Sep 07 – ABHAN BHUGIBOLE

1 Peter 2:20-21 “hoilebi jitya apuni kore bhal aru bhuge, judi apuni itu ke loi dhyojyo pora, itu ase bhal Isor laga agete. Kintu itu karone apuni ke matishe”.

Isor matishe ami khan ke pobitrota te; shanty te; hodai din laga gaurav te. Tai matishe ami khan ke bhugibole Tia laga naam nimite,a ru dhyojyo te te itu ke. Kilekoile Krista bi bhugishe ami khan karone, chari kene ami khan ke ekta uddharan, jntu apuni piche koribo lage Tai laga kadam khan ke.

Itu ase ashirbaad bhugi bole Krista karone. Manibi itu dangor bhuga ke aru bikkh ke juntu Tai loishe ami khan nimite. Ami khan bhabna bi koribo npare itu bikhk ke jitya tai lagahath khan aru theng khan ke gojal lagaishe. Itu ase khali kilekoile dangor morom karone juntu Tai thakishe ami khan karone, ki Tai dhyojyo te loishe sob bikh ke aru bhuga ke.

Utu din khan te, jitya Paul aru silas ke marsihe aru dhalishe kalkotri te, tai khan janishe ki tai khan matishe dhyojyo te loishe bhuga ke. Tai khan itu ke loishe ekta ashirbaad avsar koi kene bhugibole Isor karone. Itu karone tai khan bhabna koranai tai khan laga gau laga bikh ke aru bitaishe pura rati prashansha koribole aru seva koribole Isor ke. Tai khan laga swikar kora abhan ke bhugibole thakishe ekta rahasya inika anondo gana kora laga kalkotri te, taikahn laga bhuga laga majete.

Chela paul likkhe, “itya judi ami khan bhugi ase, itu ase apuni laga uphar aru mukti, juntu kaam kore bhugibole inika dukh ke juntu ami khan bi bhuge. Na judi amikhan ke phuslai, itu ase apuni laga uphar aru mukti. Aru ami khan laga akha apuni karone ase bhandhi kene, kilekoile ami khan jane ki jinika apuni bhag loi dukh te ki  apuni bi bhag lobo uphar te” (2 Corinthians 1:6-7).

Bisaribi pobitro kotha te aru pabi kinika sob chla lok pai tai kahn laga mora ke hekh te. Chela Peter ke suli te chadaishe upor niche kori kene. Mark, jun author ase ekta Gospel laga, bandhishe rathgari te aru tanishe mra tok Rome tok. Matthew, morishe ekta shahid nishina Ethiopia  te. Chela Thomas, morishe ekta shahid hoi kene India te. James laga matha katishe. Chela john ke phelaishe goom tel te. Hoilebi iku bi tai khan kea lag koribo paranai Isor laga morom pora. Itu khali kilekoile tai khan pura bujishe aru janishe tai khan laga abhan ke.

“aru judi  bacha khan, tini hoile adhikari – adhikari Isor laga aru mile adhikari Krista logote. Judi hosa bi ami khan bhuge Tai logote, ki ami khan bi gauravmai hobole iki logote. Kintu Ami loi ki dukh itu itya laga homoi laga yogya nahoi tulna koribole gaurav logote juntu amikhan ke dikhabole ase” (Romans 8:17-18). Isor laga bacha khan bhagor nahobi apuni laga atma te jitya apuni khan jabo lage dukh ke paar kori kene. Nacharibi kitya bi morom ke Isor laga. Homoi te bhuga laga, isor pora dibo apuni ke gaurav, loi jabo aru dikhabo apuni ke.

Aji dhyan koribole laga pobitro kotha tu hoile Acts 9:16 “kintu ami dikhabo tai ke kiman bishi saman khan tai bhugibo lage Ami laga naam nimite”.