Sep 12 – HARIN JUNTU JOPIA!

Isaiah 35:6  “Titya lengra jopia bo ekta harin nishina, aru gunga laga jiba gana koribo. Kilekoile pani khan ulabo sukha reth mati pora, aru nadi pora reth.”

Itu podh pora koi shakti chuni loa laga. Itu pora koi, anondo Pobitro Atma laga aru khushi kora Isor  te tai ke seva kori kene atma te aru hosa te.

Jun khan paishe shakti Pobitro Atma laga tai khan laga mon te, kitya bi ini nabohe. Psalm likha khan pora bhabna kore aru hude itu laga, “Oh pahar khan, ki apuni par hoi medhe khan nishina?  Oh chutu pahar khan, bhera bacha nishina?” (Psalm 114:6).

Ekta uncha podh laga adhikari thakishe, jun akarshit hoishe mahima aru seva gana khan pora girja laga,a ru ghushishe utu girja te, janibole ki hhoi ase. Tai bhal pora anondo loishe seva laga. Aru achaank pora ekta tagot thaka ulai ahishe Pobitro Atma. Tai shuru korishe kobole alag bashate, ghutna te ahishe aru shuru korishe jhap mari bole.

Acts lagatisra bhag te, ami khan pore kinika chela Peter, bonaishe ekta manu ke berabole aru jopiabole jun jonom pora legra thakishe Jisu Krista laga naam te. “Nazareth laga Jisu Krista laga naam te, uthibi aru berabi. Aru tai dhurishe taike dahina hath pora aru uthaishe taike, aru utu homoi hi tai laga theng aru niche laga haddi khan tagot paishe. Toh, tai, jopiabole shuru hoishe, khara korishe aru beraishe aru ghushishe mondirte tai khan logote- berai kene, jopia kene aru Isor laga naam uncha kori kene” (Acts 3:6-8). Hoi, lengra khan bi jopiabo ekta harin nishina.

Kun khan legra ase? Lengra tai khan ase junkhan hare du rte jabole kobole subh samachar ke, nahoile alag khan ke labh juntu tai khan paishe Jisu Krista pora. Atma te tai khan legra ase, kiilekoile tai khan khushi ase thaki bole jote tai khan ase, iku agh nabarhi kene atma laga jibon te. Isor pora chuni loa laga shakti, bonabo apuni ke jopiabole aru loi jabole tai khan ke dusra sthan te.

Itu nishina hi, jitya chela paul Lystra te jaishe ekta manu thakishe, jun apang thakishe tai laga ama laga pet pora hi – jun kitya bi beranai. Paul taike dhyan di kene saishe aru koishe jor awaz pora, “khara koribi sidha aapuni lagav theng te!” arbu tai jopia kene beraishe” (Acts 14:8-10).

Kiman bi utaam ase itu ekta manu karone jopia bole atma phine, gau phine pora toh? Isor apuni ke mati ase, “uthibbi, uthibi! Dibi apuni laga tagot, O Zion” (Isaiah 52:1). Anondo lobi Isor te aru dibi dhonyabaad, juntu phal ase apuni lag auth laga.

Aji bhabna koribole laga pobitro kotha tu hoile Malachi 4:2 “suraj hosa laga ualbo chanagai logote Tai laga pankha te;aru apuni jabo baharte aru mota hobo jinika gowhali te thaka bachra khan thake.”