Sep 07 – NIRDOSH KOPOU!

Matthew 10:16 “thakibi, Ami pothabo apuni ke bahar te bhera nishina shiyal khan laga majete. Itu karone, chalak hobi ekta saap nishina aru jokhom nokora ekta kopou  nishina.”

Pobitro Atma ke tulna kore kopou logote. Tai ke tulna nokore baaz logote juntu ure unchain te, nahoile mayor logote juntu phelai tai laga pankha ke aru nache anugrah te, nahoile koel juntu mitha pora mate, nahoile tota juntu khusi kore mon te ekta manu laga tai laga bacha nishina kotha kora pora. Pobitro Atma ke tulna kore ekta kopou logote , kilekole tai logote iku chalaki nai.

Jitya pobitro Atma ahe ekta manu te, tai diye achurit nomrota ane  utu manu te. Gussa, jalan aru nakaratmak utsah uri jai utu manu pora aru utu homoi te, tai pai nomrota pai shanty te aru dhariya  Isor laga. Pobitro Atma ahishe Isor laga uporte, ekta kopou nishina aru tai bhorta hoishe nomrota pora. Matthew 21:5 “kobi suwali Zion laga, ‘thakibi, apuni laga raja ahi ase apuni te, chutu hoi kene, aru bohe gadha te, ekta bcaha, gadha laga’”.

Sabi kinika Isor laga nomrota krus pora dikhai dishe. Tai khan ke jun khan tappor marishe tai laa gal te, tai dishe tai laga dusra gal bi. Tai saishe nomrota porajun tai ke shrap dishe aru misa koishe Tai laga kotha aru prathana kore Baba ke khemai koribole tai khan laga paap ke kilekoile tai khan jane ki tai khan ki kori ase. Kiman bi achurit namuna ase nomrota!

Khali tita, dushmani, gussa, jhagra, jalan aru nakaratma utsah aru ulai ahibo ekta manu laga, judi satan tai te thake. Hoilebi judi apuni bhorta hoi pobitro Atma pora, jun ahe ekta kopou nishina, tini hoile apuni dikhabo morom, nomrota, bhal laga aru phal atma laga. Ami khan laga  Isor Jisu mon bhangi kene thakishe aru bishi khushi hoishe gethsamane laga bagan te. Tai ke kruste dhalishe. Hoilebi Pobitro Atma pora juntu tai te thakishe, tai pura bhorta thakishe dangor adot khan pora jinka khemai kora, bhal, jitya laga atma, anurodh kora, nomrota aru achurit morom, utu laga paristithi te bi.

Ami khan laga Isor Jisu koi: “lobi ami laga dukh apuni te aru shikhibi Ami pora, kilekoile ami norom ase aru niche ase mon te, aru apuni pabo ahram apuni laga atma nimite” (Matthew 11:29). Utu norom hua ke tulna kore ekta kopou laga adot logote, pobitro kotha te. Ekta dulhan ke tulna kore kopou logote, jun chalak nahoi.

Isor laga bacha khan, ki ekta dulhan nirdosh hobo nalage, jinika ekta pobitro Atma chalak nahoi, aru jinika ami khan laga Iosr chalak nahoi?

Aji bhabna koribole laga pobitro kotha tu hoile Song of Solomon 2:14 “oh ami laga kopou, bhanga khan te pathor laga, luki thaka jaga khan te unchain laga, sabole dibi amike chehra, hunibole dibi apuni laga awaz; kilekoile apuni laga awaz mitha ase,a ru apuni laga chehra morom laga ase.”