Sep 12 – ABHAN KORISHE!

Mark 10:49 “titya tai khan matishe andha manu ke, koi kene tai ke, “hobi bhal mon laga. Uthibi, Tai mati ase apuni ke”.

Jisu khara korishe. Aru tate bishi duri thakishe majete tai aru Bartimaeus laga. Itu duri nahoilebi dur jaga dikhai ase paap ke juntu alag korishe manu ke Isor pora.

Pobitro kotha te koi, “hoilebi apuni laga galti pora alag korishe apuni ke apuni laga Isor pora” (Isaiahn 59:2). Jitya Adam aru Eve korishe paap, itu korishe dangor bhag majete tai khan laga aru Isor majete. Paap juntu ghusishe judas Iscariot te, hodai din karone alag korishe tai ke moromial Isor pora.

Tate ase duita saman juntu pora hatabo pare itu alag hoa ke. Poila itu ase khun Jisu Krista laga. Jitya ekta manu ke dhulaishe khun te Jisu Krista laga, tai ahe usor Isor te. Pobitro kotha te koi, “hoilebi itya Krista Jisu pora apuni jun  ekbar thakishe dur anishe usor khun pora Krista laga”. (Ephesians 2:13).

Dusra, matri khan Isor laga. Naukar khan Isor laga lage milabole Krista aru manu khan ke. Naukar khan ke lage ghoshna koribole manu khan ke, ‘thakibi apuni laga Isor’; aru dibi manu khan ke isor te aru kobi, “yate ase apuni laga manu khan”. Itu karone isor chunishe Tai laga chela khan ke. Aru itya laga homoi te, Tai chunishe naukar khan ke: Chela khan, Nabi khan, procharak, pondit khan aru shikshak khan.

Isor Jisu loishe panchta ruti aru duita mas,a ru ashirbaad korishe tai kahn ke. Hoilebi utu homoi te, Tai lagishe naukar khan ke bhag koribole tai khan ke panch hazar manu khan ke. Ajibi, naukar khan Isor laga ase dorkar bukibole ruti ke – ashirbaad laga kotha Isor laga,a ru itu laga ghera drishti.

Isor tayar thakishe uthabole lazarus ke wapas  jibon te, mora pora. Hoilebi Tai aru lagishe kunuba manu khan ke hatabole utu pathor ke gufa pora.  Tai ke lagishe manu khan bi dhila koribole Lazarus ke mora laga kapra pora.. charta manu ke lagishe anibole berabo napara manu ke Tai usorte changai karone.

Mukti napa agete, Chela Paul (jun agete jani pai Saul koi kene), Isor ulaishe tai agete ekta achurit hisab te, rasta te damascua laga. Puhor swarg pora girisshe tai uporte aru tai bonishe andha. Tate bi Isor lagishe Ananias ke modot koribole Saul ke bodli hobole ekta  chela Paul te.

Isor laga bacha khan, aji bi ami khan nai Krista gau te aru khun tea mi khan majate. Tai laga hath khan ke gojal marishe Krusta phelabole tai laga kimti khun ke ami khan karone. Khun jntu ulaishe tai laga gojal mara pora. Aji apuni ase hath khana ru theng khan Isor laga.khali apuni bukibo lage prithibi laga mantralay te ami khan isor laga.

Aji dhyan koribole laga pobitro kotha tu hoile 2 Corinthians 5:18 “itya sob saman khan ase Isor laga, jun milaishe ami khan ke Nijor te Jisu Krista dwar,a ru dishe ami khan ke mantralay milap laga”.