Sep 07 – Lagaddaman a Kukkuran!

“Engale odlanji amang lingan murkundardanji ambrij, ettele d’ong-ben Hen appaitai. Anten asan j’adanji ambrij buddidam, do kukkuran ambrij er dusadage deba” (Mattiu 10:16).

Marid Janggardan Kukkuran a d’ong gadlamte. Anin buteja batte arobjongan ade, orde surda ontidanji janang batte do kan ambrij bigardaji batte, orde kznkznan a kznten a ontidan batte, orde tongsengan a tongte a ontidan batte kan ambrij bigardatidanji batte. Marid Janggarda arobjongan dele Kukkuran batte, iten asan gamlenden kuni-lingan banandraban orde kayatihdage anogalan agasa amangban.

Angante Marid Janggardan mandran amangba yirtai, Anin Kitungdage a lanagadan tiyte mandran amangban. Banandraban, musaldahiman do tambigad anogalan kan kudduban dunglen yirte atabdong, anin hangte Kitungan a lanagadan, sanabyun do sanayin. Marid Janggardan Kitungan amangba yiraiten, Kukkuran ambrij do lanagadan barij dele. “’Sion ansalo-on a d’ong opunga, gija, raja-nam lagaddam dele, do pekudan, bar a onpekudan, manan, gullzng jontun a on lingan goban goble mangba-nam yertai” (Mattiu 21:5).

Gijba Kitungan yangam lagadam kun arakadang-lingan akubdam-linan ayam. Butente butente a d’ong tudleji, Anin absuidamlen. Anin lanagadan batte gijle ayengan amandranji a d’ong gabroijleji, do U’a amangban garberle aninji itente lumteji kun ate adgalamaji gamle. Yang a surda lanagadan kan ate absuile!

Bogad sonuman mandran amangban basuetenden banandraban, danuaihan, rurdin, mulsaldahiman, kayating anogalan do aganijmadan yirtai. Bindo bogad amben Marid Janggardan batte barij adelenden, Kukkuran ambrij yirtai, manglingben tanimyiman, lanangadan, sanabyun do dile Janggardan a j’on. Kitunglen Jisun a j’e asudale angante gatsamoni dudiban mandran admaniad. Anin arakadang-lingan saring absidle. Bindo Marid Janggardan asan, Amangban barij banansan tanamadan, sanayaman, dainan a jaggardan, bo bangsa lanagadan do Kitungdage a tanimyiman, itedelejanangden.

Kitunglen Jisun gamle “Raong-Hen galdamnaba, bar mang-ling-Hen hanghangnaba, iten asan gamlenden Hen uggar lingan labaddin do lagaddam daku. Bar pwrarda-benji apsele amben lulunan a hangte” (Mattiu 11:29). Kun a Laggadamna Kukkuran batta arobjongan dete, bibol-lingan. Iteja anogalan adakue a ontidan Kukkurana.

Tanahimdam Kitungan a onagji, Sidrungmaran lagaddam, engale Marid Janggardan iteja adnogale, do engale Kitunglen amangba janoldan agasa?

Okiy Kinolbe absele: “Arengan a pzngkarda aran a soso darakuna lingan abo kukkuran ambrij aman daku. Sarrang-nam a amdangben do mukka-nam a gijben orde-ih. Iten asan gamlenden sarrang-nam do mukka-nam langgidam” (Solomon a Kanen 2:14).