Sep 09 – CHEIL!

Isaiah 40:31 “jun khan rukhe Isor ke notun koribo tagot; tai khan uthibo tai khan laga pankha logote cheil nishina!”

Cheil khan pora tai khan laga pankha uri bole naphela agete, tai pora sai thakibo bhal hawa laga disha ke. Itu nishina hi, itu zaroori ase bacha khan Isor laga bohi bole maujudgi te Isor laga aru rukhibole Tai laga achurit shikhai diya ke.

Pobitro Kotha te koi ki jun khan rukhe Isor logote tai khan notun koribo tai khan laga tagot ke. Isor pora diye porikha lobule, hani kora laga toofan ke aru ghuronia hawa ke apuni laga jibon te, khali apuni ke tagot dibole. Utu homoi te, apuni bisas koribo lage Isor ke aru chipk I kene thakibo lage Tai logote taan pora. Tai pora kitya bi apuni ke nacharibo. Ashirbaad ase tai khan ke jun khan Isor ke rokkhe.

Ekta bisasi thakishe jun kaam kore manager laga ekta dangor company te. Bishi dhon kama pichete aru dhoni hua pichete, tai dur jaishe Isor pora. Utu hoomoi te, ekta dangor porikha ahishe tai laga jibon te, aru tai nijor laga kaam ke harai loishe, tai laga pehchar aru adhikari  khan ke jun tai logote thakishe. sob poisa juntu tai logote thakishe komi bole shuru hoishe. Aru tai sob harai diya pichete, tai hosh te ahishe aru shuru korishe Isor laga usor te ahibole. Aru Isor laga shikhai diya te, tai rukhishe Isor ke bishi din karone upwas aru prathana loi kene. Aru tai bhor ta hoishe notun chuni loa logote aru atma laga uphar logote. Utu atma laga uphar logote aru achurit shakti pora, tai uthishe tagot hoi kene Isor laga kaam karone aru thakishe ekta tagot thaka laga manteralay.

Ki samasya thakile bi nahoilebi lorai khan juntu apuni samna kore aji laga homoi te itu apuni ke kkhotom koribole karone nahoi. Utu khan tu Isor pora razi thak laga ase, ki apuni phela bole apuni laga pankha ke aru uthibole utu judho khan te. Raja David pora koishe: “agete ami dukkh paishe, ami alag hoishe, hoilebi itya ami rakhibo apuni laga kotha ke” (Psalm 119:67). Hoi, Isor pora bonabo porikha khan ke bi ekta bhal chap apuni te dibole.

Jitya ekta gulab laga kali tu phule, itu ke chubhe kata khan pora bi utu paudha laga. Hoilebi jitya tai pura phule, utu sob jokhom khan ke bhugi kene, itu kiman sundor ulai, aru suku ke bhal laga aru thake mitha gun bi.

Ami khan laga Isor Jisu par korishe bishi dukh khan ke aru chipaishe Calvary te. Hoilebi ahishe  din  uthia laga. Aru utu uthia laga phujir te, Tai uthiashe pura rajakiya aru soundaryamai te aru phelaishe tai laga gunn Tai utha laga pura prithibi te.

Isor laga bacha khan, ki apuni laga ghor ke dhurishe porikha khan pora? Sob porikha aru judho khan jibon laga, bonai ase apuni ke bhagor lagibole? Prathana koribi aru rukkhibi Isor laga theng te. Kilekoile apuni Tai ke moromkore, Tai pora bonabo sob khan ke kaam koribole bhal karone.

Aji bhabna koribole laga pobitro kotha tu hoile Romans 8:18 “kilkoile ami mane ki  dukh khan itya laga homoi te kaam laga nahoi utu ke tulna koribole mahima pora juntu ami khan tye dikhibo.”