Sep 06 – TEZ KOPOU NISHINA!

Psalm 55:6 “oh, ki ami pankha aase ekta kopou nishina ! ami uri jabo aru ahram te thakibo”.

Tezi pora ura tu alag adot ase kopou laga. Utu pankhan ekta kopou laga bishi tagot thake tai khan komjur dikhile bi. Tai khan laga pankha laga tagot pora, itu pora uri bole pare narukhi kene din tok. Aru itu karone hi, chiriya shikar laga tai khan ke khedabole napare, deri tok khedai le bi.

Ekbar ekta manu bishi anubhav ase kopou khanke pala, koishe olop jankari ke tai khan uporte. Judi apuni khan kopou ke notun jagate loi jai ekta notun jagate aru chari diye, taikhan poila upor uthibo upor laga  phine suraj laga aru janilobo tai khan laga disha ke. Ekbar tai khan sapha hoi jai  tai khan laga dish ate, tai khan uribo narukhi kene, ahram nakuri kene aru pungchibo tai khan icha kora laga jaga ke. Aru kunuba kopou  bi ase, jun khan pare uri bole hazar mil tok.

Jitya Isor jisu krista baptisma loishe, Pobitro Atma – swarg laga kopou ahishe Tai laga upor te tezi pora ahi kene. Pobitro Kotha pora koi, “Atma Isor laga ahi ami te, kilekoile  Tai pora ami ke chuni she  prachar koribole subh samachar ke dukhiya manu khan ke;  Tai pora pothaishe changai koribole bhanga mon khan ke, kobole azadi ke bhandhi khan ke, sabo paribole andha khan , azadi dibole jun khan ke dabai kene ase; kobole jun khan Isor ke mane” (Luke 4:18-19)

Bishi jagate jote achuri camping khan hoi, manu khan kande tai khan laga mon khuli kene bhorta hobole Pobitro Atma pora bhorta hobole.a ru itu iman achurit thakishe janibole kinika tezi pora Pobitro Atma ahe aru tai khan ke bhorta kore. Kunuba khan ase jun khan ke utu din te chuni loi juntu din te tai khan mukti pai paap pora. Kunuba khan ke chuni loi baptisma laga din te. Pobitro Atma tu tez ase ahibole aru bhorta koribole mon khan ke tai khan laga jun khan jun khan pyas lage aru icha kore Tai ke pabole.

Ami khan pore Acts laga kitab te, kinika Pobitro Atma kaam kore tezi pora bonabole aru uthabole poila Girja ke Biswasi khan laga. Jitya Girja Antioch laga prathan kori thakishe tai khan  laga mantralay nimite, Pobitro Atma ahishe tai khante aru koishe: “itya  alag koribi Ami ke, aji laga din te bi Pobitro Atma icha kore aru tayar ase apuni ke tzi pora prathana khan laga jawab dibole.”

Aji bhabna koribole laga pobitro kotha tu hoile John 1:32 “aru john dishe gawahi, koi ke, “Ami dikhishe Atma ke ahi thaka  swarg pora ekta kopou jishina,a ru Tai thakishe Tai te”