Sep 08 – BALIDAAN DIYA LAGA KOPOU!

Luke 2:22-24 “tai khan anishe Tai ke Jerusalem te dibole taike Isor logote ekta daan nishina jinika likhi kene ase Isor laga niom te, ekta jora kash Kopou laga nahoile duita kabutar.”

Kilekoile kabutar khan sapha aru iku chalak nathake, tai khan ke daan nimite thik pai. Shand aru saguli khan ke daan te diye jun khan poisa pora pare. Hoilebi jun khan poisa pora napare kinibole shand aru saguli khan ke, itu tai khan laga rivaj thakishe dibole kash kopou laga jora ke  nahoile  kabutar ke (Leviticus 12:3).

Isor laga niom hisab te, Joseph aru Mary anishe ekta jora kash aru kopou laga ekta daan nishina Jisu nimite ath din te tai laga jonom hua laga.

Ki jani utu laga din khan te tai khan nijor ke bhabna korishe, ki tai khan dangor nahoi shand nishina nahoilebi bhal laga saguli nishina, aru tai khan komjur chiriya ase, juntu ke kinibole pare komti poisa pora. Tai khan bhabna koribo paribo thakishe ki tai khan iman dangor ke ghamand dikhabole paribo thakishe. Hoilebi itu bhabna khan pora, tai khan mon te khushi hobo thakishe. Tai khan khushi hobo thakishe ki daan dibole ase kilekoile Isor jun ahishe niche te prithibi te daan dibole nior laga jibon ke aru phelabole Tai laga kimti khun ke pura manu jati karone.

Hosa bi, ami khan laga Isor Jisu ahishe nichete dibole Nijor ke ekta daan nishina, sob manu jati karone- dhon aru dukkhiya khan karone, niche thaka aru dabi thaka khan karone, bura buri khan karone. Itu mamuli nahoi ki ekjon nijor laga jibon ke daan nishina diye, hoilebi mate sapha parikalpana, taan icha aru sahaas ase. Itu zaroori thakishe Pobitro Atma ahi kene Tai logote thakibole, khali Tai ke tagot aru sahas dibole.

Pobitro Kotha te koi: “kiman bishi khun Krista laga, jun hi hodai din laga atma logote dishe nijor ke iku daagi nathaki kene, sapha koribi nijor laga monk e mora kaam khan pora seva koribole jinda Isor laga?” (Hebrews 9:14). Pobitro Atma modot korishe Jisu ke pobitro koribole nijor ke ekta pap laga daan hobo nimite. Inika tagot Pobitro Atma pora modot korishe Jisu ke bhugi bole Krus laga bhar ke, bhugi bole sorom ke aru misa khan ke, aru kastadiak dukh ke Krus te lobule.

Isor lagabcha khan, ki jani apuni khan bi bishi porikha ke paar korishe, gaali aru sorom puni laga jibon te. Mangibi modot swarg laga Kopou ke- Pobitro Atma ke bhugi bole utu porikha aru dukh khan ke. Itu zaroori ase thakibole modot Pobitro Atma laga – moribole ami khan laga nijor laga icha te aru bhugi bole Krus ke. Inika shakti Pobitro Atma pora  zaroori ase cholabole sob daur ke ses nohua tok.

Aji bhabna koribole laga pobitro kotha tu hoile Romans 8:36 “Kilekoile Apuni karone ami khan murishe hodai din; ami khan ke ginti kore bali dibole laga bhera khan majote”