Sep 11 – ABHAN KHARA THAKIBOLE THIK!

Mark 10:49 “oh Jisu khara thakishe rukhi kene aru adesh dishe tai ke matibole”.

Andha bartimaeus rukhabole parishe Jisu ke tai laga kanda prathana pra. Jisu khara korishe ek jag ate. Ami khan ase Isor jun naphelai ami khan laga prathana khan ke. Ami khan laga isor tu ase moromial aru tane ami khan sob ke Nijor te(psalm 65:2). Tai kityabi naphekai apuni laga prathana ke chari kene.

Jitya Joshua thakishe judho bhumi te, tai haribole mon thakanai judho ke khilaf te amorites laga, kilekoile suraj duba karone te. Toh, taimatishe biswas pora nazar te Israel laga: “suraj, khara thakibi Gibeonlaga uporte;a ru chandh ghati te Aijalon laga” (Joshua 10:12). Toh suraj khara korishe stir,a ru chandh bi rukhishe, jitya tok manu khan  badla lonai tai khan laga dushman khan logote.

“Elijah manu thakishe amikhan nishina,a ru tai prathana korishe mon di kene ki itu barish ahobole;a ru itu barish hoanai mati te tin saal tok aru choio mohina” (James 5:17).

Ami khan dikhe manu khan ke achurit kora tai khan laga gau laga tagot pora. Ekbar ekta Tv show te, ekta manu parishe rokahbole garike niche, tani kene itu ke rushi pora tai laga dari te lagi kene. Sob itu khan hobo pare manu pora.

Hoilebi prathana Bartimaeus laga hazar gun shaktishali thakishe. itu te takishe shakti rukhabole Nirmankarta ke pura shrishti laga, Malik warg aru prithibi laga,a ru tai jun bonashe sob tara khan ke thik homoi te berabole. Judi bi Pradhan Mantri ekta desh laga, jai bahar te shovayatra te, kun bi tai ke rokhabole naparibo. Mantra khan bi sorkar laga lok pabale napare sadharan manu ke. Hoilebi itu achurit nahoi ki ekta sadharan prathana pora rokhabole praishe Nirmakarta ke pura shrishti laga, moromial Isor Jisu  ke!

Tai kora dangor kaam khanke bisarile ami khan, hoi achurik chamatkar ginti nathaki kene. Pobitro kotha te koi, “hobole dibi biya khan ke charibole tai laga rasta,a ru ahdharmik manu ke tai laga bhabna;a ru hobole dibi ghuribole isor ke, aru Tai pora thakibo daya tai laga uporte;a ru ami kahn laga Isor, kintu Tai pora bhorta maa koribo” (Isaiahn 55:7).

Isor Jisu khara kore rokhi kene kanda te Bartimaeus. Ki Tai akha korishe jitya ta khara thakishe? kunuba khan bhabna thakishe pare kile Tai khara korishe. Kunuba khan swal bi korishe kile Tai najai andha manu usorte changai dibole. Tai changai kore alag kisim pora sob homoi te. Tai jaishe gorte jairus laga, uthabole tai laga suwali ke mora pora. Tai tayar korishe jabole ghor te roman Centurion ke changai koribole tai laga naukar ke. Hoilebi yate, tai adesh dishe Bartimaeus ke matibole Tai usor te. Chela james likhe, “ahibi usor isor tearu Tai ahibo usor apuni te” (James 4:8). Isor laga abcha khan, jitya apuni loi ek kadam usor tai te, Tai utsuk thake dos kodom lobule apuni phine.

Aji dhyan koribole laga pobitro kotha tu hoile 2 chronicles 15:2 “Isor ase apuni logote jitya apuni ase Tai logote. Judi apuni bisare Tai ke, Tai ke apuni bisari pabo”.