Sep 08 – Tanurdu Lingan a Ganuddingan!

“Ayengan a Kitungan batte a Onan, manan; Gamangtung-len Jisu Kristun a artanurdu lingan amben ganudi-ngan a hangle, Anin dernadage na” (1 Korintianji 1:9).

Onparuan janang aboi bangsa ontidan do iteja anogalan agasa,kanuban akubben abmele a d’onganji sanaisaidam. Kammedan do jontunji akubben asan.

Bindo butente butente ate kammedan do jontunji, adkubadji aninji paruan batte kanuban kubleji. Joseph do Mari panglaiji paruan bo kanuban ambrij Jisu abmele anab tamji dinna a karukudan saring.

Anosaijan ambrij Kitungan, Ayengan a anabanji sanaidam. Kan ambrij kukkuran ja bbutente buten ate, aninji adnisumeji kamedan do jontunji aganijgij-linganji, do aninji er-t’ul ontidanji, asui lebun batte taniman dete. Aninji endungle dakutenji.

Bindo atenganji anogandi, aninji man’oihan batte a j’e-linganji. Aninji Kitungan ambele kanuban kubteji a mangbanji Labsotai gamle do amihaman batte ganijdan dete. Ajardinna, Kitunglen Jisun Anindaman ordarban yiraiten do kubdamlen, dile mandranji abmele – banaggi do gamang maranji abmele, tanodagge ted,kuddub mandranji abmele.

Dile mandranji abmele, bindo kan bo bangsa anogalan dakule, kanambrij. Along-maran radu dakuben dete barij baran alumben abmele. Do kan ate sanaisaidam Marid Janggardan abasuben asan, ranadun do anabumengan atiyben abmele. Bibolan gamte: “ayengan a Kristun er ahidan a Janggardan batte Kitungan amangban er adildage kubdamneten (1 Korintianji 10:16).

Anin a mihaman adlingi’eben a kahid baran saring yan awrdam rapti abmaridte, yante gamle amben am’eng Kitungan a d’ong rapti a gangkilte. Marid Janggardan sayamle Jisun Kristun a d’ong pintu kanuban abmele Anindaman. Kan ambrij Marid Janggardan sayamle asayiben asan.

Arakadangan tambedle apangben asan, danusa do kudduban arasudanji sayile yireten. Dile mandranji abmele, bindo kan bo bangsa anogalan dakule, kanambrij. Along-maran radu dakuben dete barij baran alumben abmele, Do kan ate sanaisaidam.

Marid Janggardan abasuben asan, ranadun do anabumengan atiyben abmele. Marid Janggradan sayamtaben kuddub kanalkal-lingan. Kan a ranaptin batte amben dainan ahangte (Jon 15:4). Tanahimdam Kitungan a onagji, amben bogad-den tanunjing-lingan ayirte, abdusalingan do ganarojan mandrengna-ling-ben.

Okiy Kinolbe absele: “Itente anlen a gijlai do amdanglai, antate anlen a gadlamtaben, yanbe gamle amben ja anlen ampara artanurdun rapti a hangte, bar a jardjn na artanurdulen U’an ampara do a Onan Jisu Kristun ampara daku” (1 Jon 1:3).