Sep 07 – ICHAM CHAMJABA KHUNU!

“yengu, eina nakhoibu keisal marakta yao machagumna tharibani.  Maram aduna  nakhoi lingumna singu aduga khunu gumna pukchel tingu.” (Mathew 10:16).

Thawai asengbasi Khunuga changdamnabani. Mahakna yamna wangna pairiba umaibigumba natraga,vahonggumba natraga makhon nungshiba koyal gumbasu natte. Thawai asengba si khunuga changdamnabani maramdi masi maral leitaba pukchel tingba amadi mabuk phataba karisu leitabani.

Thawai asengbana mi amagi nungda changlakpa matamda, Mahakna mi aduda Iswargi oiba pukchel tappa gi magun pibibani. Asaoba, nataraga phattaba wakhal sing adu mangondagi chatthokani,aduga mahakna pukchel tappa amadi ingthaba adu phanggani. Thawai asengbana Prabhugi thakta lengtharakli,aduga Prabhu aduna yamna yamna pukchel tappa oirakli. Ziongi machanupisingda asumna haibiyu,yengu, nahakki ningthou lenglakle,mahakna nollukna lolada tongduna lakle.’ ” (Mathew 21:5)

Prabhugi pukchel tappa adu yengbiyu, mahakki pukchel tappa adu Cross thakta uba phangi. Mahakki khajai nakan amada phurakpa mising adu mahakna nakan amasu  utpirammi. Mahakpu serap pibasingbu mahakna nungshina amadi pukchel tapna yengbirammi. Aduga mahakna haijabirammi. Masi kayada tamjaningai oiriba pukchel tappa no?!

Akhaba, yeknaba, napan, phattaba khudingmaksi kanagumba amagi manungda Satanna leiba matamda thorakpani. Adubu Thawai asengbana nahakki nungda leirabadi nahak pukchel tappa ama oirakkani,nungshiba amdi Thawaigi mahei khuding adu nanggi nathakta leirakkani. Eikhoigi Prabhugi thamoi adu Gethsemani ingkhonda thamoi kaiba thengnarammi. Mahakpu Cross thakta neibiramle. Adubu Mahakki nungda Thawai asengbana leibana maram oiduna Mahak kokpibagi thawai leirammi, aphaba, lan ngambagi thawai,haijabibagi thawai,pukchel tappagi thawai,aduga nungshibagi thawai leirammi.

Eikhoigi Prabhu Jesuna asumna hairammi, “eigi popu loukhatlaga eingondagi tamjou,maramdi eihak thamoida pukchel tappi,aduga nakhoigi thamoida potthaba phanggani. (Mathew 11:29).  Madugi chinglemba adu khunugi matou gumbani. Keina adusu khunuga changdamnabani,maramdi masina maral leitabani.

Iswargi machasing, keina aduna icham chamba maral leitaba oigadaba natra? Maramdi Thawai asengbana maral leite aduga pukchel sengdaba su leitabani.

Dhyan tougadaba, “eigi khunu, nungjao arotpa maphamda leiribi, nahakki chenglou saktam adu ujage,nahakki nungsi khonjelsu tajage,maramdi nahakki khonjel di nungshi,aduga nahakki chenglou saktamna ningthijei.” (Song of Solomon 2:14).