Sep 11 – HARIN LAGA THENG!

Habakkuk 3:19 “Tai pora bonabo ami laga theng harin laga theng nishina”

Harin khan laga theng khan khas aru tagot laga thake, aru tai khan modot kore harin ke uthibole pahar khan te ahram pora. Pobitro kotha koi ami khan ke ki harin khan bishi tezi pora polabole pare(2 Samuel 2:18). Jinika harin polai iman tezi pora, ami khan bi polabole lage lalacha aru dhon khan pora. (1 Timothy 2:22). Aru ami khan polabole lage ami khan laga Isor Jisu Krista te (Hebrews 12:1).

Isor pora bonai ase apuni laga theng ke harin laga theng nishina, aru bonai apuni ke berabole uncha pahar khan te uporte. Atma laga jibon ke tulna kore ekta polai thaka daur nishina. Pobitro kotha te koi, “ki apuni najane ki jun khan polai daur te, sob polai hoilebi khali ekta pora pratyogita jite? Polabi inka ki apuni pabo nishina (1 Corinthains 9:24).

Chela paul janishe ki tai lage theng harin laga nishina, atma laga jibon te polabole karone. Tai koi, “hoilebi ekta kaam ami kore, pahore utu saman khan jun tu khan picehte ase aru pabole kore utu khan juntu agete ase, ami age jai utu lakshya ke pabole uphar nimite upor pora mat ate Isor pora Krista Jisu te” (Philippians 3:13-14).

Harin nishina, apuni khan uthi thakibo lage  uporte atma laga ucha te, aru agh barhi jabo lage uporte pahar laga. Jerusalem te pungchibole nimite apuni khan thakibo lage atma laga theng.

Caleb jun harin  nishina theng ase itu manishe ki jitya tai eighty-five saal thakishe, koishe, “inika hoilebi ami tagot ase aji laga din te bi jinika moses khan laga din te pothaishile; jinika ami laga tgot thakishe utu homoi te, inika hi ami laga tagot ase. Itya itu karone, dibi ami ke itu pahar juntu Isor koishe utu din te..” (Joshua 14:11-12). Moses tu tagot theng thakishe eksau bis saal te bi. Tai laga suku komjur huanai aru komti huanai.

Moses laga theng tu harin theng nishina. Itu karone tai uthibole parishe mount Nebo  te upor Pisga laga, sabole canaan laga mati ke juntu Isor pora kosom dishile bacha khan ke Israel laga (Deuteronomy 34:1)

Isor laga bacha khan, ki kisim laga theng thakibo? Aru tai khan icha kore uthibole uporte pahar laga? Nahoile tai khan sthir nahoi? Uncha pahar khan  mantralay laga apuni laga agete rakhi dishe. Pobitro kotha te koi, “apuni laga sandal khan bi loha laga aru pitol laga; jinika apuni laga din khan, inika hi apuni laga tagot bi” (Deuteronomy 33:25).

Aji bhabna koribole laga pobitro kotha tu hoile Isaiah 52:7 kiman sundor ase pahar uporte ase theng tai laga jun ane subh samachar, jun koi shanty, jun ane bhal leher khan bhal saman khan laga, jun koi mukti khan ke, jun koi zion ke, “Apuni Isor rajyo kore!”