoi. Apuni khan bi lorai koribo lage biya atma laga isor logote itu pobitro jaga khan te. Isor pora hosa bi jit dibo satan khan uporte aru tai laga sob porikha khan te.

Isor laga bacha khan, apuni ke azadi dishe  bondhi khan pora. Apuni khan aru deri dhuri kene nathakibole bondhi te hoilebi jitibo lage apuni laga sob lorai te. Apuni jitibo jita Isor nishina jun apuni ke cholai ase.

Aji bhabna koribole laga pobitro kotha tu hoile Psalm 46:11 “Isor duth khan laga ami khan logote ase; Isor Jacob lsgs smi khan laga hohai ase”